Also Read : പ്രിയം യുവാക്കളോട്; ടെലിഗ്രാമിലൂടെ പരിചയപ്പെടും, ഒന്നിച്ചുള്ള ദൃശ്യങ്ങൾ ഒളിക്യാമറയിൽ; സഹായിക്കാൻ കാമുകനും സഹായികളും; ബെംഗളൂരുവിലെ ഹണിട്രാപ്പ് ഇങ്ങനെ
നിലവിൽ ദേശീയപാതയിലൂടെ മണിക്കൂറിൽ 100 കിലോമീറ്റർ വേഗതയിലാണ് സഞ്ചരിക്കാൻ പാടൊള്ളു. മറിച്ച് എക്സ്പ്രസ്‌വേയുടെ വേഗത അനുസരിച്ച് മണിക്കൂറിൽ 120 കിലോമീറ്റർ വേഗതയിൽ സഞ്ചരിക്കാൻ സാധിക്കില്ലെന്നാണ് ദേശീയപാത അതോറിറ്റി അറിയിച്ചിരിക്കുന്നത്.
Tourist Spots in Kannur: കണ്ണൂരിൽ കണ്ടിരിക്കേണ്ട വിനോദസഞ്ചാര കേന്ദ്രങ്ങൾ
ഈ പാതയിലൂടെ അമിതവേഗതയിൽ വാഹനങ്ങൾ പോകുകയും അപകടങ്ങൾ വർദ്ധിച്ചുവരികയും ചെയ്ത സാഹചര്യത്തിലാണ് വ്യക്തതയുമായി ദേശീയപാത അതോറിറ്റി രംഗത്തുവന്നിരിക്കുന്നത്. ഈ പാതയിലൂടെ നൂറുകടന്ന് വാഹനങ്ങൾ പോകുന്നതിന്റെ എണ്ണവും വർദ്ധിച്ചിരുന്നു. വാഹനങ്ങൾ എക്സ്പ്രസ്‌വേ ആണെന്ന് തെറ്റിധരിച്ചാണ് ആളുകൾ വേഗത ഉയർത്തിയത് എന്നാണ് റിപ്പോർട്ട്.
എക്‌സ്‌പ്രസ്‌വേകൾക്ക് ഹൈവേകളേക്കാൾ വീതിയേറിയ പാതകളുണ്ട്, അവ മികച്ച സവിശേഷതകളിൽ നിർമ്മിച്ചവയാണ്. എക്‌സ്‌പ്രസ്‌വേകൾക്ക് 120 കിലോമീറ്ററാണ് വേഗപരിധി, ഹൈവേകളിൽ അത് 100 കിലോമീറ്ററാണെന്നും ദേശീയപാത അതോറിറ്റി അറിയിച്ചു.
ഈ പാത എക്സ്പ്രസ്‌വേ അല്ലെന്നും ആക്സിസ് കണ്ട്രോൾഡ് ഹൈവേ അതായത് നിയന്ത്രിതമായി മാത്രം പ്രവേശനം അനുവദിച്ചിട്ടുള്ള ഹൈവേ ആണെന്നും തങ്ങൾ പുറത്തിറക്കിയ വിജ്ഞാപനത്തിൽ വ്യക്തമാക്കിയിരുന്നുവെന്ന് ദേശീയപാത അതോറിറ്റി റീജിയണൽ ഓഫീസർ വിവേക് ജയ്സ്വാൽ പറഞ്ഞു. ഈ ഹൈവേ പരമാവധി 100 കിലോമീറ്റർ വേഗതയ്ക്ക് പാകത്തിനാണ് രൂപകൽപന ചെയ്തിരിക്കുന്നത് 120 കിലോമീറ്റർ വേഗതയിലല്ലന്നും അദ്ദേഹം വ്യക്തമാക്കി.
സൗകര്യങ്ങൾ ഒരു എക്സ്പ്രസ്‌വേയുടേതിന് പോലെയുള്ളതിനാൽ ആളുകൾ അങ്ങനെ വിളിക്കുന്നതാണെന്നും അധികൃതർ പറയുന്നു. ആക്‌സസ് നിയന്ത്രിത ഹൈവേക്ക് ബാധകമായ വേഗപരിധിയിൽ എൻഫോഴ്‌സ്‌മെന്റ് ഏജൻസികൾ നിയമങ്ങൾ നടപ്പിലാക്കുകയാണ്. ഓട്ടോകൾ, ബൈക്കുകൾ, മറ്റ് സ്ലോ-മൂവിംഗ് വാഹനങ്ങൾ എന്നിവ നിയന്ത്രിക്കുന്നതിന് അടുത്തിടെ പുറത്തിറക്കിയ വിജ്ഞാപനത്തിൽ വേഗത പരിധി 80 മുതൽ 100 കിലോമീറ്റർ വരെയാണെന്ന് പറയുന്നതായും അദ്ദേഹം ചൂണ്ടിക്കാണിക്കുന്നു.
Also Read : മെക്സിക്കോയിൽ ഇന്ത്യക്കാരുമായി സഞ്ചരിച്ച ബസ് കൊക്കയിലേക്ക് മറിഞ്ഞു; 18 പേർ മരിച്ചു
മാർച്ച് 13ന് പ്രധാനമന്ത്രി നരേന്ദ്രമോദിയാണ് പാത തുറന്നുകൊടുത്തത്. എന്നാൽ, ബിജെപി അടക്കം ഇത് എക്സ്പ്രസ്‌വേ എന്നാണ് പ്രചരണം നടത്തിയിരുന്നത്.
Read Latest National News and Malayalam News
