നാലുമണിക്കൂർ നീണ്ട ശസ്ത്രക്രിയ വിജയം; പ്രവാസി യുവാവിന്റെ പൊട്ടിയ കവിളെല്ല് പൂർവസ്ഥിതിയിലാക്കി

Also Read: വ്യോമയാന മേഖലയില്‍ കരുത്തുറപ്പിക്കാന്‍ ഖത്തര്‍ എയര്‍വേസ്; കൂടുതൽ വിമാനം വാങ്ങാൻ ഒരുങ്ങുന്നു
റോഡപകടത്തിൽ പരിക്ക് പറ്റിയ യുവാവിന്റെ മുഖത്തെ എല്ലുകളിൽ ഒന്നിലധികം പൊട്ടലുകൾ ഉണ്ടായിരുന്നു. ജിദ്ദയിലെ കിങ്‌ അബ്ദുല്ല മെഡിക്കൽ കോംപ്ലക്‌സിലെ അത്യാഹിത വിഭാഗത്തിലാണ് പ്രവാസിയെ പ്രവേശിപ്പിച്ചത്. മുഖത്തെ അസ്ഥികളിൽ ഒന്നിലധികം ഗുരുതരമായ ഒടിവുകൾ ഉണ്ടെന്ന് പരിശോധനയിൽ കണ്ടെത്തി. തുടർന്ന ശസ്ത്രക്രിയ നടത്താൻ തീരുമാനിക്കുകയായിരുന്നു. മുഖത്തെ ഒടിവുകൾ പരിഹരിക്കുന്നതിനും മുഖത്തെ മുറിവുകൾ സൗന്ദര്യവർദ്ധകമായി തുന്നിച്ചേർക്കുന്നതിനുമായി രോഗിയെ അടിയന്തിര ശസ്ത്രക്രിയയ്ക്ക് വിധേയനാക്കി.

പൂർണ്ണ സുഖം പ്രാപിക്കുകയും ആരോഗ്യനില സ്ഥിരത കൈവരിക്കുകയും ചെയ്ത ശേഷം രോഗിയെ ഡിസ്ചാർജ് ചെയ്തു. ജിദ്ദയിലെ കിംഗ് അബ്ദുല്ല മെഡിക്കൽ കോംപ്ലക്സിലെ ഓറൽ ആൻഡ് മാക്സിലോഫേഷ്യൽ സർജറി വിഭാഗം ആണ് വേണ്ട പ്രവർത്തികൾ ചെയ്തത്. 2023 ന്റെ ആദ്യ പകുതിയിൽ 68 ശസ്ത്രക്രിയകൾ ആണ് ഇവിടെ വിജയകരമായി നടത്തിയതെന്നും മന്ത്രാലയം അറിയിച്ചു.

Read Latest Gulf News and Malayalam News

ഡ്രോണുകൾ ഉപയോഗിച്ച് രക്തം കൈമാറ്റം ചെയ്യുന്നതിനുള്ള പരീക്ഷണ പറക്കൽ സൗദി നടത്തിയിരുന്നു. ഹജ്ജിനു മുമ്പ് നടത്തിയ പരീക്ഷണ പറക്കൽ വിജയകരമായിരുന്നു എന്നാണ് പുറത്തുവിട്ടിരിക്കുന്ന റിപ്പോർട്ട്. സൗദി പോസ്റ്റ് കോർപറേഷനുമായി സഹകരിച്ച് ആരോഗ്യ മന്ത്രാലയമാണ് ഡ്രോണുകൾ പറത്തിയത്. രക്തയൂനിറ്റുകൾ ആവശ്യമുള്ള സ്ഥലത്ത് പെട്ടെന്ന് എത്തിക്കാൻ വേണ്ടിയാണ് ഇത്തരത്തിലൊരു പരീക്ഷണ പറത്തം നടത്തിയത്. തീർഥാടകർക്ക് നൽകുന്ന പ്രാഥമികാരോഗ്യ സേവനങ്ങൾ കൂടുതൽ ഊർജിതമാക്കുന്നതിന്റെ ഭാഗമായാണ് പുതിയ സംവിധാനം സൗദി കൊണ്ടുവന്നത്.

വരുന്ന സീസണുകളിൽ ഈ ഡ്രോൺ ബ്ലഡ് ബാങ്ക് സംവിധാനം കൂടുതൽ സ്ഥലങ്ങളിലേക്ക് വ്യാപിപ്പിക്കാൻ ആണ് തീരുമാനിച്ചിരിക്കുന്നത്. തീർഥാടനത്തിന് എത്തുന്നവർക്ക് പരിക്കേറ്റാൽ പെട്ടെന്ന് ചികിത്സ സൗകര്യം നൽകുന്നതിന് വേണ്ടിയാണ് ഇത്തരത്തിലൊരു സംവിധാനം സൗദി ഒരുക്കിയിരിക്കുന്നത്. പരീക്ഷണം വിജിയിച്ചതിനാൽ കൂടുതൽ സാധ്യതകൾ കണ്ടെത്തി നടപ്പിലാക്കാൻ ആയിരിക്കും സൗദി പദ്ധതിയിടുന്നത്.

രക്തകൈമാറ്റത്തിനുള്ള സുരക്ഷാമാനദണ്ഡങ്ങൾ ഉപയേഗപ്പെടുത്തിയാണ് സംവിധാനങ്ങൾ സൗദി ഒരുക്കുന്നത്. എല്ലാ പരമ്പരാഗത തടസ്സങ്ങൾ മറിക്കടക്കടന്ന് വേഗത്തിൽ ആവശ്യക്കാർക്ക് വേണ്ടി ചികിത്സ എത്തിക്കാൻ ഇത് സഹായിക്കുന്നു.