Edited by Nishad P S | Samayam Malayalam | Updated: 4 Aug 2023, 5:19 pm
പ്രതികളില്‍ 13 പേര്‍ പാക്കിസ്ഥാനികളും രണ്ടു പേര്‍ സിറിയക്കാരുമാണ്. മോഷ്ടിച്ച കാറുകള്‍ പൊളിച്ച് ഭാഗങ്ങള്‍ വിറ്റതായി പോലീസ് കണ്ടെത്തി.
ഹൈലൈറ്റ്:
- മോഷ്ടിച്ചത് 19 കാറുകള്‍
- മോഷ്ടിച്ച കാറുകള്‍ പൊളിച്ച് ഭാഗങ്ങള്‍ വിറ്റു
- പ്രതികളില്‍ 13 പേര്‍ പാക്കിസ്ഥാനികള്‍
പൊളിച്ചുമാറ്റാന്‍ തയ്യാറാക്കിയ ഒമ്പത് കാറുകള്‍ പോലീസ് കണ്ടെടുത്തു. കാറുകള്‍ മോഷ്ടിച്ച് നഗരത്തിന് പുറത്തുള്ള ഒരു ഉപേക്ഷിക്കപ്പെട്ട ഗ്രൗണ്ടിലെത്തിച്ച് ഭാഗങ്ങള്‍ പൊളിച്ചുമാറ്റി സ്‌ക്രാപ്‌യാര്‍ഡുകളില്‍ വില്‍ക്കുന്നതായിരുന്നു ഇവരുടെ രീതി. നിയമനടപടികള്‍ സ്വീകരിച്ച ശേഷം കേസ് പബ്ലിക് പ്രോസിക്യൂഷന് റഫര്‍ ചെയ്യും.
തമ്മിലടിച്ച് എസ്എഫ്ഐ – കെഎസ്‍യു പ്രവർത്തകർ
അതിനിടെ കിഴക്കന്‍ പ്രവിശ്യയില്‍ അനധികൃതമായി വെറ്ററിനറി മരുന്നുകള്‍ കൈവശം വെച്ച പ്രവാസിയെ പിടികൂടി. അനധികൃതമായി വെറ്ററിനറി മരുന്നുകള്‍ തയ്യാറാക്കുന്ന വാണിജ്യ സ്ഥാപനത്തിന്റെ പ്രതിനിധിയായി ജോലി ചെയ്യുകയായിരുന്നു ഇയാളെന്ന് പൊലീസ് വെളിപ്പെടുത്തി. ശീതീകരിക്കാത്ത വാഹനത്തില്‍ വെറ്റിനറി മരുന്നുകള്‍ കൊണ്ടുപോകുന്നതിനിടെയാണ് ക്രിമിനല്‍ അന്വേഷണ ഉദ്യോഗസ്ഥര്‍ ഇയാളെ പിടികൂടിയത്.
വിദേശരാജ്യങ്ങളില്‍ നിന്ന് ഇന്ത്യയിലേക്ക് കംപ്യൂട്ടറുകളും ലാപ്‌ടോപുകളും ഇറക്കുമതി ചെയ്യുന്നതിന് നിയന്ത്രണം
ദമാം നഗരത്തില്‍ ഉദ്യോഗസ്ഥരുടെ പരിശോധനയ്ക്കിടെ പിടികൂടിയ തൊഴിലാളിയെ സൗദി ഫുഡ് ആന്‍ഡ് ഡ്രഗ് അതോറിറ്റി (എസ്എഫ്ഡിഎ) പബ്ലിക് പ്രോസിക്യൂഷന് റഫര്‍ ചെയ്തതായി സൗദി പ്രസ് ഏജന്‍സി റിപ്പോര്‍ട്ട് ചെയ്തു. ഇയാളുടെ കൈവശം രജിസ്റ്റര്‍ ചെയ്യാത്ത വെറ്ററിനറി ഔഷധങ്ങള്‍ ഉണ്ടായിരുന്നു. വെറ്റിനറി മരുന്നുകള്‍ നിര്‍മിക്കാന്‍ അനുമതിയില്ലാത്ത അസംസ്‌കൃത വസ്തുക്കള്‍ ഉപയോഗിച്ചതായി വിശദമായ ലാബ് പരിശോധനയില്‍ അതോറിറ്റി കണ്ടെത്തി.
ദുര്‍മന്ത്രവാദത്തില്‍ പെട്ട് 224 കോടി രൂപയുടെ കടബാധ്യത; സുപ്രീം കോടതി കുറ്റവിമുക്തയാക്കിയതോടെ കഥകള്‍ തുറന്നുപറഞ്ഞ് എമിറാത്തി യുവതി
നിയമാനുസൃത ലൈസന്‍സുകള്‍ നേടാതെയാണ് മരുന്നുകള്‍ നിര്‍മിച്ച് വില്‍പ്പന നടത്തിയിരുന്നത്. വെറ്റിനറി മരുന്ന് നിര്‍മാണവും കൈവശം വയ്ക്കലും വിപണനവും ഗള്‍ഫ് സഹകരണ കൗണ്‍സില്‍ രാജ്യങ്ങളിലെ വെറ്ററിനറി ഉദ്പന്ന നിയമത്തിന്റെയും ആര്‍ട്ടിക്കിള്‍ 27 ചട്ടങ്ങള്‍ പാലിക്കുന്നതുമായിരിക്കണം. അഞ്ച് വര്‍ഷം വരെ തടവോ അഞ്ച് മില്യണ്‍ റിയാലില്‍ കൂടാത്ത പിഴയോ അല്ലെങ്കില്‍ രണ്ടും കൂടിയോ ശിക്ഷ ലഭിക്കാവുന്ന നിയമലംഘനമാണിത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
