സംവിധായകൻ വിജി തമ്പി വിഎച്ച്പി സംസ്ഥാന അധ്യക്ഷൻ; പ്രഖ്യാപനം ഫരീദാബാദ് സമ്മേളനത്തിൽ

തിരുവനന്തപുരം: വിശ്വഹിന്ദു പരിഷത്ത് സംസ്ഥാന അധ്യക്ഷനായി സംവിധായകൻ വിജി തമ്പിയെ തെരഞ്ഞെടുത്തു. ഫരീദാബാദിൽ നടന്ന വിശ്വഹിന്ദു പരിഷത്ത് സമ്മേളനത്തിലാണ് പ്രഖ്യാപനം ഉണ്ടായത്. അന്താരാഷ്ട്ര സെക്രട്ടറി ജനറൽ മിമിന്ദ് എസ് പരാന്തേയാണ് വിജി തമ്പിയുടെ പേര് പ്രഖ്യാപിച്ചത്.



163 കോടി രൂപയുടെ മയക്കുമരുന്ന് കത്തിച്ച് അസം മുഖ്യമന്ത്രി; ‘അന്ത്യോപചാരം’ എന്ന് ഹിമാന്ത ബിശ്വ ശർമ്മ

ദേശീയ അധ്യക്ഷനയി ഓർത്തോപീഡിക് സർജനും പത്‌മശ്രീ ജേതാവുമായ രബീന്ദ്ര നരേൻ സിങ് തെരഞ്ഞെടുക്കപ്പെട്ടു. ബിഹാർ സ്വദേശിയായ സിങ് ഇതുവരെ പരിഷത്ത് വൈസ് പ്രസിഡൻ്റായിരുന്നു. സംസ്ഥാന അധ്യക്ഷനായിരുന്ന ബി ആര്‍ ബലരാമന്‍ വിശ്വഹിന്ദു പരിഷത്തിന്റെ സദസ്യനായി സംഘടനാ നേതൃത്വത്തില്‍ തുടരും.

സെൻട്രൽ ബോർഡ് ഓപ് ഫിലിം സെർട്ടിഫിക്കേഷൻ അംഗമായ വിജി തമ്പി ക്ഷേത്ര സംരക്ഷണ സമിതി സംസ്ഥാന ഉപദേഷ്ടാവാണ്. മലയാളത്തിൽ മുപ്പതോളം സിനിമകൾ സംവിധാനം ചെയ്തിട്ടുണ്ട്.

നാളെയല്ല, ബക്രീദ് പൊതു അവധി ബുധനാഴ്ച; സർക്കാർ ഉത്തരവിറങ്ങി

ഫരീദാബാദിൽ നടന്ന വിശ്വഹിന്ദു പരിഷത്തിൻ്റെ യോഗത്തിൽ മതപരിവർത്തനം ഉൾപ്പെടെയുള്ള വിഷയങ്ങൾ ചർച്ചയായി. നിയമവിരുദ്ധ മതപരിവർത്തനം രാജ്യത്തിന് ശാപമാണെന്നും തടയാൻ കേന്ദ്ര നിയമം ആവശ്യമാണെന്നും യോഗത്തിൽ വ്യക്തമാക്കി. വിശ്വഹിന്ദു പരിഷത്ത് ഗവേണിങ് കൗണ്‍സിലും സെന്‍ട്രല്‍ ബോര്‍ഡ് ഓഫ് ട്രസ്റ്റികളുടെയും രണ്ട് ദിവസത്തെ അന്താരാഷ്ട്ര യോഗത്തിലാണ് ആവശ്യം ഉയര്‍ന്നത്.