കുവൈത്ത് സിറ്റി > കേരള ആർട്ട് ലവേഴ്സ് അസോസിയേഷൻ, കല കുവൈത്ത് സംഘടിപ്പിക്കുന്ന സാഹിത്യോത്സവത്തിന്റെ ഭാഗമായി പ്രവാസി മലയാളികൾക്കായി നടന്ന വിവിധ സാഹിത്യ രചനാമത്സര വിജയികളെ പ്രഖ്യാപിച്ചു. ” കേരള വികസനം, സാധ്യതകളും പ്രതിസന്ധികളും” എന്ന വിഷയത്തിൽ നടന്ന ഉപന്യാസ രചന മത്സരത്തിൽ സാജു സ്റ്റീഫൻ ( കുവൈത്ത് ) ഒന്നാം സ്ഥാനം നേടി. ജോബി ബേബി, ലിപി പ്രസീദ് ( കുവൈത്ത് ) എന്നിവർ രണ്ടും മൂന്നും സ്ഥാനങ്ങൾ കരസ്ഥമാക്കി.
ചെറുകഥ രചന മത്സരത്തിൽ മനോജ് കോടിയത്ത് ( ദുബായ് ) ഒന്നാം സ്ഥാനവും, ഹുസൈൻ തൃത്താല ( ദോഹ ), റീനാ സാറാ വർഗീസ് ( കുവൈത്ത് ) എന്നിവർ രണ്ടും മൂന്നും സ്ഥാനങ്ങൾക്കും അർഹരായി. കവിതാരചന മത്സരത്തിൽ ഉത്തമൻ കുമാരൻ ( കുവൈത്ത് ) ഒന്നാം സ്ഥാനവും ജ്യോതിദാസ് നാരായണൻ ( കുവൈത്ത് ), ശിഹാബുദ്ധീൻ ടി ( ദുബായ് ) എന്നിവർ രണ്ടും മൂന്നും സ്ഥാനങ്ങൾക്കും അർഹരായി.
വിവിധ രാജ്യങ്ങളിൽ നിന്നുമായി നൂറോളം പേർ പങ്കെടുത്ത മത്സരത്തിൽ നിന്നാണ് സമ്മാനാർഹരായവരെ തെരെഞ്ഞെടുത്തത്. വിജയികൾക്കുള്ള സമ്മാന വിതരണം ആഗസ്ത് 4 വെള്ളിയാഴ്ച മംഗഫ് കല സെന്ററിൽ സംഘടിപ്പിച്ചിട്ടുള്ള സാഹിത്യോത്സവത്തിൽ വച്ച് നടക്കുമെന്ന് കല കുവൈറ്റ് ഭാരവാഹികൾ അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
