വളരെ എളുപ്പത്തിൽ ചെയ്യാവുന്ന ആബ്‌സ് വർക്കൗട്ട്
2 തരം സ്‌ട്രെച്ചിംഗ്
വ്യായാമത്തിന് മുന്‍പും വ്യായമത്തിന് ശേഷം ചെയ്യുന്ന സ്‌ട്രെച്ചിംഗ രണ്ടും രണ്ട് തരമാണ്. രണ്ടിന്റേയും ഗുണങ്ങളും ഇതിനനുസരിച്ച് വ്യത്യാസപ്പെട്ടിരിക്കും. വ്യായാമത്തിന് മുന്‍പ് ചെയ്യുന്ന സ്‌ട്രെച്ചിംഗ് ഡൈനാമിക്(Dynamic)സ്‌ട്രെച്ചിംഗ് എന്നാണ് പറയുന്നത്. നമ്മളുടെ പേശികള്‍ക്കും സന്ധികള്‍ക്കും നല്ല ആക്ടീവ് ആയിട്ടുള്ള മൂവ്‌മെന്റ്‌സ് നല്‍കുകയും ശരീരം ചൂടാക്കി വ്യായാമം ചെയ്യാന്‍ ബോഡിയെ റെഡിയാക്കുകയും ചെയ്യുന്നു.
രണ്ടാമത്തേതാണ് സ്റ്റാറ്റിക് (Static)സ്‌ട്രെച്ചിംഗ്. ഇത് വ്യായാമം കഴിഞ്ഞതിന് ശേഷം ചെയ്യുന്നതാണ്. ഇതില്‍ അധികം മൂവ്‌മെന്റ്‌സ് ഉണ്ടായിരിക്കുകയില്ല. ഇത് വര്‍ക്കൊട്ട് ചെയ്യുമ്പോള്‍ മസിലുകള്‍ക്ക് പറ്റുന്ന പ്രശ്‌നങ്ങള്‍ ഒഴിവാക്കാനും പേശികളെ ലൂസാക്കാനും മെയ്‌വഴക്കം വര്‍ദ്ധിപ്പിക്കാനും സഹായിക്കുന്നുണ്ട്.
ഡൈനാമിക് സ്‌ട്രെച്ചിംഗ്
വ്യായാമം ചെയ്യുന്നതിന് മുന്‍പ് നമ്മളുടെ കൈകാലുകള്‍ക്ക് നല്‍കുന്ന സ്‌ട്രെച്ചിംഗ് ആണ് ഡൈനാമിക് സ്‌ട്രെച്ചിംഗ. നമ്മള്‍ വ്യായാമം ചെയ്യാന്‍ പോവുകയാണ് എന്ന് ശരീരത്തെ ബോധിപ്പിക്കുന്നതിനും അതിന വേണ്ടി റെഡിയാക്കി എടുക്കുന്നതിനും വേണ്ടിയാണ് ഡൈനാമിക് സ്‌ട്രെച്ചിംഗ് ചെയ്യുന്നത്. നമ്മള്‍ ഏത് ശരീരഭാഗത്തിന് വേണ്ടിയാണോ വര്‍ക്കൗട്ട് ചെയ്യുന്നത് അതിനനുസരിച്ചുള്ള കൃത്യമായ സ്‌ട്രെച്ചിംഗ് ചെയ്യണം. ഒരു ഉദാഹരണത്തിന് കാലിനാണ് വര്‍ക്കൗട്ട് ചെയ്യുന്നതെങ്കില്‍ കാലിലെ പേശികളെ അതിനനുസരിച്ച് സജ്ജമാക്കണം. അതിനാല്‍, കാലിന് ചിലപ്പോള്‍ അന്ന് കൂടുതല്‍ സ്‌ട്രെച്ചിംഗ് നല്‍കും.
ഈ സ്‌ട്രെച്ചിംഗ് വ്യായാമത്തിന് മാത്രമല്ല, നമ്മള്‍ ഒരു സ്‌പോര്‍ട്‌സ് ആക്ടിവിറ്റിയില്‍ പങ്കെടുക്കാന്‍ പോകുന്നതിന് മുന്‍പ് ഒടുന്നതും ചാടുന്നതും പതിവാണ്. ഇതെല്ലാം ഡൈനാമിക് സ്‌ട്രെച്ചിംഗിന്റെ ഭാഗമാണ്.
