ആര്‍ത്തവ ക്രമക്കേടുകള്‍ക്ക് പല തരത്തിലെ കാരണങ്ങളുണ്ട്. ഇതെക്കുറിച്ച് കൂടുതലറിയൂ.
സ്ത്രീകളില്‍
സ്ത്രീകളില്‍ ആര്‍ത്തവത്തിന്റെ ഡേറ്റില്‍ മാറ്റം വരുന്നതിന് പലതരം കാരണങ്ങളുണ്ട്. ഇതിന് ആരോഗ്യപരവും അല്ലാത്തവുമായ കാരണങ്ങള്‍ പലതാണ്. സ്ത്രീ ശരീരത്തിലെ ഈസ്ട്രജന്‍, പ്രൊജസ്‌ട്രോള്‍ ഹോര്‍മോണുകളാണ് ആര്‍ത്തവം കൃത്യമാക്കി നടത്തുന്നത്. ഇതിലുണ്ടാകുന്ന ഏറ്റക്കുറച്ചിലുകളാണ് ആര്‍ത്തവ ക്രമക്കേടുകള്‍ക്ക് കാരണമാകുന്നത്. സാധാരണ സ്ത്രീകള്‍ക്ക് പിസിഒഡി പോലുള്ള പ്രശ്‌നങ്ങള്‍ കാരണം ആര്‍ത്തവ ക്രമക്കേടുകള്‍ വരാം. സാധാരണ 40കള്‍ക്ക് ശേഷം ആര്‍ത്തവ ക്രമക്കേടുകള്‍ വരുന്നുവെങ്കില്‍ ഇത് പെരിമെനോപോസ് കാരണമാകാം. അതായത് മെനോപോസിന് മുന്‍പായി വരുന്ന അവസ്ഥ. നാല്‍പതു കഴിഞ്ഞാല്‍ ഇത്തരം വ്യത്യാസങ്ങള്‍ക്ക് കാരണം ഹോര്‍മോണ്‍ ഏറ്റക്കുറച്ചില്‍ തന്നെയാണ്.
സ്‌ട്രെസ്, ടെന്‍ഷന്‍, ഉത്കണ്ഠ
ഇതു പോലെ സ്‌ട്രെസ്, ടെന്‍ഷന്‍, ഉത്കണ്ഠ തുടങ്ങിയ അവസ്ഥകള്‍ ഇതിന് കാരണമാകാം. ഇത് ചെറുപ്പം പെണ്‍കുട്ടികളിലും ഉണ്ടാകാം. ഉദാഹരണം പരീക്ഷാ സമയത്ത് പെണ്‍കുട്ടികളില്‍ ഇതുണ്ടാകാം. ഇതു പോലെ വിവാഹത്തിന് മുന്‍പ് കൃത്യമായി മെന്‍സസ് വന്നിരുന്ന സ്ത്രീയ്ക്ക് ചിലപ്പോള്‍ വിവാഹത്തീയതി അടുക്കുമ്പോള്‍ ഇതില്‍ ക്രമക്കേടു കാണാം. ഇതിനും കാരണം ടെന്‍ഷനാണ്. ഇതു പോലെ കുഞ്ഞുണ്ടാകാന്‍ ശ്രമിയ്ക്കുന്നവര്‍ക്ക് ഇതേ ഉത്കണ്ഠ കാരണം മാസമുറ ക്രമക്കേടുകള്‍ കാണാം. കാരണം ഇതെക്കുറിച്ച് ചിന്തിച്ചു തന്നെ.
താളം തെറ്റല്‍
ഇതല്ലാതെ വേണ്ടപ്പെട്ട ആരെങ്കിലും മരിയ്ക്കുക. ഉദാഹരണം ഭര്‍ത്താവ് മരിച്ച സ്ത്രീകളില്‍ ഇത്തരം താളം തെറ്റല്‍ കാണാം. ടെന്‍ഷന്‍ തന്നെ കാരണം. ഇതു പോലെ ഡയറ്റെടുക്കുന്നവരില്‍ ചിലപ്പോള്‍ ഇതുണ്ടാകാം. പ്രത്യേകിച്ചും ക്രാഷ് ഡയറ്റ് പോലുള്ളവ എടുക്കുന്നവരില്‍. ഇതു പോലെ ഗര്‍ഭനിരോധന വഴികള്‍ ഉപയോഗിയ്ക്കുന്നവില്‍ ഇത്തരം ആര്‍ത്തവ ക്രമക്കേടുകള്‍ ഉണ്ടാകാം. അബോര്‍ഷന്‍ സംഭവിയ്ക്കുന്നവര്‍ക്കും അടുത്ത അല്‍പ മാസങ്ങളില്‍ ആര്‍ത്തവ ക്രമക്കേടുകള്‍ കാണാം. ഇതു പോലെ പെട്ടെന്ന് തൂക്കം കൂടുക, തൂക്കം കുറയുക എന്നിവയും കാരണമാകാം.
