മരിച്ചവരുടെ അടുത്ത കുടുംബാംഗങ്ങള്‍ പ്രതികള്‍ക്ക് മാപ്പ് നല്‍കിയാലും ശിക്ഷയില്‍ നിന്ന് ഒഴിവാക്കാത്ത ശരീഅത്ത് വകുപ്പുകള്‍ കേസില്‍ ചുമത്തിയിരുന്നു. പൊതുസുരക്ഷ അപകടപ്പെടുത്തുന്ന വലിയ കുറ്റങ്ങള്‍ രാജ്യത്തിനെതിരായ കുറ്റകൃത്യമായാണ് കണക്കാക്കുക. ഹദ്ദുല്‍ ഹിറാബ നിയമ പ്രകാരം ശിക്ഷിക്കുന്ന കേസുകളില്‍ ഇരയുടെ കുടുംബ് മാപ്പ്‌നല്‍കിയാലും ശിക്ഷയില്‍ നിന്ന് ഒഴിവാകില്ല.
ഏതാനും വര്‍ഷം മുമ്പ് അബഹയില്‍ കൂടെ ജോലിചെയ്യുന്ന വിദേശിയെ വധിച്ച് പണം തട്ടിയ ശേഷം രാജ്യംവിടാന്‍ ശ്രമിച്ച കേസില്‍ രണ്ട് ഇന്ത്യക്കാര്‍ക്കെതിരേ ഇതേ വകുപ്പ് ചുമത്തിയിരുന്നു. പിന്നീട് അറിയപ്പെടുന്ന മലയാളി സാമൂഹിക പ്രവര്‍ത്തകനും തര്‍മജ ചെയ്യുന്നതിന് കോടതിയുടെ സഹായിയായി പ്രവര്‍ത്തിച്ചുവരികയും ചെയ്യുന്ന പ്രവാസിയുടെ ഇടപെടലിനെ തുടര്‍ന്ന് ഈ വകുപ്പ് ചുമത്തുന്നതില്‍ നിന്ന് ഒഴിവാക്കി നല്‍കിയതോടെയാണ് ദിയാധനം നല്‍കുന്നതിനുള്ള അവസരം ലഭിച്ചത്.
Bank Attachment: ജപ്തി അനുവദിക്കില്ല, ഉദ്യോഗസ്ഥരെത്തിയാല്‍ തടയുമെന്ന് കര്‍ഷകര്‍
സൗദി പൗരന്‍മാരായ അബ്ദുല്ല മുബാറക് അല്‍ അജമി, മുഹമ്മദ് സൈഅലി അല്‍ അനസി എന്നിവരുടെ വധശിക്ഷയാണ് കഴിഞ്ഞ ദിവസം നടപ്പാക്കിയത്. പ്രതികള്‍ 30 വയസ്സില്‍ താഴെ പ്രായമുള്ളവരാണ്. 2019 സപ്തംബര്‍ എട്ടിനാണ് കേസിനാസ്പദമായ സംഭവം. ഉത്തരേന്ത്യക്കാരനായ മുഹമ്മദ് ഹുസൈന്‍ അന്‍സാരിയെ ദാരുണമായി വാഹനംകയറ്റി കൊന്നത് പ്രവാസി ഇന്ത്യക്കാരെ നടുക്കിയ സംഭവമായിരുന്നു.
യുഎഇയില്‍ വാഹനത്തില്‍ നിന്ന് റോഡിലേക്ക് മാലിന്യം വലിച്ചെറിഞ്ഞാല്‍ 22,500 രൂപ പിഴയും ആറ് ബ്ലാക്ക് പോയിന്റും
രാവിലെ ഒമ്പതു മണിയോടെ കാറിലേക്ക് കയറുന്നതിനിടെ അന്‍സാരിയെ അക്രമികള്‍ അടിച്ചുവീഴ്ത്തി. പണവും മറ്റു വസ്തുക്കളും കവരുകയും ചെയ്തു. ടൊയോട്ട പ്രാഡോ കാറിലെത്തിയ അക്രമികള്‍ നിലത്തുവീണ അന്‍സാരിയുടെ ശരീരത്തില്‍ വാഹനം കയറ്റിയാണ് കൊലപ്പെടുത്തിയത്. അന്‍സാരിയുടെ ഹ്യൂണ്ടായ് ഇലാന്‍ട്ര കാര്‍ ഇവര്‍ തട്ടിയെടുക്കുകയും ചെയ്തു. പിന്തുടര്‍ന്ന പോലിസ് ഉദ്യോഗസ്ഥരെ തോക്കൂചൂണ്ടി വധിക്കാനും ശ്രമിച്ചു.
5,300 രൂപയ്ക്ക് സൗദിയില്‍ നിന്ന് കേരളത്തിലെത്താം; ഓഫറുകളുമായി എയര്‍ ഇന്ത്യ എക്‌സ്പ്രസ്
പ്രത്യേക അന്വേഷണ സംഘമാണ് പ്രതികളെ വലയിലാക്കിയത്. ഇരുവരും മയക്കുമരുന്ന് ഉപയോഗിക്കുന്നവരാണെന്നും കണ്ടെത്തി. മറ്റു പലരെയും അക്രമിക്കുകയും കൊള്ളയടിക്കുകയും ചെയ്തതായി തെളിഞ്ഞതിനെ തുടര്‍ന്ന് പ്രതികള്‍ സമൂഹത്തിന് ഭീഷണിയാണെന്നും പരമാവധി ശിക്ഷനല്‍കണമെന്നും പ്രോസിക്യൂഷന്‍ ആവശ്യപ്പെട്ടിരുന്നു.
