പ്രവാസികളുടെ മൃതദേഹങ്ങൾ നാട്ടിലെത്തിക്കുന്നതിനായി ഇ കെയർ പോർട്ടൽ ഒരുക്കി കേന്ദ്ര ആരോഗ്യ മന്ത്രാലയം

Also Read: ദുബായ് ഡ്യൂട്ടി ഫ്രീ; നാട്ടിലേക്കുള്ള യാത്രക്കിടെ ടിക്കറ്റ് വാങ്ങി, ബമ്പറടിച്ച് മലയാളി
Read Latest Gulf News and Malayalam News

ഐസിസി പുരുഷ ഏകദിന ലോകകപ്പ് ട്രോഫി ടൂർ- 2023 ന്റെ ഭാഗമായി എത്തുന്ന ലോകകപ്പ് ട്രോഫിക്ക് ബഹ്‌റൈനിൽ സ്വീകരണമൊരുക്കും. ട്രോഫിയുടെ പ്രദർശനം ആഗസ്റ്റ് 12,13 തിയതികളിൽ ബഹ്റൈനിൽ നടക്കും. ബഹ്റൈൻ ക്രിക്കറ്റ് ഫെഡറേഷൻ ഭാരവാഹികൾ ആണ് ഇക്കാര്യം വാർത്താസമ്മേളനത്തിൽ അറിയിച്ചത്.

റോഡ് ഷോ കപ്പും കൊണ്ട് 12 ന് വൈകുന്നേരം നാലിന് ജുഫൈറിലെ അൽനജ്മ ക്ലബ്ബിൽനിന്ന് പുറപ്പെടും. ബഹ്റൈൻ ബെയിലൂടെ കടന്നു പോകും. ബഹ്റൈൻ ഇന്റർനാഷണൽ സർക്യൂട്ടിലാണ് റോഡ് ഷോ സമാപിക്കുക. ആരാധകരുടെ കാറുകളുടേയും അകമ്പടിയോടെയാണ് ക്രിക്കറ്റ് താരങ്ങൾ റോഡ് ഷോയിൽ അണിനിരക്കുക. വൈകുന്നേരം ഏഴിന് ബഹ്റൈൻ ഇന്റർനാഷണൽ സർക്യൂട്ടിലാണ് റോഡ്ഷോ എത്തുക. കായികപ്രേമികൾക്ക് ട്രോഫിയോടൊപ്പം ചിത്രമെടുക്കാനുള്ള അവസരമൊരുക്കിയിട്ടുണ്ട്.

ചരിത്രപ്രസിദ്ധമായ സ്മാരകങ്ങളുടേയും ലാൻഡ് മാർക്കുകളുടേയും അടുത്ത് എത്തുമ്പോൾ ചിത്രങ്ങൽ പകർത്തും. സാമൂഹിക മാധ്യമങ്ങളിലൂടെ കോടിക്കണക്കിന് വരുന്ന ക്രിക്കറ്റ് പ്രേമികൾക്ക് വേണ്ടി ആ ചിത്രം ഷെയർ ചെയ്യും. 75 ദശലക്ഷം പേർ ലോകകപ്പ് ട്രോഫി ടൂർ വീക്ഷിക്കുന്നുണ്ടെന്നാണ് ഐസിസിയുടെ കണക്ക്.

ഈ വർഷം ഒക്ടോബർ, നവംബർ മാസങ്ങളിൽ ആണ് ലോകകപ്പ് നടക്കുന്നത്. ഇന്ത്യയിൽ നടക്കുന്ന ലോകകപ്പിന്റെ മുന്നോടിയായാണ് ട്രോഫി ഇത്തരത്തിൽ പ്രദർശിപ്പിക്കുന്നത്.

ന്യൂസിലാന്റ്, ഓസ്ട്രേലിയ, യുഎസ്, വെസ്റ്റ് ഇൻഡീസ്, പാപുവ ന്യൂ ഗിനി, പാകിസ്ഥാൻ, ശ്രീലങ്ക, ബംഗ്ലാദേശ്, കുവൈറ്റ്, ബഹ്റൈൻ, ഇറ്റലി, ഫ്രാൻസ്, ഇംഗ്ലണ്ട്, മലേഷ്യ, ഉഗാണ്ട, നൈജീരിയ, ദക്ഷിണാഫ്രിക്ക, ഇന്ത്യ തുടങ്ങി 18 രാജ്യങ്ങളിൽ ട്രോഫി പ്രദർശിപ്പിക്കും.