പ്രതിപക്ഷ നേതാവ് വിഡി സതീശനായിരുന്നു യോഗത്തിൽ ഇതുസംബന്ധിച്ച ച‍ർച്ചകൾക്ക് തുടക്കമിട്ടത്. ഉമ്മൻ ചാണ്ടിയെ ഓർത്തഡോക്സ് സഭ വിശുദ്ധനാക്കുമോ എന്നു തന്നോട് പലരും ചോദിച്ചിരുന്നുവെന്ന് സതീശൻ പറഞ്ഞു. ജനങ്ങളുടെ മനസ്സിൽ ഉമ്മൻ ചാണ്ടി ഇതിനോടകം തന്നെ പുണ്യാളനായിട്ടുണ്ടെന്നും അദ്ദേഹം പ്രസംഗത്തിൽ ചൂണ്ടിക്കാട്ടി. എന്നാൽ വൈദികരെയും മെത്രാന്മാരെയും മാത്രം വിശുദ്ധരാക്കുന്നതാണ് ഓർത്തഡോക്സ് സഭയുടെ കീഴ്‍‍വഴക്കം. ഉമ്മൻ ചാണ്ടിയുടെ കാര്യത്തിൽ താൻ നിസ്സഹായനാണെന്നും ഓർത്തഡോക്സ് സഭ ഈ കീഴ്‍‍വഴക്കം മറികടക്കണമെന്നുമായിരുന്നു സീറോ മലബാർ സഭാധ്യക്ഷൻ മാർ ജോർജ് ആലഞ്ചേരിയുടെ വാക്കുകൾ. അതേസമയം, ഇവിടെ മാത്രമാണ് സാധാരണ വിശ്വാസികളെ വിശുദ്ധരായി പ്രഖ്യാപിക്കാത്തത് എന്നായിരുന്നു ഓർത്തഡോക്സ് സഭ അങ്കമാലി ഭദ്രാസനാധിപൻ മാർ പോളിക്കാർപ്പസ് ചൂണ്ടിക്കാട്ടിയത്. സഭാപിതാക്കന്മാരുടെ വാക്കുകളെ സദസ്സ് നിറഞ്ഞ കൈയടിയോടെയാണ് സ്വീകരിച്ചത്.
car caught fire മാവേലിക്കരയിൽ കാറിനു തീപിടിച്ച് യുവാവ് മരിച്ചു
അതേസമയം, ഉമ്മൻ ചാണ്ടിയുടെ മൃതദേഹം അടക്കം ചെയ്ത പുതുപ്പള്ളി പള്ളിയിലെ കല്ലറയിലേക്ക് വിശ്വാസികളുടെയും പ്രവ‍ർത്തകരുടെയും ഒഴുക്ക് തുടരുകയാണ്. സാധാരണ കുടുംബക്കല്ലറകളിൽ നിന്നുമാറി വൈദിക‍രുടെ കല്ലറകൾക്കടുത്താണ് ഉമ്മൻ ചാണ്ടിയുടെ അന്ത്യവിശ്രമം. പൂക്കളും റീത്തുകളായി എത്തുന്ന പലരും കടലാസിൽ എഴുതിയ നിവേദനങ്ങളും കല്ലറയിൽ നിക്ഷേപിച്ചാണ് മടങ്ങുന്നത്. ഭരണങ്ങാനവും രാമപുരവും അടക്കമുള്ള തീ‍ർഥാടനകേന്ദ്രങ്ങളെ ഓ‍ർമിപ്പിക്കുന്നതാണ് പുതുപ്പള്ളിയിലെ കാഴ്ചകളും. സോഷ്യൽ മീഡിയയിലും ഉമ്മൻ ചാണ്ടിയുടെ വിശുദ്ധപദവിക്കുള്ള സാധ്യതകൾ ച‍ർച്ചയായിട്ടുണ്ട്.
ചെറുതല്ലാത്ത കടമ്പകൾ
യേശുവിൻ്റെ മാതാവായ കന്യാമറിയത്തെയും അപ്പസ്തോലന്മാരെയും വിശുദ്ധരായി കണക്കാക്കുന്ന ഓർത്തഡോക്സ് സഭ ആദിമനൂറ്റാണ്ടുകളിലെ സഭാപിതാക്കന്മാരെയും വണങ്ങുന്നുണ്ട്. യെൽദോ മോ‍ർ ബസേലിയോസ്, പരുമല തിരുമേനി അഥവാ ഗീവ‍ർഗീസ് മാർ ഗ്രിഗോറിയോസ്, വട്ടശ്ശേരിൽ ഗീവ‍ർഗീസ് മാർ ദിവന്ന്യാസോസ് തുടങ്ങിയവരെ ഓർത്തഡോക്സ് സഭ പരിശുദ്ധരായി കണക്കാക്കുന്നത്. സഭയ്ക്ക് വലിയ സംഭാവനകൾ നൽകിയ പിതാക്കന്മാർ വിശുദ്ധപദവിയിലേക്ക് ഉയർന്നിട്ടുണ്ടെങ്കിലും വിശ്വാസികൾ ആരെയും ഓർത്തഡോക്സ് സഭ ഇതുവരെ വിശുദ്ധരായി പ്രഖ്യാപിച്ചിട്ടില്ല. അതിനാൽ, ഇതിനായി കൃത്യമായ മാനദണ്ഡങ്ങളുമില്ല.
