തമ്മിലടിച്ച് എസ്എഫ്ഐ – കെഎസ്‍യു പ്രവർത്തകർ
ഉത്തരേന്ത്യക്കാരും പാകിസ്താന്‍കാരും മറ്റ് ഏഷ്യക്കാരും ഏറ്റവുമധികം ഉപയോഗിക്കുന്ന ബസ്മതി അരിക്ക് നിരോധനമില്ലെങ്കിലും പച്ചരി, ജീരകശാല, സോന മസൂരി തുടങ്ങിയവയുടെ നിരോധനം ഗള്‍ഫ് നാടുകളിലെ പ്രവാസികളെ കാര്യമായി ബാധിക്കും. നെയ്‌ച്ചോര്‍, ബിരിയാണി എന്നിവയ്ക്ക് മലയാളികള്‍ കൂടുതല്‍ ആശ്രയിക്കുന്നത് ജീരകശാല അരിയാണ്. പച്ചരി വില വര്‍ധന ഹോട്ടലുകളെയും പ്രവാസികളെയും ബാധിക്കും.
അതേസമയം, പോളിഷ്ഡ് ഇനങ്ങളില്‍ പെടാത്ത പാലക്കാടന്‍ മട്ട, തഞ്ചാവൂര്‍ പൊന്നി, കുറുവ, ജയ തുടങ്ങി മലയാളികള്‍ കൂടുതല്‍ ഉപയോഗിക്കുന്ന അരി ഇന്ത്യ കയറ്റുമതി ചെയ്യുന്നുണ്ടെങ്കിലും ലോകത്തുടനീളം അരി വിപണിയിലുണ്ടായ വിലക്കയറ്റം പ്രവാസ ലോകത്തേയും ബാധിച്ചിരുന്നു. കേരള റീട്ടെയില്‍ വിപണിയില്‍ 36 രൂപയ്ക്ക് ലഭിച്ചിരുന്ന ചില ഇനം അരി വില 44 ലെത്തിയിട്ടുണ്ട്.
വിദേശരാജ്യങ്ങളില്‍ നിന്ന് ഇന്ത്യയിലേക്ക് കംപ്യൂട്ടറുകളും ലാപ്‌ടോപുകളും ഇറക്കുമതി ചെയ്യുന്നതിന് നിയന്ത്രണം
ഇന്ത്യയുടെ കയറ്റുമതി നിരോധനം യു.എ.ഇയിലെ ചില്ലറ വ്യാപാര മേഖലയില്‍ 40 ശതമാനം വിലക്കയറ്റത്തിന് കാരണമാവുമെന്ന് രാജ്യത്തെ റീട്ടെയിലര്‍മാര്‍ നേരത്തേ ചൂണ്ടിക്കാട്ടിയിരുന്നു. വില വര്‍ധന തടയുന്നതിനും അരി ലഭ്യത ഉറപ്പാക്കുന്നതിനുമാണ് യുഎഇ മന്ത്രിസഭാ തീരുമാനത്തിന്റെ ഭാഗമായി എക്‌സ്‌പോര്‍ട്ടും റീ എക്‌സ്‌പോര്‍ട്ടും താല്‍ക്കാലികമായി നിര്‍ത്തിവയ്ക്കാന്‍ സാമ്പത്തിക മന്ത്രാലയം ഉത്തരവിട്ടത്.
ലോകകപ്പ് കാലത്ത് ഉപയോഗിച്ച ഔട്ട്‌ഡോര്‍ എസി സാങ്കേതികവിദ്യ ഖത്തറിലെ പാര്‍ക്കുകളിലേക്കും
ലോകത്ത് ഏറ്റവുമധികം അരി കയറ്റുമതി ചെയ്യുന്ന രാജ്യങ്ങളിലൊന്നാണ് ഇന്ത്യ. അരി കയറ്റുമതിയുടെ 40 ശതമാനത്തിലേറെയും ഇന്ത്യയാണ് നിയന്ത്രിക്കുന്നത്. കഴിഞ്ഞ വര്‍ഷം 55.4 ദശലക്ഷം മെട്രിക് ടണ്‍ ആയിരുന്നു ഇന്ത്യയുടെ കയറ്റുമതി. യുഎഇയിലേക്ക് അരി ഇറക്കുമതി ചെയ്യുന്ന പ്രധാന രാജ്യങ്ങളിലൊന്നാണ് ഇന്ത്യ. ജൂലൈ 20 മുതലാണ് ഇന്ത്യ ചില ഇനങ്ങളുടെ കയറ്റുമതി നിരോധിച്ചത്. വിലക്കയറ്റം താല്‍ക്കാലികം മാത്രമായിരിക്കുമെന്നും പുതിയ സീസണ്‍ ആരംഭിക്കുമ്പോള്‍ വിതരണം സാധാരണ നിലയിലാവുന്നതോടെ പഴയ നിലയിലേക്ക് തിരിച്ചുവരുമെന്നും വ്യാപാരികള്‍ അഭിപ്രായപ്പെടുന്നു.
