ഇത്തരത്തില്‍ നിങ്ങളെ കട്ട പോസ്റ്റ് തന്നിട്ടുള്ള സുഹൃത്തുക്കള്‍ക്കിട്ട് ഒരു പണി കൊടുക്കണം, അല്ലെങ്കില്‍ ഒരു പാഠം പഠിപ്പിക്കണം എന്ന് വിചാരിക്കുന്നവരാണ് നിങ്ങള്‍ എങ്കില്‍ ഈ 4 കാര്യങ്ങളില്‍ ഒന്ന് ചെയ്ത് നോക്കൂ.
നല്ല ദാമ്പത്യത്തിന് വേണം ഇക്കാര്യങ്ങള്‍
നേരത്തെ വിളിക്കാം
നിങ്ങള്‍ക്ക് ഒരു സ്ഥലത്തേയ്ക്ക് പോകാന്‍ ഉണ്ടെങ്കില്‍ സമയം കൃത്യമായി പറയാതിരിക്കാം. നിങ്ങള്‍ പോകാന്‍ ഉദ്ദേശിക്കുന്ന സമയത്തേക്കാളും ഒരു മൂന്നോ നാലോ മണിക്കൂര്‍ മുന്‍പേ സമയം പറയാം. എന്തായാലും സുഹൃത്ത് എത്തുമ്പോള്‍ ഒരു മണിക്കൂറെങ്കിലും ആകും. അതു കഴിഞ്ഞാല്‍ ആള്‍ പോസ്റ്റടിച്ച് ഇരിക്കേണ്ടതായി വരും.
ഇത്തരത്തില്‍ പോസ്റ്റടിപ്പിക്കുമ്പോള്‍ സുഹൃത്തിനെ വേദനിപ്പിക്കാത്ത വിധത്തില്‍ പോസ്റ്റടിപ്പിക്കാന്‍ നോക്കാം. നിങ്ങള്‍ അവിടെ എത്തുന്നത് വരെ സുഹൃത്ത് പിണങ്ങി പോകാതിരിക്കാന്‍ ശ്രദ്ധിക്കണം. അതുപോലെ എല്ലാം നല്ല തമാശയ്ക്ക് ജോളിയായി എടുക്കുന്ന കൂട്ടുകാരോട് മാത്രം ഇത്തരത്തില്‍ പണികൊടുക്കുക. ചിലര്‍ വളരെ സെന്‍സിറ്റീവ് ആയിരിക്കും. ഇത്തരക്കാര്‍ക്ക് പണികൊടുക്കുക എന്നത് കുറച്ച് പാടാണ്.
ഇല്ലാത്ത ട്രിപ്പ് പ്ലാന്‍ ചെയ്യാം
കുറച്ച് കടന്ന കൈ ആണെങ്കിലും ഒരു പണി കൊടുക്കാന്‍ ഇത് നല്ലതാണ്. നിങ്ങള്‍ കൂട്ടുകാരെല്ലാം ചേര്‍ന്ന് ഒരു ട്രിപ്പ് പോണുണ്ട് എന്ന് പറഞ്ഞ പ്ലാന്‍ സെറ്റാക്കുക. നേരം വൈകുന്ന സുഹൃത്തിനോ
ട് ഒരു സ്ഥലത്ത് ഈ സമയത്ത് എത്താന്‍ പറയാം. പ്രത്യേകിച്ച് രാവിലെ തന്നെയുള്ള സമയം തിരഞ്ഞെടുക്കാം. സുഹൃത്ത് എത്തിയാലും നിങ്ങള്‍ പ്രാങ്ക് ചെയ്യാന്‍ വിളിപ്പിച്ചതാണ് എന്ന് വെളിപ്പെടുത്തരുത്.
അതും കഴിഞ്ഞ് ഒരു നാല് അഞ്ച് മണിക്കൂര്‍ കഴിയുമ്പോള്‍ ട്രിപ്പ് പോണില്ല, എന്തെങ്കിലും കാരണങ്ങള്‍ പറഞ്ഞ് കാന്‍സല്‍ ചെയ്യാം. അല്ലെങ്കില്‍, നിങ്ങള്‍ സുഹൃത്തിന്റെ അടുത്ത് ചെന്ന് നല്ല ഫുഡും വാങ്ങിക്കൊടുത്ത് പ്രാങ്ക് കാര്യം വെളിപ്പെടുത്താം.
