സൗദി പൗരന്‍ ചട്ടങ്ങള്‍ ലംഘിച്ച് കുരങ്ങുകള്‍ക്ക് ഭക്ഷണം നല്‍കുന്നത് നിരീക്ഷണ ക്യാമറയില്‍ കുടുങ്ങിയതിന്റെ വീഡിയോ പങ്കുവച്ചാണ് എന്‍സിഡബ്ല്യു ട്വിറ്ററിലൂടെ മുന്നറിയിപ്പ് നല്‍കിയയത്. പരിസ്ഥിതി നിയമങ്ങളും ചട്ടങ്ങളും ലംഘിക്കുന്നത് കണ്ടെത്താന്‍ രാജ്യത്തെ ഇത്തരം പ്രദേശങ്ങളില്‍ നിരീക്ഷണ ക്യാമറകള്‍ സ്ഥാപിച്ചിട്ടുണ്ട്.
തമ്മിലടിച്ച് എസ്എഫ്ഐ – കെഎസ്‍യു പ്രവർത്തകർ
നിയമലംഘനം നടന്നതെന്ന് എവിടെയാണെന്നോ എപ്പോഴാണ് സംഭവമെന്നോ എന്‍സിഡബ്ല്യു വ്യക്തമാക്കിയിട്ടില്ല. ഒരു പര്‍വതപ്രദേശത്ത് ഒരു കാര്‍ നിര്‍ത്തുന്നതും വാഹനമോടിക്കുന്നയാള്‍ കുരങ്ങുകളെ ആകര്‍ഷിച്ച ശേഷം ഭക്ഷണം എറിയുന്നതുമാണ് വീഡിയോയിലുള്ളത്. തുടര്‍ന്ന് ഇയാള്‍ കാര്‍ ഓടിച്ചുപോവുന്നതും കാണാം.
മക്കയിലും മറ്റ് പുണ്യസ്ഥലങ്ങളിലും കുരങ്ങുകളുടെ എണ്ണം വര്‍തോതില്‍ വര്‍ധിക്കുന്നതിനെതിരെ നടപടി സ്വീകരിച്ചുവരുന്നതായി എന്‍സിഡബ്ല്യു കഴിഞ്ഞയാഴ്ച അറിയിച്ചിരുന്നു. സൗദിയുടെ തെക്ക്പടിഞ്ഞാറന്‍ ഭാഗത്തെ അസീര്‍, അല്‍ ബാഹ എന്നിവിടങ്ങളിലും മക്കയുടെ തൊട്ടടുത്തുള്ള ത്വാഇഫിലും കുരങ്ങുകള്‍ ഉണ്ടാക്കുന്ന പ്രശ്‌നം കൈകാര്യം ചെയ്യാനുള്ള ശ്രമങ്ങള്‍ നടക്കുന്നു.
വിദേശരാജ്യങ്ങളില്‍ നിന്ന് ഇന്ത്യയിലേക്ക് കംപ്യൂട്ടറുകളും ലാപ്‌ടോപുകളും ഇറക്കുമതി ചെയ്യുന്നതിന് നിയന്ത്രണം
എണ്ണം പെരുകുന്നതുമായി ബന്ധപ്പെട്ട പാരിസ്ഥിതിക ആഘാതങ്ങള്‍ കൈകാര്യം ചെയ്യുന്നതില്‍ പൊതുജനങ്ങള്‍ സഹകരിക്കണമെന്ന് എന്‍സിഡബ്ല്യു ആവര്‍ത്തിച്ച് ആവശ്യപ്പെട്ടു. കുരങ്ങുകള്‍ക്ക് ഭക്ഷണം നല്‍കുന്നതിനെതിരെ മുന്നറിയിപ്പ് നല്‍കുന്ന നൂറുകണക്കിന് ബോര്‍ഡുകളും സ്ഥാപിച്ചിട്ടുണ്ട്.
വാഹനമോടിക്കുന്നവരും വിനോദസഞ്ചാരികളും കുരങ്ങുകള്‍ക്ക് ഭക്ഷണം നല്‍കുന്നതും അത്തരം പ്രദേശങ്ങളില്‍ വാഹനങ്ങളിലെത്തി സന്ദര്‍ശനം നടത്തുന്നതും ബാബൂണുകള്‍ എന്ന ഇനത്തില്‍പെട്ട കുരങ്ങുകള്‍ പെരുകുന്നതിന് കാരണമായി വിദഗ്ധര്‍ ചൂണ്ടിക്കാട്ടുന്നു.
ലോകകപ്പ് കാലത്ത് ഉപയോഗിച്ച ഔട്ട്‌ഡോര്‍ എസി സാങ്കേതികവിദ്യ ഖത്തറിലെ പാര്‍ക്കുകളിലേക്കും
കഴിഞ്ഞ ഏതാനും മാസങ്ങളില്‍ ഇവ വീടുകളില്‍ ആക്രമണം നടത്തുന്നതും കാര്‍ഷിക വിളകള്‍ നശിപ്പിച്ചതുമായി നിരവധി സംഭവങ്ങളുണ്ടായതായി ചെയ്യപ്പെട്ടതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു. കഴിഞ്ഞ ഏപ്രിലില്‍, അസീറില്‍ രണ്ട് വയസ്സുള്ള കുട്ടിയെ കുരങ്ങ് മാരകമായി ആക്രമിച്ചിരുന്നു.
കുറച്ചുകാലം മുമ്പ് മക്കയില്‍ ഹിറാ ഗുഹക്ക് സമീപത്തുവച്ച് വിദേശ ഉംറ തീര്‍ത്ഥാടകന്റെ പാസ്‌പോര്‍ട്ട്, വിസ ഉള്‍പ്പെടെയുള്ള രേഖകളും പണവുമടങ്ങിയ ബാഗ് കുരങ്ങ് തട്ടിയെടുത്ത് മലമുകളിലേക്ക് ഓടിമറഞ്ഞിരുന്നു. മക്ക നഗരത്തിന്റെ പ്രാന്തപ്രദേശങ്ങളിലും രാജ്യത്തെ ചുരംപാതകളിലും വനങ്ങളിലും മലനിരകളിലും ജബലന്നൂര്‍ ഉള്‍പ്പെടെയുള്ള പര്‍വതങ്ങളിലും കുരങ്ങുകള്‍ ധാരാളമായി കണ്ടുവരുന്നു. അസീര്‍, അല്‍ ബാഹ മേഖലകളിലും വന്‍തോതില്‍ കുരങ്ങുകളുണ്ട്.
