കേരളത്തിലെ രാഷ്ട്രീയ സാഹചര്യവും 20 മണ്ഡലങ്ങളെക്കുറിച്ചും വിലയിരുത്തി രണ്ടാഴ്ചയ്ക്കുള്ളിൽ പ്രാഥമിക റിപ്പോർട്ട് നൽകാനാണ് രാഹുൽ ഗാന്ധി നിർദേശിച്ചിരിക്കുന്നതെന്ന് വിവിധ മാധ്യമങ്ങൾ റിപ്പോർട്ട് ചെയ്തു. 18 യുഡിഎഫ് എംപിമാരുടെയും പ്രവർത്തനങ്ങളും കനുഗോലു വിലയിരുത്തിയേക്കും.
Rahul Gandhi Case: രാഹുലിന് ആശ്വാസം; ശിക്ഷയ്ക്ക് സ്റ്റേയുമായി സുപ്രീം കോടതി; അയോഗ്യത നീങ്ങും
Pattambi Police: രണ്ടരലക്ഷത്തോളം രൂപ വിലമതിക്കുന്ന ബാഗ് പോലീസിനെ ഏൽപ്പിച്ചു, മാതൃകയായി യുവാക്കൾ
കർണാടക നിയമസഭ തെരഞ്ഞെടുപ്പിൽ സുനിൽ കനുഗോലുവായിരുന്നു പാർട്ടിയ്ക്കായി തന്ത്രങ്ങൾ മെനഞ്ഞത്. ഈ തന്ത്രങ്ങളാണ് പാർട്ടിക്ക് വിജയം സമ്മാനിച്ചത്. എട്ട് മാസത്തിനിടെ അഞ്ച് സർവെകൾ സംഘടിപ്പിച്ചായിരുന്നു സുനിൽ കനുഗോലുവും സംഘവും കർണാടകയിൽ കോൺഗ്രസിനായി പ്രവർത്തനങ്ങൾ നടത്തിയത്. തെരഞ്ഞെടുപ്പിന് വളരെ മുമ്പ് തന്നെ ഈ സംഘം സംസ്ഥാനത്ത് സജീവമായിരുന്നു.
സ്ഥാനാർഥി നിർണയം ഉൾപ്പെടെ മണ്ഡലത്തിൽ നടത്തേണ്ട പ്രചാരണങ്ങളും ഉയർത്തേണ്ട വിഷയങ്ങളുമെല്ലാം കനുഗോലുവും സംഘവുമാണ് തയ്യാറാക്കിയത്. ഈ സർവേയുടെയും പഠനത്തിന്‍റെയും അടിസ്ഥാനത്തിലാണ് എങ്ങോട്ടും ചാഞ്ഞേക്കാമായിരുന്ന മണ്ഡലങ്ങൾ കോൺഗ്രസ് തങ്ങളുടെ പോക്കറ്റിലാക്കിയത്.
കനുഗോലുവും സംഘവും നിർദേശിച്ച കർണാടകയിലെ 70 മണ്ഡലങ്ങളിലെ പ്രവർത്തനം എഐസിസി നേരിട്ടായിരുന്നു വിലയിരുത്തിയത്. മറ്റു സംസ്ഥാനങ്ങളിൽ നിന്നുള്ള നേതാക്കളെ നിരീക്ഷണത്തിനായി നിയോഗിക്കുകയും ചെയ്തു. തെരഞ്ഞെടുപ്പ് പ്രചാരണത്തിൽ ഊന്നൽ നൽകേണ്ട വിഷയങ്ങളും ഇവർ തന്നെയാണ് പാർട്ടിയ്ക്ക് മുന്നിൽ അവതരിപ്പിച്ചത്.
രാഹുൽ ഗാന്ധിക്ക് അനുകൂലമായ വിധി രാജ്യത്തെ ജനങ്ങൾക്ക് ആശ്വാസം: പികെ കുഞ്ഞാലിക്കുട്ടി
2018ലെ കർണാടക നിയമസഭാ തെരഞ്ഞെടുപ്പിൽ കനുഗോലു ബിജെപിക്കൊപ്പമായിരുന്നു പ്രവർത്തിച്ചിരുന്നത്. അന്ന് ഏറ്റവും വലിയ ഒറ്റകക്ഷിയായി മാറാൻ ബിജെപിയ്ക്ക് കഴിഞ്ഞിരുന്നു. കർണാടക സ്വദേശിയായ സുനിൽ കനുഗോലു ബിജെപിയ്ക്ക് പുറമെ, ഡിഎംകെ, അണ്ണാഡിഎംകെ, അകാലിദൾ തുടങ്ങിയ പാർട്ടികൾക്കായും തെരഞ്ഞെടുപ്പുകൾ കൈകാര്യം ചെയ്തിട്ടുണ്ട്. കഴിഞ്ഞവർഷമാണ് ഇദ്ദേഹം കോൺഗ്രസിൽ അംഗത്വമെടുത്തത്. അതിന് മുമ്പ് വരെ അമിത് ഷായ്തക്കൊപ്പമായിരുന്നു. ഉത്തർ പ്രദേശ്, ഉത്തരാഖണ്ഡ്, എന്നീ സംസ്ഥാനങ്ങളിലും ബിജെപിയ്ക്കായി ഇദ്ദേഹം പ്രവർത്തിച്ചിട്ടുണ്ട്. തമിഴ്നാട്ടിൽ എംകെ സ്റ്റാലിനുവേണ്ടി നടത്തിയ നമുക്കു നാമേ ക്യാപെയ്നിന്‍റെ പിന്നിലെ ബുദ്ധികേന്ദ്രവും കനുഗോലുവായിരുന്നു.