ഫോണിലെ സമയം മാറ്റാം
നിങ്ങള്‍ ഹോസ്റ്റലില്‍ താമസിക്കുന്നവരാണെങ്കില്‍ തീര്‍ച്ചയായും ചെയ്യാന്‍ സാധിക്കുന്ന ഒരു കിടിലന്‍ പ്രാങ്കാണ് ഫോണിലെ സമയം മാറ്റിവെക്കുന്നത്. സമയം ഒരു രണ്ട് മണിക്കൂര്‍ കൂട്ടി വെക്കണം. അതുപോലെ അലറാം അതിനനുസരിച്ച് സെറ്റ് ചെയ്ത് വെക്കാന്‍ മറക്കരുത്. ഇത്തരത്തില്‍ ചെയ്യുന്നത് സുഹൃത്ത് വളരെ നേരത്തെ തന്നെ എഴുന്നേല്‍ക്കാനും നിങ്ങള്‍ ഉദ്ദേശിച്ച സമയത്ത് തന്നെ എത്തിച്ചേരാനും സഹായിക്കും.
ഇത്തരത്തില്‍ നിങ്ങള്‍ എന്തെങ്കിലും പ്ലാന്‍ ചെയ്യുമ്പോള്‍ സുഹൃത്തിന്റെ അലറാം സെറ്റ് ചെയ്ത് മാറ്റുകയോ അല്ലെങ്കില്‍ ഫോണിലെ സമയം മാറ്റി വെക്കുന്നതും നേരം വൈകുന്നതിനിട്ട് കൊടുക്കാന്‍ പറ്റുന്ന പണിയാണ്.
ഫുഡ്
സുഹൃത്ത് നേരം വൈകി വരികയാണെങ്കില്‍ അന്നത്തെ ദിവസം സുഹൃത്തിന്റെ ചെലവില്‍ നിന്നും നല്ല ആഹാരം വാങ്ങി കഴിക്കാം. പക്ഷേ, ഇക്കാര്യം സുഹൃത്തിനോട് മുന്‍കൂട്ടി പറയണം. അഥായത്, നീ നേരം വൈകിയാല്‍ ഇന്നത്തെ ഫുഡ് നിന്റെ വകയാണ് എന്ന് മുന്‍കൂട്ടി പറഞ്ഞ് വെക്കണം. എന്നിട്ടും നേരം വൈകി എത്തുകയാണെങ്കില്‍ ആളുടെ ചെലവില്‍ ഫുഡ് കഴിക്കാം. ഇത് ഒരാളാക്ക് മാതരമല്ല, ഏത് ഫ്രണ്ട് നേരം വൈകിയാലും അല്ലെങ്കില്‍ അന്നത്തെ ദിവസം വരാമെന്ന് പറഞ്ഞതില്‍ ആരെല്ലാം നേരം വൈകിയോ അവരോടെല്ലാം ഷെയര്‍ ഇടീപ്പിക്കുക.
ഇത്തരതതില്‍ ചെയ്യുമ്പോള്‍ ഒട്ടും പക്ഷപാതപരമല്ലാത്ത രീതി അവിടെ നടപ്പിലാക്കാന്‍ സാധിക്കും. അതുപോലെ തന്നെ ആര്‍ക്കും പരാതിയില്ലാതെ നല്ലരീതിയില്‍ ജോഷ് ആയി കാര്യങ്ങള്‍ എടുക്കാന്‍ സാധിക്കും.
ശ്രദ്ധിക്കേണ്ടത്
ഇത്തരത്തില്‍ നിങ്ങള്‍ പ്രങ്ക് ചെയ്യാന്‍ പ്ലാന്‍ ചെയ്യുമ്പോള്‍ നിങ്ങളോട് അടുത്ത് നില്‍ക്കുന്ന സുഹൃത്തുക്കളോട് മാത്രം ചെയ്യാം. അല്ലാത്തവര്‍ ഇതിനെ നല്ലരീതിയില്‍ എടുക്കണം എന്നില്ല. അതുപോലെ തന്നെ ഇത്തരത്തില്‍ നേരം വൈകുന്നവരെ അവഗണിക്കരുത്. അത് അവരെ വല്ലാതെ വേദനിപ്പിക്കും. അതുപോലെ, അവരോട് പറയാതെ യാത്ര പോകുന്നതോ, അല്ലെങ്കില്‍ എന്തെങ്കിലും പ്ലാന്‍ ചെയ്യുന്നതും അവരെ വേദിപ്പിക്കും. അതിനാല്‍, നല്ല ഹെല്‍ത്തി റിലേഷന്‍ഷിപ്പി നിലനിര്‍ത്തി നല്ല ഹെല്‍ത്തിയായ രീതിയില്‍ തന്നെ ഡീല്‍ ചെയ്യുക. ഇത് ബന്ധങ്ങള്‍ നിലനിര്‍ത്താന്‍ സഹായിക്കും.
