വനിതാ ടാക്‌സി കാറുകളില്‍ പുരുഷന്‍മാരെ മാത്രമായി യാത്രചെയ്യാന്‍ അനുവദിക്കില്ല. സ്ത്രീകള്‍ക്കും കുടുംബങ്ങള്‍ക്കും വേണ്ടിയാണ് വനിതാ ടാക്‌സി സംവിധാനം ആരംഭിച്ചത്. ഇതില്‍ പുരുഷന് യാത്ര ചെയ്യണമെങ്കില്‍ പ്രായപൂര്‍ത്തിയായ അടുത്ത ബന്ധുവായ സ്ത്രീ കൂടെ ഉണ്ടാവണം. നിയമം പാലിക്കാത്ത ഡ്രൈവര്‍മാര്‍ക്കെതിരെ ലൈസന്‍സ് റദ്ദാക്കുന്നത് ഉള്‍പ്പെടെയുള്ള ശിക്ഷാനടപടികള്‍ സ്വീകരിക്കും.
Bank Attachment: ജപ്തി അനുവദിക്കില്ല, ഉദ്യോഗസ്ഥരെത്തിയാല്‍ തടയുമെന്ന് കര്‍ഷകര്‍
യാത്രക്കാരന്‍ എന്തെങ്കിലും സാധനങ്ങള്‍ മറന്നുവച്ചത് തിരികെനല്‍കുന്നത് പോലെയുള്ള അടിയന്തര ആവശ്യത്തിന് മാത്രമേ ഡ്രൈവര്‍ യാത്രക്കാരനുമായി ഫോണില്‍ ബന്ധപ്പെടാന്‍ പാടുള്ളൂ. ഈ നിയമം യാത്രക്കാര്‍ക്കും ബാധകമാണ്. ടാക്‌സി വാഹനത്തില്‍ മീറ്റര്‍ പ്രവര്‍ത്തിപ്പിച്ചില്ലെങ്കില്‍ യാത്രക്കാരന്‍ പണം നല്‍കേണ്ടതില്ലെന്നതാണ് ശ്രദ്ധേയമായ മറ്റൊരു പരിഷ്‌കാരം. മീറ്റര്‍ ഓണാക്കാതെയുള്ള യാത്ര സൗജന്യയാത്രയായി കണക്കാക്കും.
യാത്രക്കാരന്‍ പുകവലിക്കുകയാണെങ്കില്‍ യാത്ര റദ്ദാക്കാന്‍ ഡ്രൈവര്‍ക്ക് അവകാശമുണ്ട്. സീറ്റ് ബെല്‍റ്റ് ധരിക്കാന്‍ വിസമ്മതിക്കുക, ഭക്ഷണം കഴിക്കുക, കാറിനോ ഉപകരണങ്ങള്‍ക്കോ കേടുവരുത്തുക, സ്റ്റിക്കറുകള്‍ നീക്കുക തുടങ്ങിയ സന്ദര്‍ഭങ്ങളിലും യാത്ര നിഷേധിക്കാം. പൊതുധാര്‍മിക മര്യാദ പാലിക്കാതിരിക്കുക, ഡ്രൈവറോട് മോശമായി പെരുമാറുക, അക്രമിക്കുക, മയക്കുമരുന്ന് ഉപയോഗിക്കുക, സുരക്ഷിതമല്ലാത്ത സ്ഥലങ്ങളിലേക്ക് യാത്ര ആവശ്യപ്പെടുക തുടങ്ങിയ സന്ദര്‍ഭങ്ങളിലും യാത്ര നിഷേധിക്കാവുന്നതാണ്.
യുഎഇയില്‍ വാഹനത്തില്‍ നിന്ന് റോഡിലേക്ക് മാലിന്യം വലിച്ചെറിഞ്ഞാല്‍ 22,500 രൂപ പിഴയും ആറ് ബ്ലാക്ക് പോയിന്റും
അനുവദനീയമായതിനേക്കാള്‍ ഭാരം ടാക്‌സി കാറുകളില്‍ കയറ്റരുത്. ഡിക്കിയില്‍ കൊള്ളാത്ത വിധമുള്ള ലഗേജുകളും പാടില്ല. മദ്യം, മയക്കുമരുന്ന് പോലുള്ള നിരോധിത വസ്തുക്കളും വാഹനത്തില്‍ കയറ്റരുത്. ഇക്കാര്യങ്ങളില്‍ ഡ്രൈവര്‍ക്കും യാത്രക്കാരനും ഒരുപോലെ ഉത്തരവാദിത്തമുണ്ട്.
