ഹൈലൈറ്റ്:
- ഡെലിവറി ബോയിയുടെ മരണം കൊലപാതകമാണെന്ന രീതിയിലായിരുന്നു റിപ്പോര്‍ട്ടുകള്‍ വന്നത്
- ഡെലിവറി വാഹനം തട്ടിയെടുക്കാനുള്ള ശ്രമം തടഞ്ഞതാണ് കൊലപാതകത്തില്‍ കലാശിച്ചതെന്ന രീതിയിലും വാര്‍ത്തകള്‍
മരണപ്പെട്ട ഇന്ത്യന്‍ പ്രവാസി ഹൃദ്യോഗിയായിരുന്നുവെന്നും പെട്ടെന്നുണ്ടായ നെഞ്ചുവേദനയെ തുടര്‍ന്ന് ഇയാള്‍ കുഴഞ്ഞു വീഴുകയായിരുന്നുവെന്നും പോലീസ് അറിയിച്ചു. പെട്ടെന്നുണ്ടായ വീഴ്ചയില്‍ തല തറയില്‍ ഇടിച്ചാണ് മുറിവുണ്ടായത്. ഡെലിവറി ബോയ് നിലത്തുവീണ് കിടക്കുന്നത് കണ്ട് സ്വദേശി വീട്ടുടമ യുവാവിനെ വീട്ടിന്റെ വരാന്തയിലേക്ക് മാറ്റിക്കിടത്തുകയായിരുന്നു. ഇയാളെ രക്ഷിക്കാനുള്ള ശ്രമത്തിന്റെ ഭാഗമായാണ് ഇങ്ങനെ ചെയ്തതെന്നും പോലീസ് അറിയിച്ചു. എന്നാല്‍ ഹൃദയാഘാതം മൂലം മരണം സംഭവിക്കുകയായിരുന്നു.
അതേസമയം, ഡെലിവറി ബോയിയുടെ മരണം കൊലപാതകമാണെന്ന രീതിയിലായിരുന്നു റിപ്പോര്‍ട്ടുകള്‍ വന്നത്. ആ നിഗമനത്തിലായിരുന്നു പോലിസും. ഭക്ഷണ പാര്‍സലിന് പണം കൊടുക്കാന്‍ വീട്ടുടമ വിസമ്മതിച്ചതായും പണം ലഭിക്കാതെ തിരികെ പോകില്ലെന്നു വാശി പിടിച്ച പാര്‍സല്‍ വിതരണക്കാരനെ സ്വദേശിയും മകനും ചേര്‍ന്ന് തലക്കടിച്ചു കൊലപ്പെടുത്തി എന്നുമാണ് റിപ്പോര്‍ട്ടുകള്‍ വന്നത്. അതേസമയം, ഡെലിവറി വാഹനം തട്ടിയെടുക്കാനുള്ള ശ്രമം തടഞ്ഞതാണ് കൊലപാതകത്തില്‍ കലാശിച്ചതെന്ന രീതിയിലും വാര്‍ത്തകള്‍ വന്നിരുന്നു.
Also Read: 
യുഎഇ യാത്രയ്ക്ക് ഇനിയും കാത്തിരിക്കണം; ഇന്ത്യയില്‍ നിന്നുള്ള സര്‍വീസ് ഈ മാസം ഇല്ലെന്ന് ഇത്തിഹാദ്
സംഭവ ശേഷം വീട്ടുടമ സ്ഥലത്തു നിന്നു മുങ്ങിയത് ഇത്തരം സംശയങ്ങള്‍ ബലപ്പെടുത്തുകയും ചെയ്തിരുന്നു. യുവാവിന്റെ മരണത്തെ കുറിച്ച് അന്വേഷിക്കാന്‍ പോലീസ് രൂപീകരിച്ച പ്രത്യേക അന്വേഷണ സംഘം ഒളിവിലായിരുന്ന ഇയാളെ പിടികൂടുകയായിരുന്നു. തുടര്‍ന്ന് ചോദ്യം ചെയ്തപ്പോഴാണ് ഉണ്ടായ സംഭവം അയാള്‍ പോലിസിനോട് പറഞ്ഞത്. കൊലപാതകമല്ലെന്ന ഇയാളുടെ വാദം പോലിസ് ആദ്യം അംഗീകരിച്ചിരുന്നില്ല. എന്നാല്‍ ഫോറന്‍സിക് റിപ്പോര്‍ട്ടും സിസിടിവി ദൃശ്യങ്ങളും വീട്ടുടമയുടെ മൊഴിയുമായി പൊരുത്തപ്പെടുന്നതായി പിന്നീട് പോലിസിന് ബോധ്യമായി. ഇതേത്തുടര്‍ന്ന് യുവാവിന്റെത് കൊലപാതകമല്ലെന്നും സ്വാഭാവിക മരണമാണെന്നും പോലിസ് വിധിയെഴുതുകയായിരുന്നു.
മറ്റൊരു കേസില്‍ പോലിസിന് പിടികൊടുക്കാതെ കഴിയുകയായിരുന്നതിനാലാണ് മരണം സംഭവിച്ച ഉടന്‍ തന്നെ വീട്ടുടമ സംഭവ സ്ഥലത്തു നിന്ന് രക്ഷപ്പെട്ടതെന്നാണ് പോലിസ് കരുതുന്നത്. മരണത്തെ കുറിച്ച് അന്വേഷിക്കാന്‍ പോലിസ് എത്തുന്നതോടെ താന്‍ പിടിക്കപ്പെടുമെന്ന് ഇയാള്‍ക്ക് ഉറപ്പായിരുന്നു. യുവാവിന്റെ മരണവുമായി ബന്ധപ്പെട്ട കേസില്‍ ഇയാളെ കുറ്റവിമുക്തനാക്കിയെങ്കിലും പഴയ കേസില്‍ ഇപ്പോള്‍ പോലിസ് കസ്റ്റഡിയില്‍ കഴിയുകയാണ് വീട്ടുടമയെന്ന് അല്‍ റായ് ദിനപ്പത്രം റിപ്പോര്‍ട്ട് ചെയ്തു.
മന്ത്രിയുടെ വാക്ക് പാഴ്വാക്കായി….കോന്നിക്കാർക്ക് ഇത് ദുരിതപർവ്വം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kuwait police says death of an indian food delivery man not a murder
Malayalam News from malayalam.samayam.com, TIL Network
