ഇത്തവണ ഓണക്കിറ്റ് ആർക്കൊക്കെ? സൂപ്പർ സ്പെഷ്യൽ ഓണച്ചന്തകളുമായി സപ്ലൈക്കോ
Edited by Jibin George | Samayam Malayalam | Updated: 4 Aug 2023, 2:58 pm
സംസ്ഥാന സർക്കാരിൻ്റെ ഓണക്കിറ്റ് വിതരണം എന്നുമുതലാണെന്ന് സർക്കാർ വ്യക്തമാക്കിയിട്ടില്ല. കിറ്റിലെ ഇനങ്ങൾ ഏതെല്ലാം എന്ന കാര്യത്തിലും വ്യക്തതയുണ്ടായിട്ടില്ല
ഹൈലൈറ്റ്:
- സംസ്ഥാനം ഓണാഘോഷങ്ങളിലേക്ക്.
- ഇത്തവണ ഓണക്കിറ്റ് ലഭ്യമാകുക മഞ്ഞക്കാർഡ് ഉടമകൾക്ക്.
- അവശ വിഭാഗങ്ങൾക്കും കിറ്റ് ലഭ്യമാകും.
പുതുപ്പള്ളിയിലേക്ക് തീർഥാടനയാത്ര; ഉമ്മൻ ചാണ്ടിയുടെ കല്ലറ സന്ദർശിക്കാൻ പാക്കേജ്; ആദ്യയാത്ര നാളെ; പിന്നിൽ കോൺഗ്രസ് മുൻ ബ്ലോക്ക് പ്രസിഡന്റ്ഇത്തവണ ഓണക്കിറ്റ് ലഭ്യമാകുക മഞ്ഞക്കാർഡ് ഉടമകൾക്കും മറ്റ് അവശ വിഭാഗങ്ങൾക്കുമായിരിക്കും. അനാഥാലയങ്ങളിലും അഗതിമന്ദിരങ്ങളിലുമടക്കം കഴിയുന്ന പാവപ്പെട്ടവർക്കും ഓണക്കിറ്റ് നൽകും. ഇപ്രാവശ്യം എല്ലാവർക്കും ഓണക്കിറ്റ് ഉണ്ടാകില്ലെന്ന് ധനമന്ത്രി കെ എൻ ബാലഗോപാൽ വ്യക്തമാക്കിയിരുന്നു. കൊവിഡിൻ്റെ സമയത്ത് നൽകിയത് പോലെ ഓണക്കിറ്റ് ഇത്തവണ നൽകാനാകില്ലെന്നും കൊവിഡ് സമയത്തെ സാഹചര്യം സംസ്ഥാനത്ത് നിലവിൽ ഇല്ലെന്നും മന്ത്രി പറഞ്ഞിരുന്നു.
Student Police Cadet: ‘സഹപാഠിക്കൊരു ശുഭയാത്ര’ പദ്ധതിയുമായി എസ്പിസി കേഡറ്റുകൾ, സൈക്കിളുകൾ വിതരണം ചെയ്തു
സംസ്ഥാന സർക്കാരിൻ്റെ ഓണക്കിറ്റ് വിതരണം എന്നുമുതൽ ആരംഭിക്കുമെന്ന് സർക്കാർ വ്യക്തമാക്കിയിട്ടില്ല. കിറ്റിൽ ഉൾപ്പെടുത്തുന്ന ആവശ്യസാധനങ്ങൾ ഏതെല്ലാമെന്ന കാര്യത്തിലും വ്യക്തതയുണ്ടായിട്ടില്ല. കഴിഞ്ഞവർഷം വിതരണം ചെയ്ത ഓണക്കിറ്റിൽ തുണിസഞ്ചി ഉൾപ്പെടെ 14 ഇനങ്ങളാണുണ്ടായിരുന്നത്.
‘പാർട്ടി നടപടി എടുത്താൽ സ്ത്രീകളെ അധിഷേപിച്ച കേസ് ഇല്ലാതാകുമോ?’ ഡിവൈഎഫ്ഐ നേതാവിന് എതിരായ പരാതിയിൽ വി ഡി സതീശൻ
ഓണവിപണിയിൽ സജീവമായി ഇടപെടാൻ സപ്ലൈക്കോ ഇത്തവണയുമുണ്ടാകും. എന്നാൽ ധനവകുപ്പ് അനുവദിച്ച തുകയിൽ നിന്ന് സപ്ലൈക്കോയ്ക്ക് വിപണി ഇടപെടലിന് ചെലവഴിക്കാനാകുക 70 കോടി രൂപ മാത്രമാണ്. ധനവകുപ്പ് അടിയന്തരമായി അനുവദിച്ച 250 കോടിയിൽ ബാക്കിതുക നെല്ല് സംഭരണ കുടിശിക തീർക്കാനാണ് ചെലവഴിക്കുക. സൂപ്പർ സ്പെഷ്യൽ ഓണച്ചന്തകളടക്കം തുറക്കാനുള്ള പദ്ധതികൾ ആരംഭിച്ചെങ്കിലും തുകയുടെ ദൗർലഭ്യമാണ് തിരിച്ചടിയാകുന്നത്. ഓണക്കാലത്ത് സബ്സിഡി നിരക്കിൽ കൂടുതൽ സാധനങ്ങൾ വിതരണം ചെയ്യാനുള്ള ശ്രമമാണ് നടക്കുന്നത്. ഇതിനാൽ കൂടുതൽ നൽകണമെന്ന ആവശ്യമാണ് ഭക്ഷ്യവകുപ്പ് മുന്നോട്ടുവെക്കുന്നത്.
Read Latest Kerala News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
