‘വെള്ളക്കുപ്പിയിൽ സഹപാഠികൾ മൂത്രം കലർത്തി, വിദ്യാർഥിനി കുടിച്ചു’; ആൺകുട്ടികളുടെ വീട്ടിലേക്ക് പ്രതിഷേധം, സംഘർഷം

Edited by Jibin George | Samayam Malayalam | Updated: 31 Jul 2023, 9:45 pm

രാജസ്ഥാനിൽ വിദ്യാർഥിനിയുടെ വാട്ടർ ബോട്ടിലിലെ വെള്ളത്തിൽ മൂത്രം കലർത്തുകയും ബാഗിൽ പ്രണയലേഖനം വെക്കുകയും ചെയ്ത സംഭവത്തിൽ പ്രതിഷേധവുമായി പെൺകുട്ടിയുടെ ഗ്രാമവാസികൾ

ഹൈലൈറ്റ്:

വിദ്യാർഥിനിയുടെ വാട്ടർ ബോട്ടിലിലെ വെള്ളത്തിൽ മൂത്രം കലർത്തി.
രാജസ്ഥാനിലെ ഒരു ഗ്രാമത്തിൽ വെള്ളിയാഴ്ചയാണ് സംഭവം.
പ്രതിഷേധവുമായി ഗ്രാമവാസികൾ രംഗത്ത്.

ജയ്പൂർ: ക്ലാസ് മുറിയിൽ വെച്ച് വിദ്യാർഥിനിയുടെ വാട്ടർ ബോട്ടിലിലെ വെള്ളത്തിൽ മൂത്രം കലർത്തിയ സംഭവത്തിൽ പ്രതിഷേധം ശക്തം. രാജസ്ഥാനിലെ ഒരു ഗ്രാമത്തിൽ വെള്ളിയാഴ്ചയാണ് സംഭവം. സഹപാഠികളായ ഒരുകൂട്ടം വിദ്യാർഥികളാണ് മറ്റൊരു സമുദായത്തിൽപ്പെട്ട പെൺകുട്ടിയുടെ വെള്ളക്കുപ്പിയിൽ മൂത്രമൊഴിക്കുകയും ബാഗിനുള്ളിൽ പ്രണയലേഖനം വെക്കുകയുമായിരുന്നു.

ഹരിയാനയിൽ വിഎച്ച്പി റാലിക്കുനേരെ കല്ലേറ്; ക്ഷേത്രത്തിൽ അഭയം തേടി 2,500 പേർ, ആകാശത്തേക്ക് വെടിയുതിർത്ത് പോലീസ്
ദിവസങ്ങൾ കഴിഞ്ഞിട്ടും ആൺകുട്ടിക്കെതിരെ നടപടിയെടുക്കാത്തതിൽ പ്രതിഷേധിച്ച് ഒരു സംഘമാളുകൾ വീട്ടിലേക്ക് കൂട്ടമായെത്തി അതിക്രമിച്ച് കയറാൻ ശ്രമിക്കുകയായിരുന്നു. തടയാൻ ശ്രമിച്ച പോലീസ് സംഘത്തിന് നേരെ കല്ലെറിഞ്ഞു. സംഘർഷം ആരംഭിച്ചതോടെ ലാത്തിവീശിയാണ് പ്രതിഷേധക്കാരെ പോലീസ് വിരട്ടിയോടിച്ചത്. സംഭവത്തിൻ്റെ ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നു.
പെൺകുട്ടി ഇതുവരെ പോലീസിൽ പരാതി നൽകിയില്ലെന്നും അതിനാൽ കേസെടുത്തിട്ടില്ലെന്നുമാണ് പോലീസ് നൽകുന്ന വിവരം.
ആൺകുട്ടിയുടെ വീട്ടിലേക്ക് പ്രതിഷേധവുമായി എത്തിയവർക്കെതിരെ കേസെടുക്കുമെന്ന് പോലീസ് അറിയിച്ചു. ലുഹാരിയ ഗവ. സീനിയർ സെക്കൻഡറി സ്കൂളിൽ വെള്ളിയാഴ്ചയാണ് സംഭവമെന്ന് അഡീഷണൽ പോലീസ് സൂപ്രണ്ട് ഘൻശ്യാം ശർമ്മ പറഞ്ഞു. ഉച്ചഭക്ഷണസമയത്തായിരുന്നു പെൺകുട്ടിക്ക് നേരെ മോശം പെരുമാറ്റമുണ്ടായത്. ക്ലാസിൽ ബാഗും കുപ്പിയും ഉപേക്ഷിച്ച് ഉച്ചഭക്ഷണത്തിനായി കുട്ടി വീട്ടിലേക്ക് പോയിരുന്നു. തിരികെവന്ന് കുപ്പിയിൽ നിന്ന് വെള്ളം കുടിച്ചപ്പോൾ ദുർഗന്ധം അനുഭവപ്പെട്ടു. ചില ആൺകുട്ടികൾ മൂത്രത്തിൽ വെള്ളത്തിൽ കലക്കിയതായി കണ്ടെത്തി. ബാഗിൽ നിന്ന് ലവ് യു എന്നെഴുതിയ ഒരു കത്തും ലഭിച്ചുവെന്ന് ഘൻശ്യാം ശർമ്മ വ്യക്തമാക്കി.

21 ലക്ഷത്തിന്റെ തക്കാളിയുമായി വന്ന ലോറി കാണാനില്ല; പരാതി
പെൺകുട്ടി പ്രിൻസിപ്പലിനോട് പരാതിപ്പെട്ടെങ്കിലും ഒരു നടപടിയും സ്വീകരിച്ചില്ലെന്ന് ആരോപിച്ചാണ് ഗ്രാമവാസികൾ പ്രതിഷേധവുമായി എത്തിയത്. ഇന്ന് സ്‌കൂൾ തുറന്നപ്പോൾ തഹസിൽദാരുടെ മുന്നിൽ പ്രശ്നം അവതരിപ്പിച്ചു. എന്നാൽ, ഫലപ്രദമായ നടപടികളൊന്നും ഉണ്ടാകാത്തതിനെ തുടർന്ന് ഗ്രാമവാസികൾ ആൺകുട്ടികളുടെ വീടുകളിലേക്ക് പ്രതിഷേധവുമായി എത്തുകയായിരുന്നു.

Read Latest National News and Malayalam News

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക