തിരക്കേറിയ വന്ദേ ഭാരത് കേരളത്തിലേത്
കഴിഞ്ഞമാസം ആദ്യം പുറത്തുവന്ന റിപ്പോർട്ട് പ്രകാരം രാജ്യത്തെ വന്ദേ ഭാരതുകളിൽ യാത്രക്കാരുടെ എണ്ണത്തിൽ ഒന്നും രണ്ടും സ്ഥാനം കേരളത്തിലോടുന്ന തീവണ്ടിക്കായിരുന്നു. കാസർകോട് – തിരുവനന്തപുരം വന്ദേ ഭാരതായിരുന്നു സീവീസുകളിൽ ഒന്നാമത്. മൊത്തം സീറ്റുകളുടെ 183% ആണ് ശരാശരി യാത്രക്കാർ. രണ്ടാമത് തിരുവനന്തപുരത്ത് നിന്ന് കാസർകോട്ടേക്കുന്ന പോകുന്ന സർവീസുമായിരുന്നു. ഇതിൽ ശരാശരി യാത്രക്കാരുടെ എണ്ണം 176 ശതമാനമാണ്. കേരളത്തിലെ സർവസുകളിലെ യാത്രക്കാരുടെ നിരത്തും മൂന്നാമതുള്ള സർവീസിലെ നിരത്തും തമ്മിൽ വലിയ വ്യത്യാസമുണ്ടായിരുന്നു. കേരളത്തിലെ യാത്രക്കാർ വന്ദേ ഭാരതിനെ ഇരും കൈയ്യുംനീട്ടീ സ്വീകരിച്ചെന്നാണ് ഇത് വ്യക്തമാക്കുന്നത്.
ഈ റൂട്ടുകളിലും വന്ദേ ഭാരത് വേണം
കേരളത്തിൽ രണ്ടാമത്തെ വന്ദേ ഭാരത് ഉടൻ സർവീസ് ആരംഭിക്കുമെന്നും തിരുവനന്തപുരം – കാസർകോട് റൂട്ടിൽ തന്നെയാകും ഇതെന്നും നേരത്തെ മന്ത്രാലയത്തെ ഉദ്ധരിച്ച് റിപ്പോർട്ടുകൾ വന്നിരുന്നു. അതേസമയം സംസ്ഥാനത്തെ തിരക്കേറിയ നാല് റൂട്ടുകളിൽ വന്ദേ ഭാരത് പരിഗണിക്കണമെന്ന ആവശ്യം യാത്രക്കാർ ഉയർത്തുന്നുണ്ട്. തിരുവനന്തപുരം – കോയമ്പത്തൂർ, തിരുവനന്തപുരം – കോഴിക്കോട്, ബെംഗളൂരു – എറണാകുളം, തിരുവനന്തപുരം – മംഗലാപുരം റൂട്ടുകളിൽ ട്രെയിൻ വേണമെന്നാണ് യാത്രക്കാർ ആവശ്യപ്പെടുന്നത്.
മോദിയുദ്ധത്തിൽ രാഹുലിന്‍റെ വിജയവഴി
Modi Surname Case: ‘മോദി’യുദ്ധത്തിൽ രാഹുലിന്‍റെ വിജയവഴി
ബെംഗളൂരു – കൊച്ചി ആവശ്യമേറുന്നു
ഐടി നഗരമായ ബെംഗളൂരുവിൽ നിന്ന് കൊച്ചിയിലേക്ക് വന്ദേ ഭാരത് വേണമെന്ന ആവശ്യം ഉയർന്നുവരുന്നുണ്ട്. ട്രെയിൻ യൂസേഴ്സ് ഫോറവും ഈ ആവശ്യം നേരത്തെ ഉന്നയിച്ചിരുന്നു. സംസ്ഥാനത്ത് നിലവിൽ ഏറ്റവും തിരക്കഉള്ള റൂട്ടാണ് എറണാകുളം – ബെംഗളൂരു എന്നാണ് ഫോറം ചൂണ്ടിക്കാട്ടുന്നത്. ബെംഗളൂരുവിലേക്കുള്ള മലയാളികൾക്ക് പുറമേ, കോയമ്പത്തൂർ യാത്രയ്ക്കും ഈ സർവീസ് ഉപകാരപ്പെടുമെന്നതിനാൽ മന്ത്രാലയം അനുകൂല തീരുമാനം പ്രഖ്യാപിക്കുമെന്നാണ് കരുതുന്നത്.
പുതിയ സർവീസുകൾക്ക് സാധ്യതയുണ്ടോ?
2030 ഓടെ 800 വന്ദേ ഭാരത് ട്രെയിനുകൾ രംഗത്തിറക്കാനാണ് റെയിൽവേ ലക്ഷ്യമിടുന്നത്. ഈ സാമ്പത്തികവർഷം 75 സെമി ഹൈ സ്പീഡ് ട്രെയിനുകൾ സർവീസ് നടത്തുമെന്നും കേന്ദ്രം വ്യക്തമാക്കുന്നുണ്ട്. നിലവിൽ സർവീസ് നടത്തുന്ന 25 ട്രെയിനുകൾക്ക് പുറമെ 50 ട്രെയിനുകൾ കൂടിയാണ് ഉടനെത്തുക. ഇതിൽ കേരളത്തിന് കൂടുതൽ സർവീസുകൾ ലഭിക്കുമെന്നാണ് പ്രതീക്ഷിക്കുന്നത്. ആദ്യ സർവീസിന് മികച്ച പ്രതികരണം ലഭിച്ചതിനാൽ കേരളത്തിന് കൂടുതൽ സർവീസ് ലഭിക്കുമെന്നാണ് യാത്രക്കാർ പ്രതീക്ഷിക്കുന്നത്.
രണ്ടാമത്തെ വന്ദേ ഭാരത് ഉടൻ
സംസ്ഥാനത്ത് രണ്ടാമത്തെ വന്ദേ ഭാരത് ഉടൻ സർവീസ് ആരംഭിക്കുമെന്ന് റെയിൽവേ മന്ത്രി അശ്വനി വൈഷ്ണവ് വ്യക്തമാക്കിയതായി സംസ്ഥാന ബിജെപി നേതൃത്വം പ്രഖ്യാപിച്ചിരുന്നു. നടപടിക്രമങ്ങൾ പൂർത്തിയായാൽ ഉടൻ തന്നെ കേരളത്തിലെ രണ്ടാമത്തെ വന്ദേ ഭാരതും സർവീസ് ആരംഭിക്കും. ഓണത്തിന് മുന്നേ പുതിയ സെമി ഹൈസ്പീഡ് ട്രെയിൻ ട്രാക്കിലിറങ്ങുമോയെന്നാണ് എല്ലാവരും ഉറ്റുനോക്കുന്നത്.