അരനൂറ്റാണ്ടിനിടയിൽ ഉമ്മൻ‌ചാണ്ടി ഇല്ലാത്ത ആദ്യ നിയമസഭ സമ്മേളനം
അതേസമയം, കർദിനാൾ മാർ ജോർജ് ആലഞ്ചേരി അടക്കമുള്ളവ‍ർ നേതൃത്വം നൽകുന്ന ആഗോള കത്തോലിക്കാ സഭയിൽ നൂറുകണക്കിന് സാധാരണ വിശ്വാസികളും വിശുദ്ധരായിട്ടുണ്ട്. വിശ്വാസജീവിതം മുറുക്കെപ്പിടിക്കുകയും മരണശേഷം സ്വ‍ർഗത്തിലെത്തുകയും ചെയ്യുന്ന വിശ്വാസികളെ കത്തോലിക്കാ സഭയും മറ്റു പല സഭകളും വിശുദ്ധരായി കണക്കാക്കുന്നുണ്ട്. സഭ ഔദ്യോഗികമായി അംഗീകരിക്കുന്ന വിശുദ്ധരെ വിശ്വാസികൾക്ക് വണങ്ങുകയും ദൈവത്തിനു മുന്നിൽ മധ്യസ്ഥതയ്ക്കായി അപേക്ഷിക്കുകയും ചെയ്യാം.
ഒരാളെ മരണശേഷം വിശുദ്ധനായി കണക്കാക്കുന്നതിൻ്റെ ആദ്യപടി ആ വ്യക്തിയെക്കുറിച്ച് വിശദമായ പഠനവും അന്വേഷണവും നടത്തി റിപ്പോർട്ട് അതത് മെത്രാന്മാർക്ക് സമർപ്പിക്കുന്നതാണ്. ഇതിനു ശേഷം മെത്രാൻ്റെ ശുപാർശ വത്തിക്കാനിലേക്ക് അയക്കും. സാധാരണഗതിയിൽ ഒരാളെ വിശുദ്ധനായി അംഗീകരിക്കുന്നത് വ‍ർഷങ്ങൾ നീണ്ട നടപടികളിലൂടെയാണ്. ‘ധന്യനാ’യി പ്രഖ്യാപിക്കുന്നതാണ് ആദ്യ ഘട്ടം. പിന്നീട് ‘വാഴ്ത്തപ്പെട്ട’വനായി ഉയർത്തും. വിശുദ്ധൻ്റെ മധ്യസ്ഥത വഴി നടന്ന ‘അത്ഭുതപ്രവൃത്തികൾ’, കല്ലറ തുറന്നുള്ള പരിശോധനകൾ തുടങ്ങിയവയും നടക്കും. ഇതിനും ശേഷമാണ് മാർപാപ്പ ഒരാളെ വിശുദ്ധനായി പ്രഖ്യാപിക്കുന്നതും ആഗോള കത്തോലിക്കാ സഭയ്ക്ക് വണങ്ങാൻ അനുമതി നൽകുന്നതും. ഇതോടെ പേരിനൊപ്പം വിശുദ്ധ എന്നു ചേ‍ർക്കുകയും ചെയ്യും.
കെഎസ്ഇബിക്ക് വാഴയാണോ പ്രശ്നം, എങ്കിൽ മുന്നറിയിപ്പ് നൽകാമായിരുന്നില്ലേ? ചോദ്യവുമായി കർഷകൻ; വെട്ടിനശിപ്പിച്ചത് ഓണവിപണി ലക്ഷ്യമിട്ടുള്ള കൃഷി
എന്നാൽ പല ഓർത്തഡോക്സ് സഭകളിലും മറ്റ് ക്രിസ്ത്യൻ വിഭാഗങ്ങളിലും ഇക്കാര്യങ്ങളിൽ വ്യത്യാസമുണ്ട്. വ്യക്തി മരിച്ച് 50 വർഷം കഴിഞ്ഞു മാത്രമേ വിശുദ്ധനാക്കാൻ സാധിക്കൂ എന്നാണ് ചില സഭകളിലെ ചട്ടം.
