ഉച്ചകോടിയില്‍, യുദ്ധം അവസാനിപ്പിക്കുന്നതിനുള്ള പൊതുതത്വങ്ങളുണ്ടാക്കി ലോക നേതാക്കള്‍ ഒപ്പുവയ്ക്കും. ഈ തത്വങ്ങളായിരിക്കും റഷ്യയും ഉക്രെയ്‌നും തമ്മിലുള്ള ഭാവി സമാധാന ചര്‍ച്ചകളുടെ അടിത്തറ.
ഉക്രേനിയന്‍ പീസ് ഫോര്‍മുലയില്‍ 10 അടിസ്ഥാന പോയിന്റുകള്‍ അടങ്ങിയിരിക്കുന്നതായി ജിദ്ദയിലെ ചര്‍ച്ചയെ കുറിച്ച് സംസാരിക്കവെ ഉക്രെയ്ന്‍ പ്രസിഡന്‍ഷ്യല്‍ ഓഫീസ് മേധാവി ആന്‍ഡ്രി യെര്‍മാക് വെളിപ്പെടുത്തി. ഇത് നടപ്പിലാക്കുന്നത് ഉക്രെയ്‌നിന് സമാധാനം ഉറപ്പാക്കുക മാത്രമല്ല, ഭാവിയില്‍ ലോകത്ത് നടക്കുന്ന സംഘര്‍ഷങ്ങളെ പ്രതിരോധിക്കാനുള്ള സംവിധാനങ്ങള്‍ സൃഷ്ടിക്കുകയും ചെയ്യുമെന്ന് യെര്‍മാക് പ്രസ്താവനയില്‍ പറഞ്ഞു.
Foreign Liquor Seized: വിദേശ മദ്യം കടത്തുന്നതിനിടയിൽ പശ്ചിമ ബംഗാൾ സ്വദേശി പിടിയിൽ
ഉക്രെയ്‌നിന്റെ അതിര്‍ത്തി പുനഃസ്ഥാപിക്കല്‍, റഷ്യന്‍ സൈന്യത്തെ പിന്‍വലിക്കല്‍, എല്ലാ തടവുകാരെയും മോചിപ്പിക്കല്‍, ആക്രമണത്തിന് ഉത്തരവാദികളായവര്‍ക്കുള്ള ട്രിബ്യൂണല്‍, ഉക്രെയ്‌നിനുള്ള സുരക്ഷാ ഗ്യാരന്റി എന്നിവ ഉള്‍പ്പെടെ 10 പോയിന്റ് സമാധാന ഫോര്‍മുലയാണ് ഉക്രെയ്ന്‍ മുന്നോട്ടുവച്ചിരിക്കുന്നത്.
സൗദി കാബിനറ്റ് അംഗവും ദേശീയ സുരക്ഷാ ഉപദേഷ്ടാവുമായ ഡോ. മുസൈദ് അല്‍ഐബാന്‍ ആണ് 30 രാജ്യങ്ങളിലേക്ക് ക്ഷണക്കത്ത് അയച്ചതെന്ന് ബന്ധപ്പെട്ട വൃത്തങ്ങള്‍ അറിയിച്ചു. കോപന്‍ഹേഗന്‍ ചര്‍ച്ചകളില്‍ ബ്രസീല്‍, ഇന്ത്യ, സൗദി അറേബ്യ, ദക്ഷിണാഫ്രിക്ക, തുര്‍ക്കിയെ എന്നിവയുള്‍പ്പെടെ ജി 7, യൂറോപ്യന്‍ യൂണിയനില്‍ നിന്നുള്ള മുതിര്‍ന്ന ഉദ്യോഗസ്ഥരും സംബന്ധിച്ചിരുന്നു.