ചില രോഗങ്ങളും
ചില രോഗങ്ങളും ഇതിന് കാരണമാകുന്നു. ഇതില്‍ ഒന്നാണ് പിസിഒഡി. 87 ശതമാനം സ്ത്രീകളില്‍ രോഗം കാരണം ആര്‍ത്തവ ക്രമക്കേടുണ്ടാക്കുന്ന കാരണമാണിത്. ഇന്‍സുലിന്‍ റെസിസ്റ്റന്‍സ് അഥവാ പാരമ്പര്യമായി പ്രമേഹമുള്ളവരില്‍ ഈ അവസ്ഥ കണ്ടു വരാം. ഇവരില്‍ ചിലപ്പോള്‍ പുരുഷ ഹോര്‍മോണ്‍ കൂടുന്നതായും കാണാം. ഇതെല്ലാം പിസിഒഡിയ്ക്കു കാരണമാണ്. ഇതു പോലെ തൈറോയ്ഡ് പ്രശ്‌നങ്ങള്‍ ഇത്തരം മാസമുറ പ്രശ്‌നങ്ങള്‍ക്ക് കാരണമാണ്. ഹൈപ്പോ, ഹൈപ്പര്‍ തൈറോയ്ഡ് പ്രശ്‌നങ്ങള്‍ ഇതിന് കാരണമാകുന്നു. പലരിലും തൈറോയ്ഡ്, പിസിഒഡി പ്രശ്‌നങ്ങള്‍ ഒരുമിച്ചു കാണാം. 44 ശതമാനം സ്ത്രീകളില്‍ തൈറോയ്ഡ് പ്രശ്‌നം ഇതിന് കാരണമാകും.
പെല്‍വിക് ഭാഗങ്ങളിലുണ്ടാകുന്ന പ്രശ്‌നങ്ങള്‍
ഇതു പോലെ പെല്‍വിക് ഭാഗങ്ങളിലുണ്ടാകുന്ന പ്രശ്‌നങ്ങള്‍ ഇതിന് കാരണമാകുന്നു. യൂട്രസ് ഇന്‍ഫെക്ഷനുകള്‍ പോലുള്ളവ ഇതിന് കാരണമാകുന്നു. പെല്‍വിക് ഇന്‍ഫ്‌ളമേറ്ററി ഡിസീസ് എന്നാണ് ഇത് അറിയപ്പെടുന്നത്. ഇതു പോലെ ഫൈബ്രോയ്ഡുകള്‍ ഇതിനുള്ള പ്രധാനപ്പെട്ട കാരണമാണ്. ആര്‍ത്തവ ക്രമക്കേടുകള്‍ രോഗങ്ങള്‍ കാരണമാണെങ്കില്‍ ഇൗ പ്രശ്‌നം കണ്ടെത്തി ഇതിനായി ചികിത്സ തേടാം. ഇതിനായി മെഡിക്കല്‍ ഷോപ്പുകളില്‍ നിന്നും തനിയെ മരുന്നു വാങ്ങി കഴിയ്ക്കുന്നത് പലപ്പോഴും വലിയ ഹോര്‍മോണ്‍ പ്രശ്‌നങ്ങള്‍ക്ക് വഴിയൊരുക്കും. ഇതിനാല്‍ തന്നെ ഇതിന് ചികിത്സ ഡോക്ടറുടെ ഉപദേശ പ്രകാരം മാത്രമേ പാടൂ.മരുന്നില്ലാതെ ബിപി നിയന്ത്രിയ്ക്കാം, ഇങ്ങനെ….
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : different reasons for irregular periods
Malayalam News from malayalam.samayam.com, TIL Network
