(scrape away dirt)എന്നത് തന്നെ. ചര്‍മത്തിന്റെ പുറംപാളിയിലെ പഴയ കോശങ്ങള്‍ ഉരച്ച് കളഞ്ഞ് ചര്‍മ സുഷിരങ്ങളെ സ്വതന്ത്രമാക്കി ചര്‍മത്തിന് തിളക്കം നല്‍കുന്ന വഴിയാണിത്.
സൗന്ദര്യത്തിന് മാത്രമല്ല
ഇത് സൗന്ദര്യത്തിന് മാത്രമല്ല, ശരീരത്തിലെ പല വേദനകളും ശമിപ്പിയ്ക്കാന്‍ ശരീരത്തിന്റെ വിവിധ ഭാഗങ്ങളിലും പ്രയോഗിയിക്കുന്നു. ഈ പ്രത്യേക പ്രക്രിയ രക്തപ്രവാഹം ശക്തിപ്പെടുത്തുന്നു, കോശങ്ങളുടെ കേടുപാടുകള്‍ മാറ്റുന്ന പ്രക്രിയ എളുപ്പമാക്കുന്നു. ഇത് ശരീരത്തിലെ ടോക്‌സിനുകള്‍ നീക്കാനും സഹായിക്കുന്നു. ലിംഫാറ്റിക് ഡ്രെയിനേജിലൂടെയാണ് ശരീരത്തിലെ ടോക്‌സിനുകള്‍ നീക്കപ്പെടുന്നത്. ഇത് ചെയ്യാന്‍ വേണ്ടിയുള്ള പ്രത്യേക ആകൃതിയിലെ ഉപകരണങ്ങള്‍ ഇപ്പോള്‍ ഓണ്‍ലൈനിലും മറ്റും ലഭ്യവുമാണ്. ഇതല്ലെങ്കില്‍ കോയിനോ സ്പൂണോ വച്ചും ഇത് ചെയ്യാവുന്നതാണ്. പ്രത്യേക രീതിയിലെ കല്ലാണ് പരമ്പരാഗമായി ഇത് ചെയ്യാന്‍ വേണ്ടി ഉപയോഗിച്ച് വരുന്നത്.
മുഖത്തിന് നാച്വറൽ ഗ്ലോ കിട്ടാൻ ഇതൊന്ന് പരീക്ഷിച്ചോളൂ
മുഖത്തിന് നാച്വറൽ ഗ്ലോ കിട്ടാൻ ഇതൊന്ന് പരീക്ഷിച്ചോളൂ
ഫേഷ്യല്‍ മസാജ്
ഗ്വാ ഷാ ടെക്‌നിക് ചര്‍മത്തിലെ വരകളും ചുളിവുകളും അകറ്റി പ്രായക്കുറവ് നല്‍കാന്‍ സഹായിക്കുന്ന ഒന്നാണ്. ഇത് നല്ലൊരു ഫേഷ്യല്‍ മസാജ് കൂടിയാണ്. ഇത് മുഖത്തെ മസിലുകളെ റിലാക്‌സ് ചെയ്യാന്‍ സഹായിക്കുന്നു. ഇതിനാല്‍ വരകളും ചുളിവുകളും നീങ്ങുന്നു. ഇൗ പ്രത്യേക രീതിയിലെ ഉപകരണം വച്ച് മുഖത്ത് മസാജ് ചെയ്യുന്നത് മുഖത്തുണ്ടാകുന്ന വീര്‍മത കുറയാന്‍ സഹായിക്കുന്നു. പ്രത്യേകിച്ചും കണ്ണിനടിയിലും മറ്റും. ലിംഫാറ്റിക് ഡ്രെയിനേജിലൂടെയാണ് ഇത് സാധ്യമാകുന്നത്.
