എക്‌സ്‌പോ വേദിയുമായി ബന്ധപ്പെട്ട എല്ലാ നിര്‍മാണ പ്രവര്‍ത്തനങ്ങളും പൂര്‍ത്തിയായിവരിയാണെന്നും ഖാലിദ് അല്‍ സിന്ദി പറഞ്ഞു. 30 ലക്ഷത്തിലധികം സന്ദര്‍ശകരെയാണ് പ്രതീക്ഷിക്കുന്നത്. എക്‌സ്‌പോ നഗരി വിവരങ്ങള്‍ക്കും പഠനത്തിനും ആഗോള സാങ്കേതിക വിദ്യകള്‍ ആകര്‍ഷിക്കുന്നതിനുമുള്ള കേന്ദ്രമാക്കി മാറ്റും.
Bank Attachment: ജപ്തി അനുവദിക്കില്ല, ഉദ്യോഗസ്ഥരെത്തിയാല്‍ തടയുമെന്ന് കര്‍ഷകര്‍
‘പച്ച മരുഭൂമി, മെച്ചപ്പെട്ട പരിസ്ഥിതി’ എന്ന വിഷയത്തെ അടിസ്ഥാനമാക്കിയുള്ള എക്‌സ്‌പോയില്‍ മരുഭൂവല്‍ക്കരണം കുറയ്ക്കുന്നതിനും ഹരിതഇടങ്ങളും കൃഷിഭൂമിയും വര്‍ധിപ്പിക്കുന്നതിനുമാണ് ഊന്നല്‍ നല്‍കുന്നത്. പരിസ്ഥിതി വിദ്യാഭ്യാസം, സുസ്ഥിരത, കാലാവസ്ഥാ വ്യതിയാനം, പുതിയ പദ്ധതികള്‍ എന്നിവ ഉള്‍പ്പെടുന്ന എക്‌സിബിഷന്റെ അസാധാരണവും വിശിഷ്ടവുമായ പതിപ്പ് അവതരിപ്പിക്കാന്‍ ഖത്തര്‍ സജ്ജമാണെന്ന് അല്‍ സിന്ദി പറഞ്ഞു.
കാലാവസ്ഥാ വ്യതിയാനത്തിന്റെ അനന്തരഫലങ്ങള്‍ ബാധിക്കുന്ന അവികസിത രാജ്യങ്ങളെ പിന്തുണയ്ക്കുന്നതിനുള്ള ഖത്തറിന്റെ പ്രതിബദ്ധത സ്ഥിരീകരിക്കാനുള്ള അവസരമാണ് എക്‌സ്‌പോയെന്നും അദ്ദേഹം അഭിപ്രായപ്പെട്ടു. എല്ലാവര്‍ക്കും അവരവരുടെ വാദമുഖങ്ങളും നിര്‍ദേശങ്ങളും പങ്കിടാനുള്ള തുല്യ അവസരമുണ്ടെന്ന് ഉറപ്പാക്കാന്‍ 40 പവലിയനുകള്‍ അനുവദിച്ചിട്ടുണ്ട്. എല്ലാവര്‍ക്കും ചര്‍ച്ചകളില്‍ പങ്കെടുക്കാനും ബന്ധങ്ങള്‍ കെട്ടിപ്പടുക്കാനും പാരിസ്ഥിതിക പദ്ധതികള്‍ക്ക് ധനസഹായം നല്‍കാനുള്ള അവസരങ്ങള്‍ കണ്ടെത്താനും അവസരമൊരുക്കും.
യുഎഇയില്‍ വാഹനത്തില്‍ നിന്ന് റോഡിലേക്ക് മാലിന്യം വലിച്ചെറിഞ്ഞാല്‍ 22,500 രൂപ പിഴയും ആറ് ബ്ലാക്ക് പോയിന്റും
പാരിസ്ഥിതികവും കാര്‍ഷികവുമായ വെല്ലുവിളികള്‍ നേരിടാന്‍ ലക്ഷ്യമിട്ടുള്ള കൂട്ടായ പരിശ്രമങ്ങള്‍ എക്‌സ്‌പോയില്‍ പ്രദര്‍ശിപ്പിക്കും. വിവിധ സംഘടനകള്‍ക്ക് പുറമെ 70ലധികം രാജ്യങ്ങള്‍ തങ്ങളുടെ പങ്കാളിത്തം സ്ഥിരീകരിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു. എക്‌സ്‌പോ 2024 മാര്‍ച്ച് 28 വരെയായി നീണ്ടുനില്‍ക്കും. അല്‍ ബിദ്ദ പാര്‍ക്കിനുള്ളിലെ 1,700,000 ചതുരശ്ര മീറ്ററിലാണ് വേദിയൊരുക്കുന്നത്. ആറ് മാസത്തെ ഹോര്‍ട്ടികള്‍ച്ചറല്‍ ഇവന്റ് ആണിത്.
5,300 രൂപയ്ക്ക് സൗദിയില്‍ നിന്ന് കേരളത്തിലെത്താം; ഓഫറുകളുമായി എയര്‍ ഇന്ത്യ എക്‌സ്പ്രസ്
എക്‌സ്‌പോ-2023ന്റെ വോളണ്ടിയര്‍ പ്രോഗ്രാമിനായി അപേക്ഷ സ്വീകരിച്ചുതുടങ്ങിയിട്ടുണ്ട്. നാലു ദിവസം കൊണ്ട് 40,000ത്തിലധികം പേര്‍ രജിസ്റ്റര്‍ ചെയ്തു. 2,200 വോളന്റിയര്‍മാരെയാണ് റിക്രൂട്ട് ചെയ്യുക. സന്നദ്ധസേവനം നടത്താന്‍ താല്‍പര്യമുള്ള വ്യക്തികള്‍ക്ക് എക്‌സ്‌പോ വെബ്‌സൈറ്റ് സന്ദര്‍ശിച്ച് ടെയ്ക് പാര്‍ട്ട് (പങ്കെടുക്കുക) ടാബിലേക്ക് പോയി ‘വോളണ്ടിയര്‍ പ്രോഗ്രാം’ വിഭാഗത്തിലേക്ക് നാവിഗേറ്റ് ചെയ്ത് അപേക്ഷ നല്‍കാം.
