വാഗ്ദാനങ്ങൾ പാലിക്കാനായില്ല; ചെരിപ്പുകൊണ്ട് സ്വയം മുഖത്തടിച്ച് കൗൺസിലർ; വീഡിയോ വൈറൽ
Edited by Karthik KK | Samayam Malayalam | Updated: 1 Aug 2023, 6:08 am
തന്‍റെ വാർഡിനെ നഗരസഭാ ഉദ്യോഗസ്ഥർ അവഗണിച്ചു. തെരഞ്ഞെടുപ്പ് സമയത്ത് ജനങ്ങൾക്ക് നൽകിയ വാഗ്ദാനങ്ങൾ പാലിക്കാൻ കഴിഞ്ഞില്ലെന്നു പറഞ്ഞുകൊണ്ടാണ് ഇയാൾ ചെരിപ്പൂരി സ്വയം മുഖത്തടിച്ചത്
ഹൈലൈറ്റ്:
- വാഗ്ദാനങ്ങൾ പാലിക്കാനായില്ല
- ചെരിപ്പൂരി സ്വയം മുഖത്തടിച്ച് കൗൺസിലർ
- നഗരസഭാ ഉദ്യോഗസ്ഥർക്ക് വിമർശനം
നരസിപട്ടണത്തെ 20ാം വാർഡ് കൗൺസിലറാണ് മുളപ്പർത്തി രാമരാജു. വോട്ടർമാർക്ക് നൽകിയ വാഗ്ദാനങ്ങൾ നിറവേറ്റാൻ കഴിയാത്തതിലെ നിരാശ പ്രകടമാക്കിയതിന് പിന്നാലെയായിരുന്നു സഹപ്രവർത്തകരെ ഞെട്ടിക്കുന്ന നീക്കം ഇദ്ദേഹത്തിൽനിന്നുണ്ടായത്. ’31 മാസമായി ഞാൻ കൗൺസിലറായി തെരഞ്ഞെടുക്കപ്പെട്ടിട്ട്, പക്ഷേ എന്‍റെ വാർഡിലെ ഡ്രെയിനേജ്, വൈദ്യുതി, ശുചിത്വം, റോഡുകൾ, മറ്റ് പ്രശ്നങ്ങൾക്കും പരിഹാര കണ്ടെത്താൻ എനിക്ക് കഴിയുന്നില്ല’ സംഭവത്തിന് പിന്നാലെ രാമരാജു മാധ്യമങ്ങളോട് പറഞ്ഞു.
മഴയ്ക്ക് സാധ്യത ഈ അഞ്ച് ജില്ലകളിൽ; ഉയർന്ന തിരമാല ജാഗ്രത നിർദേശം; ഇന്നത്തെ കാലാവസ്ഥാ പ്രവചനം ഇങ്ങനെ
Foreign Liquor Seized: വിദേശ മദ്യം കടത്തുന്നതിനിടയിൽ പശ്ചിമ ബംഗാൾ സ്വദേശി പിടിയിൽ
നാൽപ്പതുകാരനായ രാമരാജു ഓട്ടോറിക്ഷ ഓടിച്ച് ഉപജീവനം നടത്തുന്നയാളാണ്. താൻ എല്ലാ വഴികളും പരീക്ഷിച്ചെങ്കിലും വോട്ടർമാർക്ക് നൽകിയ വാഗ്ദാനങ്ങൾ പാലിക്കാൻ കഴിഞ്ഞില്ലെന്നും രാമരാജു ജനങ്ങളോട് പറഞ്ഞു. 20ാം വാർഡിനെ നഗരസഭാ ഉദ്യോഗസ്ഥർ പാടേ അവഗണിച്ചു. വോട്ടർമാർക്ക് വാട്ടർ കണക്ഷൻ പോലും നൽകാൻ കഴിഞ്ഞില്ലെന്നും അദ്ദേഹം ആരോപിച്ചു.
വോട്ടർമാർക്ക് നൽകിയ വാഗ്ദാനങ്ങൾ പാലിക്കാൻ കഴിയാതിരിക്കുന്നതിനേക്കാൾ കൗൺസിൽ യോഗത്തിൽ മരിക്കുന്നതാണ് നല്ലതെന്ന് തോന്നിയെന്നും രാമരാജു പറഞ്ഞു.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
