Sumayya P | Samayam Malayalam | Updated: 1 Aug 2023, 11:08 am
മാനവശേഷി വികസനകാര്യങ്ങൾക്കുള്ള മന്ത്രാലയ അണ്ടർ സെക്രട്ടറി മുഹമ്മദ് ബശ്നാഖ് ആണ് സൗദിയുടെ പുതിയ പദ്ധതികളെ കുറിച്ച് വാർത്ത പുറത്തുവിട്ടത്. വിഷൻ 2030 നടപ്പിലാക്കുന്നതിന്റെ ഭാഗമായി സൗദി നിരവധി തരത്തിലുള്ള പദ്ധതികൾ ആണ് നടപ്പിലാക്കുന്നത്.
ഹൈലൈറ്റ്:
- എണ്ണഇതര വരുമാനം കണ്ടെത്തുന്നതിനുള്ള കൂടുതൽ പ്രവർത്തനങ്ങൾ നടത്തുക.
- രാജ്യത്ത് ടൂറിസം പരിപാടികൾ വർധിപ്പിക്കുക
2020 ൽ ടൂറിസം മന്ത്രാലയം വിവിധ തരത്തിലുള്ള പരിശീലന പരിപാടികൾ ആരംഭിച്ചിരുന്നു. മൂന്നുവർഷത്തിനിടെ അഞ്ചുലക്ഷം സൗദി പൗരന്മാർക്ക് പരിശീലനം നൽകി കഴിഞ്ഞു. പദ്ധതിയുടെ ഭാഗമായി 90ലേറെ പരിശീലന പദ്ധതികൾ ആണ് നടപ്പിലാക്കുന്നത്. കഴിഞ്ഞ വർഷം ടൂറിസം മേഖലയിലെ 198 ഉന്നത ജീവനക്കാർ എക്സിക്യൂട്ടിവ് മാസ്റ്റേഴ്സ് പ്രോഗ്രാം നടപ്പിലാക്കി. ടൂറിസം മേഖലയിലെ സ്വദേശിവത്കരണം സൗദി നടപ്പിലാക്കുന്നതോടെ തൊഴിലുകൾ മെച്ചപ്പെടുത്താൽ സാധിക്കും. ഉന്നത തസ്തികകളിൽ ജോലി ചെയ്യാൻ സൗദികളെ യോഗ്യരാക്കുകയാണ് ഇതിലൂടെ സൗദി ലക്ഷ്യം വെക്കുന്നതെന്നും മന്ത്രാലയ അണ്ടർ സെക്രട്ടറി മുഹമ്മദ് ബശ്നാഖ് ആണ് ഇക്കര്യം വ്യക്തമാക്കിയത്. മാധ്യമം ആണ് വാർത്ത റിപ്പോർട്ട് ചെയ്യുന്നത്.
Ambani Family: അനിൽ അംബാനിയുടെ ചുവട് തെറ്റിയതെവിടെ?
Also Read: യുഎഇയിലെ കോര്‍പ്പറേറ്റ് നികുതി; പുതിയ ചട്ടങ്ങള്‍ ഇന്ന് മുതല്‍ പ്രാബല്യത്തില്‍
അതേസമയം സൗദി ഈ വര്‍ഷം 1.9 ശതമാനം സാമ്പത്തിക വളര്‍ച്ച നേടുമെന്ന് അന്താരാഷ്ട്ര നാണയനിധി. അടുത്ത വർഷം ഇത് 2.8 ശതമാനമായി ഉയരുമെന്ന് ഐഎംഎഫ് പ്രതീക്ഷ പ്രകടിപ്പിച്ചു. സൗദിയിൽ സ്വകാര്യ നിക്ഷേപങ്ങൾ വർധിച്ചു വരുകയാണ്. ഇത്തരം വളർച്ചകൾ ഉണ്ടാകുമ്പോൾ രാജ്യം സാമ്പത്തിക വളര്‍ച്ച കൈവരിക്കുമെന്ന് അന്താരാഷ്ട്ര നാണയ നിധി പറഞ്ഞു. ഈ വർഷം സൗദി 1.9 ശതമാനം വാർഷിക വളർച്ച നേടുമെന്നാണ് പ്രതീക്ഷിക്കുന്നത്. അടുത്ത വർഷം ഇത് 2.8 ശതമാനമായി ഉയരും എന്നാണ് റിപ്പോർട്ടിൽ പറയുന്നത്.
ഇതിലും മികച്ച സാമ്പത്തിക വളര്‍ച്ച കൈവരിക്കുമെന്നായിരുന്നു നേരത്തേ അന്താരാഷ്ട്ര നാണയനിധി പുറത്തുവിട്ട റിപ്പോർട്ട്. ഇനിയും രാജ്യത്ത് വലിയ പദ്ധതികൾ നടപ്പിലാക്കുകയും, സ്വകാര്യനിക്ഷേപങ്ങൾ വർധിക്കുകയും ചെയ്യും. അടുത്ത വര്‍ഷം പെട്രോളിതര മേഖലയുടെ വളര്‍ച്ചക്ക് സഹായിക്കുന്ന തരത്തിലുള്ള നിരവധി പദ്ധതികൾ നടപ്പിലാക്കാൻ ആണ് തീരുമാനിച്ചിരിക്കുന്നത്. ഇതെല്ലാം സാധിക്കുമെന്നാണ് പ്രതീക്ഷിക്കുന്നതെന്നാണ് ഐഎംഎഫ് . ലോക സമ്പദ്‌വ്യവസ്ഥ ഈ വര്‍ഷവും അടുത്ത വർഷവും മൂന്നു ശതമാനം വളര്‍ച്ച നേരിടുമെന്നാണ് ഐഎംഎഫ് അറിയിച്ചിരിക്കുന്നത്. കഴിഞ്ഞ വർഷം 3.5 ശതമാനമായിരുന്നു ലോക സാമ്പത്തിക വളർച്ച. ആഗോളതലത്തിൽ പണപ്പെരുപ്പം ഈ വർഷം ശരാശരി 6.8 ശതമാനമായി കുറഞ്ഞു. കഴിഞ്ഞ വര്‍ഷം ഇത് 8.7 ശതമാനമായിരുന്നു. എണ്ണ ഉത്പാതനത്തെ മാത്രം ആശ്രയിച്ചിരിക്കുന്ന രീതിയിൽ നിന്നും സൗദി മാറി മറ്റു പലതരത്തിലുള്ള വരുമാനം കണ്ടെത്താൽ വേണ്ടിയുള്ള പ്രവർത്തനങ്ങൾ നടത്തിയിരുന്നു. ഇതെല്ലാം ഒരു പരിതിവരെ വിജയം കണ്ടെത്തി എന്ന് വേണം രാജ്യത്തിന്റെ വളർച്ചയിൽ നിന്നും മനസ്സിലാക്കാൻ. രാജ്യത്തെ കൂടുതൽ വളർച്ചയിലേക്ക് കൊണ്ടുവരാനുള്ള ശ്രമങ്ങൾ ആണ് നടത്തുന്നത്.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