സ്റ്റാറ്റിക് സ്‌ട്രെച്ചിംഗ്
ഡൈനാമിക് സ്‌ട്രെച്ചിംങ്ങില്‍ നല്ലപോലെ ആക്ടീവ മൂവ്‌മെന്റ്‌സ് ആണ്. ഇത് ബോഡിയെ വ്യായാമം ചെയ്യാന്‍ റെഡിയാക്കുന്നതാണ് എന്ന് നമ്മള്‍ കണ്ടു. എന്നാല്‍, വ്യായാമത്തിന് ശേഷം ബോഡി നല്ലപോലെ ശാന്തമാക്കുന്നതിനും പേശികളില്‍ പിടുത്തം വലിച്ചില്‍ എന്നിവയൊന്നും ഇല്ലാതെ ഇരിക്കുന്നതിനും സറ്റാറ്റിക് സ്‌ട്രെച്ചിംഗ സഹായിക്കുന്നുണ്ട്.
പേശികളെ ലൂസാക്കാന്‍ ചെയ്യുന്നതിനാല്‍ തന്നെ, ഏതെങ്കിലും ഒരു സ്‌ട്രെച്ചിംഗ പൊസിഷനില്‍ തന്നെ കുറച്ച് സമയം ചിലവഴിക്കും. അതുപോലെ, ഇത്തരത്തില്‍ ചെയ്യുന്നത് വ്യായാമത്തിന് ശേഷമുള്ള വേദനകളും പരിക്കും കുറയ്ക്കാന്‍ സഹായിക്കുന്നുണ്ട്.
ഇതിന്റെ ഗുണം
വ്യായാമത്തിന് ശേഷം സ്റ്റാറ്റിക് സ്‌ട്രെച്ചിംഗ് ചെയ്താല്‍ അത് ശരീരം നല്ലപോലെ ഫ്‌ലക്‌സിബിള്‍ ആകാന്‍ സഹായിക്കുന്നുണ്ട്. ഇത് ശരീരം വളഞ്ഞ് ചെയ്യുന്ന കാര്യങ്ങള്‍ നല്ലപോലെ ഈസിയാക്കാന്‍ നിങ്ങളെ സഹായിക്കും. അതുപോലെ വ്യായാമശേഷം ഉണ്ടാകുന്ന വേദന കുറയ്ക്കാന്‍ ഇത് സഹായിക്കുന്നുണ്ട്.
വ്യായാമം ചെയ്ത് കഴിയുമ്പോള്‍ ശരീരത്തിന് ഒരു വലിച്ചില്‍ ഉണ്ടാകും. ഇത് സ്‌ട്രെസ്സ് വര്‍ദ്ധിപ്പിക്കാന്‍ കാരണമാണ്. ഇത് കുറയ്ക്കാന്‍ സ്‌ട്രെച്ചിംഗ് സഹായിക്കും. അതുപോലെ, പേശികളിലേയ്ക്ക് കൃത്യമായി രക്തോട്ടം ലഭിക്കാനും പേശികള്‍ വേഗത്തില്‍ റിക്കവറാകാനും ഇത് സഹായിക്കും.
ശ്രദ്ധിക്കേണ്ട കാര്യങ്ങള്‍
സ്‌ട്രെച്ചിംഗ് എല്ലായ്‌പ്പോഴും മിതമായ അളവില്‍ മാത്രം ചെയ്യാന്‍ ശ്രദ്ധിക്കുക. അതുപോലെ അമിതമായി ചെയ്യുന്നത് ശരീരത്തിന് നല്ലതല്ല. അതുപോലെ റിലാക്‌സ് ചെയ്ത് ആദ്യം തന്നെ സാവധാനത്തില്‍ തുടങ്ങുക. പിന്നീട് സ്പീട് കൂട്ടാം. സ്‌ട്രെച്ചിംഗ് ചെയ്യുമ്പോള്‍ ബ്രീത്തിംഗ് ശ്രദ്ധിക്കാന്‍ മറക്കരുത്. അതുപോലെ, സ്‌ട്രെച്ചിംഗ് ചെയ്യുമ്പോള്‍ നിങ്ങള്‍ക്ക് വേദന അനുഭവപ്പെടുന്നുണ്ടെങ്കില്‍ വീണ്ടും വീണ്ടും ആ ഭാഗത്ത് സ്‌ട്രെച്ചിംഗ് ചെയ്യാതിരിക്കുക. ഇത് പരുക്കിലേയ്ക്ക് നയിക്കാം.