രക്തപ്രവാഹം
ഈ മസാജിലൂടെ ചര്‍മത്തില്‍ മര്‍ദമേല്‍പ്പിച്ച് മൃതകോശങ്ങള്‍ നീക്കുകയാണ് ചെയ്യുന്നത്. ഇത് സോഫ്റ്റ് ടിഷ്യൂകളിലുള്ള മൈക്രോസര്‍കുലേഷന് സഹായിക്കുന്നു. ഇതിലൂടെ രക്തപ്രവാഹം വര്‍ദ്ധിയ്ക്കുന്നു. ഇത് ചര്‍മത്തിലെ കരുവാളിപ്പ് മാറാനും കണ്ണിനടിയിലെ കറുപ്പകറ്റാനുമെല്ലാം സഹായകമാണ്. മുഖത്തിന് തിളക്കം ലഭിയ്ക്കാനും ഇത് നല്ലതാണ്. കാരണം രക്തപ്രവാഹം ശക്തിപ്പെടുന്നതിലൂടെ കൂടുതല്‍ ഓക്‌സിജന്‍ പ്രവാഹം ഉണ്ടാകുകയാണ് ചെയ്യുന്നത്.
കല്ല്
സാധാരണയായി ഇതിന് ഉരുണ്ട രൂപത്തിലെ കല്ലുകളോ ഹാര്‍ട്ട് ഷേപ്പിലെ കല്ലുകളോ ആണ് ഉപയോഗിയ്ക്കാറ്. ഈ കല്ല് ആദ്യം നല്ലതുപോലെ വൃത്തിയാക്കുക. മുഖവും കഴുകി വൃത്തിയാക്കണം. തുടച്ച ശേഷം ഏതെങ്കിലും നല്ല ഓയില്‍ മുഖത്ത് പുരട്ടാം. ഇത് കല്ല് പെട്ടെന്ന് എല്ലാ ഭാഗത്തേയ്ക്കും നീങ്ങാന്‍ സഹായിക്കും. ആവശ്യത്തിന് അനുസരിച്ച് ഓയിലോ ക്രീമോ വീണ്ടും പുരട്ടാം. ഇത് വച്ച് താഴെ നിന്നും മുകളിലേയ്ക്ക് വേണം, മസാജ് ചെയ്യാന്‍. നെറ്റിയില്‍ നടുവില്‍ നിന്നും തുടങ്ങി നെറ്റിയുടെ ഇരു വശങ്ങളിലേയ്ക്കും, അതായത് പുറത്തേയ്ക്കുള്ള ദിശയില്‍ വേണം, ഇത് ചെയ്യാന്‍. കഴുത്തില്‍ ഇത് കഴുത്തിലെ താഴ്ന്ന ഭാഗത്ത് നിന്നും തുടങ്ങി മുകളിലേയ്ക്ക് താടിയുടെ മുകള്‍ ഭാഗത്തിലൂടെ ചുണ്ടിന് ഇരുവശവും വരെ കൊണ്ടുവരണം. കവിളിന്റെ ഭാഗത്ത് മൂക്കിന്റെ വശത്തു നിന്നും തുടങ്ങി വശങ്ങളിലേയ്ക്ക് കൊണ്ടുവരണം. അതായത് ചെവിയുടെ ഭാഗത്തേയ്ക്ക്.
ഫേസ് ലിഫ്റ്റിനുള്ള നല്ലൊരു വഴി
ഫേസ് ലിഫ്റ്റിനുള്ള നല്ലൊരു വഴിയാണ് ഈ ഉപകരണം ഉപയോഗിച്ചുള്ള മസാജ്. ചര്‍മം ഇടിഞ്ഞ് തൂങ്ങുന്നത് തടയാന്‍ ഇത് സഹായിക്കുന്നു. തെറാപ്യൂട്ടിക് ഇഫക്റ്റ് നല്‍കുന്ന ഈ ഗ്വാ ഷാ പ്രക്രിയ മസില്‍ സ്‌ട്രെസ് കുറയ്ക്കാന്‍ നല്ലതാണ്. ഇതും സൗന്ദര്യത്തെ സഹായിക്കുന്ന ഘടകമാണ്. ടോക്‌സിനുകള്‍ നീക്കുന്നതും സൗന്ദര്യത്തെ സഹായിക്കുന്നു. ഫേസ് മസാജ് ചെയ്യാന്‍ പറ്റിയ വഴിയാണ് ഗ്വാ ഷാ. മസാജ് ചര്‍മത്തിന് നല്‍കുന്ന ഗുണങ്ങള്‍ ചെറുതല്ല.
