തിരുവോണം ബമ്പറിന് കൂട്ടയിടി; ഈ ജില്ലയിൽ മാത്രം വിറ്റത് രണ്ടുലക്ഷത്തിലധികം ടിക്കറ്റുകൾ, വിൽപ്പന കുതിക്കുന്നു

അദ്ദേഹം ഒരു നീതിമാനായിരുന്നു; ഉയര്‍ത്തെഴുന്നേല്‍ക്കുന്നത് ജനങ്ങളുടെ ഹൃദയത്തിലായിരിക്കും; ഉമ്മൻ ചാണ്ടിയെക്കുറിച്ച് വിഡി സതീശൻ

തിരുവോണം ബമ്പർ ടിക്കറ്റ് വിൽപ്പനയിൽ ഇത്തവണ പാലക്കാട് ജില്ലയാണ് ഇതുവരെ മുന്നിലെന്നാണ് റിപ്പോർട്ടുകൾ. കഴിഞ്ഞ ദിവസം വരെയുള്ള കണക്കുകൾ പ്രകാരം ജില്ലയിൽ രണ്ട് ലക്ഷത്തിലധികം ടിക്കറ്റുകളാണ് വിറ്റത്. തിരുവോണം ബമ്പർ ടിക്കറ്റ് വിൽപ്പനയിലൂടെ പാലക്കാട് ജില്ലയിൽ മാത്രം എട്ടുകോടി രൂപയാണ് ലഭിച്ചത്.

പാലക്കാട് ജില്ലാ ഓഫീസിൽ 1,30,000 ടിക്കറ്റുകളും ചിറ്റൂർ, പട്ടാമ്പി സബ് ഓഫീസുകളിലയി 35,000 വീതം 70, 000 ടിക്കറ്റുകളാണ് വിറ്റത്. ഇത്തവണ ജൂലൈ 27 മുതലാണ് തിരുവോണം ബമ്പർ ടിക്കറ്റ് വിതരണം ആരംഭിച്ചത്. 125 കോടി 54 ലക്ഷം രൂപയാണ് ഇത്തവണത്തെ ആകെ സമ്മാനത്തുക. രണ്ടാം സമ്മാനം നേടുന്ന 20 പേർക്ക് ഒരു കോടി രൂപ വീതം ലഭിക്കും. 50 ലക്ഷം വീതം 20 പേർക്ക് മൂന്നാം സമ്മാനം ലഭിക്കും. ആയിരം രൂപവരെ വരെയുള്ള സമ്മാനങ്ങൾക്ക് അർഹരാകുന്നവരുടെ എണ്ണത്തിലും വർധന ഏർപ്പെടുത്തി.

വന്ദേ സാധാരൺ എറണാകുളം – ഗുവാഹത്തി റൂട്ടിൽ?
കഴിഞ്ഞവർഷം ആകെ നൽകിയ സമ്മാനങ്ങളുടെ എണ്ണം 397911 ആയിരുന്നുവെങ്കിൽ ഇത്തവണ 534670 ആയി ഉയർത്തി. ലോട്ടറി വിൽപ്പനക്കാരുടെ കമ്മീഷനും വർധിപ്പിച്ചു. ഭാഗ്യചിഹ്നമെന്ന് വിശേഷണമുള്ള പച്ചക്കുതിര ചിഹ്നമാക്കിയാണ് തിരുവോണം ബമ്പർ ലോട്ടറി അച്ചടിച്ചത്. സുരക്ഷ മുൻനിർത്തിയും വ്യാജ ടിക്കറ്റുകൾ തിരിച്ചറിയുന്നതിനുമായി ഫ്ലുറസൻ്റ് മഷിയിലാണ് ടിക്കറ്റ് അച്ചടിച്ചിരിക്കുന്നത്. സെപ്റ്റംബർ ഇരുപതിനാണ് തിരുവോണം ബമ്പർ ലോട്ടറി നറുക്കെടുപ്പ് നടക്കുക.

Read Latest Kerala News and Malayalam News