Also Read : മാലിന്യ സംസ്കരണത്തിന് മുൻതൂക്കം; വെള്ളത്തിന്റെ ഉപഭോഗം 20 ശതമാനം കുറയ്ക്കും; റെയിവേ ബോർഡ്
എറണാകുളം ജില്ലയിലെ വാരപ്പെട്ടി പഞ്ചായത്തിലെ തോമസ് എന്ന കർഷന്റെ വാഴകളാണ് കെഎസ്ഇബി ഉദ്യോഗസ്ഥർ വെട്ടി നശിപ്പിച്ചത്. ഈ സംഭവം അത്യന്തം ഖേദകരവും പ്രതിഷേധാർഹവുമാണെന്ന് മന്ത്രി കുറിപ്പിൽ പറയുന്നു. കുഞ്ഞുങ്ങളെ പോറ്റി വളർത്തുന്നത് പോലെയാണ് ഒരു കർഷകൻ തന്റെ വിളകളെ പരിപാലിക്കുന്നതെന്നും. ഒരു കർഷകന്റെ വിയർപ്പിന് വില നൽകാതെ അവന്റെ വിളകളെ വെട്ടി നശിപ്പിച്ചത് തീർത്തും ക്രൂരതയാണെന്നും മന്ത്രി ഫേസ്ബുക്കിൽ കുറിച്ചു.
അപകടം പറ്റിയ യുവാവിന് രക്ഷകരായി മോട്ടോർ വാഹന വകുപ്പ്
ഹൈടെൻഷർ ലൈനിന് കീഴിൽ കൃഷി ചെയ്യുമ്പോഴുള്ള സുരക്ഷാ പ്രശ്നങ്ങളെ ഒട്ടും ചെറുതായി കാണുന്നില്ല. വൈദ്യുതാഘാതം മൂലം ഒരു ജീവൻ നഷ്ടപ്പെടാനോ മറ്റെന്തെങ്കിലും അപായമുണ്ടാകാനോ പാടില്ല എന്നതിൽ ആർക്കും രണ്ടഭിപ്രായമുണ്ടാകില്ല. ഈ സ്ഥലത്ത് വാഴ കൃഷി ചെയ്യാൻ പാടില്ലായെങ്കിൽ നേരത്തേ തന്നെ കെഎസ്ഇബി ഇടപെടേണ്ടതായിരുന്നുവെന്നും മന്ത്രി പറയുന്നു. വാഴകുലച്ച് കുലകൾ വിൽക്കാറായ സമയത്ത് ഏകപക്ഷീയമായി ഒരു കർഷകന്റെ അദ്ധ്വാനത്തെ നശിപ്പിക്കുന്നത് അംഗീകരിക്കാനാവില്ലെന്നും അദ്ദേഹം വ്യക്തമാക്കി.
വിഷയത്തിൽ കർഷകനായ തോമസിന്റെ മകൻ അനീഷുമായി സംസാരിച്ചതായും ഓണ വിപണി ലക്ഷ്യം വച്ച് കൃഷി ചെയ്ത 460 വാഴക്കുലകൾ ഒരു മുന്നറിയിപ്പുമില്ലാതെ നശിപ്പിക്കപ്പെട്ടതിന്റെ വേദനയിലാണ് ആ കുടുംബമെന്ന് മന്ത്രി പി പ്രസാദ് പറഞ്ഞു.
വാഴക്കൈകൾ വെട്ടി അപകട സാധ്യതകൾ ഒഴിവാക്കാനുളള നടപടികളായിരുന്നു ഉണ്ടാകേണ്ടിയിരുന്നതെന്ന അഭിപ്രായമാണ് ആ കർഷക കുടുംബത്തിനുള്ളതെന്നും മന്ത്രി പറഞ്ഞു.
Also Read : പൊറോട്ടയ്ക്ക് കറി സൗജന്യമായി നൽകിയില്ല; ചങ്ങനാശേരിയിൽ ഹോട്ടൽ സപ്ലെയറുടെ തല അടിച്ചുപൊട്ടിച്ചു
വിഷയത്തിൽ വൈദ്യുതി വകുപ്പ് മന്ത്രിയുമായി സംസാരിച്ചതായും വിഷയം ഗൗരവമായി കണ്ട് ഇതിനോടകം തന്നെ അദ്ദേഹം അന്വേഷത്തിന് ഉത്തരവിട്ടിട്ടതായും കൃഷി മന്ത്രി വ്യക്തമാക്കി. ഇത്തരം ദുരനുഭവങ്ങൾ കർഷകർക്ക് ഉണ്ടാകാതിരിക്കാൻ ആവശ്യമായ നടപടികൾ സംസ്ഥാന സർക്കാർ സ്വീകരിക്കുമെന്നും അദ്ദേഹം കൂട്ടിച്ചേർത്തു.
മന്ത്രിയെ അനുകൂലിച്ചും പ്രതികൂലിച്ചും നിരവധി കമന്റുകൾ പോസ്റ്റിന് ചുവട്ടിൽ വന്നിട്ടുണ്ട്.
Read Latest Kerala News and Malayalam News