സൗദിയില്‍ സ്ത്രീകള്‍ക്ക് വാഹനമോടിക്കാന്‍ അനുമതി നല്‍കി ചരിത്രപരമായ തീരുമാനം പ്രഖ്യാപിച്ച് ഏകദേശം നാല് വര്‍ഷത്തിന് ശേഷം കഴിഞ്ഞ വര്‍ഷമാണ് വനിതകള്‍ക്ക് ടാക്‌സി കാറുകള്‍ ഓടിക്കാന്‍ അനുമതി നല്‍കിയത്. റിയാദ്, ജിദ്ദ, ദമ്മാം, ജിസാന്‍, അസീര്‍, നജ്‌റാന്‍, ജൗഫ്, ഹായില്‍, ത്വാഇഫ് ഉള്‍പ്പെടെ രാജ്യത്തുടനീളമുള്ള നഗരങ്ങളിലെ തിരഞ്ഞെടുക്കപ്പെട്ട ഡ്രൈവിംഗ് സ്‌കൂളുകളില്‍ നിന്ന് ഫാമിലി ടാക്‌സി ലൈസന്‍സിന് സ്ത്രീകള്‍ക്ക് അപേക്ഷിക്കാം. 200 റിയാലാണ് ലൈസന്‍സ് അപേക്ഷാ ഫീസ്.
5,300 രൂപയ്ക്ക് സൗദിയില്‍ നിന്ന് കേരളത്തിലെത്താം; ഓഫറുകളുമായി എയര്‍ ഇന്ത്യ എക്‌സ്പ്രസ്
2017 സെപ്തംബര്‍ 27നാണ് സൗദി ഭണാധികാരി സല്‍മാന്‍ രാജാവ് സ്ത്രീകള്‍ക്ക് വാഹനമോടിക്കാന്‍ അനുമതി നല്‍കുമെന്ന് പ്രഖ്യാപിച്ചത്. 2019 ജൂണ്‍ 24 മുതല്‍ പെര്‍മിറ്റ് പ്രാബല്യത്തില്‍ വന്നു. 18 വയസും അതിനുമുകളിലും പ്രായമുള്ളവര്‍ക്കാണ് ഡ്രൈവിംഗ് ലൈസന്‍സ് നല്‍കുന്നത്. ഇപ്പോള്‍ യൂബര്‍, കരീം തുടങ്ങിയ റൈഡ് ഹെയ്‌ലിംഗ് ആപ്പുകളുടെ ഡ്രൈവര്‍മാരായി പ്രവര്‍ത്തിക്കാനും സ്ത്രീകള്‍ക്ക് അനുമതിയുണ്ട്. സ്ത്രീശാക്തീകരണത്തിന്റെ ഭാഗമായി സമീപ വര്‍ഷങ്ങളില്‍ രാജ്യം നിരവധി പരിഷ്‌കാരങ്ങള്‍ കൈക്കൊണ്ടിരുന്നു.
സൗദി വനിതകള്‍ക്ക് പുരുഷ രക്ഷകര്‍ത്താവ് (മഹ്‌റം) കൂടെയില്ലാതെ രാജ്യത്ത് എവിടെയും യാത്രചെയ്യാന്‍ അനുമതി നല്‍കുന്ന തീരുമാനത്തിന് ശേഷം, 2019 മുതല്‍ സൗദി വനിതകള്‍ക്ക് അനുമതിയില്ലാതെ വിദേശത്തേക്ക് പോകാനും സമ്മതം നല്‍കിയിരുന്നു. മഹ്‌റം ആവശ്യമില്ലാതെ നേരിട്ട് പാസ്‌പോര്‍ട്ട്, തിരിച്ചറിയല്‍ കാര്‍ഡ് തുടങ്ങി എല്ലാ ഔദ്യോഗിക രജിസ്‌ട്രേഷനുകള്‍ക്കും അപേക്ഷിക്കാനും അനുമതി നല്‍കിയിരുന്നു. സൗദി ശൂറ കൗണ്‍സിലില്‍ നേരത്തേ തന്നെ വനിതാ സംവരണമുണ്ട്. മുനിസിപ്പല്‍ തെരഞ്ഞെടുപ്പുകളില്‍ മല്‍സരിക്കാനും ഏതാനും വര്‍ഷം മുമ്പ് അനുമതി ലഭിച്ചു.