അന്യസ്ത്രീകള്‍ക്ക് ഹാര്‍ട്ട് ഇമോജി അയച്ചാല്‍ കുവൈറ്റിലും സൗദിയിലും ജയില്‍ശിക്ഷ
അന്താരാഷ്ട്ര രംഗത്ത് സമീപകാലത്തായി സൗദി നടത്തിയ ശക്തമായ നയതന്ത്ര ഇടപെടലുകളാണ് ജിദ്ദയിലെ സമാധാന ചര്‍ച്ച പ്രതിഫലിപ്പിക്കുന്നതെന്ന് രാഷ്ട്രീയ നിരീക്ഷകര്‍ വിലയിരുത്തുന്നു. എല്ലാ കക്ഷികളില്‍ നിന്നും ലഭിക്കുന്ന ബഹുമാനവും അഭിനന്ദനവും മുഖവിലയ്‌ക്കെടുത്ത് അഭിപ്രായവ്യത്യാസങ്ങള്‍ പരിഹരിക്കുന്നതിനുള്ള വ്യവസ്ഥകള്‍ക്ക് രാജ്യം വഴിയൊരുക്കുകയാണെന്ന് മാധ്യമങ്ങള്‍ റിപ്പോര്‍ട്ട് ചെയ്തു.
റഷ്യയും ഉക്രെയ്‌നിനെ പിന്തുണയ്ക്കുന്ന പാശ്ചാത്യ രാജ്യങ്ങളും തമ്മിലുള്ള പോരാട്ടത്തിന്റെ നിര്‍ണായക ദിശാസന്ധിയിലാണ് സൗദിയിലെ സമാധാന ചര്‍ച്ചയെന്ന് വാള്‍സ്ട്രീറ്റ് ജേണല്‍ ചൂണ്ടിക്കാട്ടി. അമേരിക്ക ഉള്‍പ്പെടെയുള്ള പാശ്ചാത്യ രാജ്യങ്ങളില്‍ നിന്നും ഇന്ത്യയും ബ്രസീലും ഉള്‍പ്പെടെയുള്ള പ്രമുഖ വികസ്വര രാജ്യങ്ങളില്‍ നിന്നും പ്രതിനിധികള്‍ സൗദിയിലെത്തുമെന്നും യുഎസ് ദേശീയ സുരക്ഷാ ഉപദേഷ്ടാവ് ജേക്ക് സള്ളിവന്‍ പങ്കെടുക്കുമെന്നും വാള്‍സ്ട്രീറ്റ് ജേണല്‍ റിപ്പോര്‍ട്ട് ചെയ്തിരുന്നു.
ഒമാനിലെ തൊഴിലുടമകള്‍ക്ക് ഇനി മുതല്‍ ജീവനക്കാരുടെ പാസ്‌പോര്‍ട്ട് സൂക്ഷിക്കാന്‍ അനുവാദമില്ല
യൂറോപ്യന്‍ യൂണിയന്‍ രാജ്യങ്ങള്‍ക്കു പുറമേ അമേരിക്ക, ബ്രിട്ടന്‍, ദക്ഷിണാഫ്രിക്ക, പോളണ്ട്, ഇന്തോനേഷ്യ, ഈജിപ്ത്, മെക്‌സിക്കോ, ചിലി, സാംബിയ തുടങ്ങിയ രാജ്യങ്ങളില്‍ നിന്നുള്ള മുതിര്‍ന്ന ഉദ്യോഗസ്ഥരും ജിദ്ദയിലെത്തും. കഴിഞ്ഞ മെയ് മാസത്തില്‍ ജിദ്ദയില്‍ നടന്ന അറബ് ലീഗ് ഉച്ചകോടിയില്‍ ഉക്രൈന്‍ പ്രസിഡന്റ് വ്‌ളോഡിമര്‍ സെലെന്‍സ്‌കി പങ്കെടുത്തിരുന്നു. 2022 ഫെബ്രുവരിയില്‍ റഷ്യ ഉക്രെയ്‌നെതിരെ യുദ്ധം ആരംഭിച്ചതുമുതല്‍ ഇരുപക്ഷത്തും ചേരാതെ ഏറെക്കുറെ നിഷ്പക്ഷത പാലിച്ചതിനാല്‍ അറബ് രാജ്യങ്ങളുടെ നിലപാടുകള്‍ക്ക് സ്വീകാര്യതയുണ്ട്.
