മുഖത്തിന് തിളക്കം നല്‍കാന്‍ നാച്വറല്‍ ജാപ്പനീസ് ഫേസ്പായ്ക്ക്‌

​അരി​

​ഉരുളക്കിളങ്ങും​

ഉരുളക്കിളങ്ങും പൊതുവേ സൗന്ദര്യസംരക്ഷണത്തിന് മികച്ചതാണ്. ഇതിന് ബ്ലീച്ചിംഗ് ഇഫക്ടുണ്ട്. ഇതിനാല്‍ തന്നെ ചര്‍മത്തിന് നിറം നല്‍കാനും പിഗ്മെന്റേഷന്‍ പോലുള്ള പ്രശ്‌നങ്ങള്‍ക്കും ഇതേറെ ഗുണം നല്‍കുന്ന ഒന്നാണ്. കോണ്‍ഫ്‌ളോറും പലപ്പോഴും സൗന്ദര്യസംരക്ഷണത്തിനുള്ള പായ്ക്കുകളില്‍ ഉപയോഗിച്ച് വരുന്ന ഒന്നാണ്. ഇതില്‍ ചേര്‍ക്കുന്ന മില്‍ക് പൗഡറും പാലിന്റെ മുഴുവന്‍ ഗുണങ്ങള്‍ ലഭ്യമാക്കുന്നില്ലെങ്കിലും പല ഫേസ് പായ്ക്കുകളിലും ഉപയോഗിയ്ക്കുന്ന ഒന്നാണ്.

​വെളിച്ചെണ്ണ​

ഇതില്‍ ചേര്‍ക്കുന്ന വെളിച്ചെണ്ണ പരമ്പരാഗത കാലം മുഴുവന്‍ സൗന്ദര്യ, മുടി സംരക്ഷണത്തിന് ഉപയോഗിച്ച് പോരുന്ന ഒന്നാണ്. ഇതില്‍ ആരോഗ്യകരമായ കൊഴുപ്പുകളുണ്ട്. ചുളിവുകൾ ഇല്ലാതാക്കാനും ചർമ്മത്തിന് യുവത്വം നിലനിർത്താനും ഉതകുന്ന ഒന്നാണ് വെളിച്ചെണ്ണ. മുഖക്കുരു വരുന്നത് നിയന്ത്രിച്ചു നിർത്തുന്നതോടൊപ്പം ചർമ്മത്തിൽ ചുളിവുകൾ വരാനുള്ള സാധ്യത ഇത് കുറയ്ക്കുകയും ചെയ്യുന്നു.

​ഇത് തയ്യാറാക്കാന്‍ ​

ഇത് തയ്യാറാക്കാന്‍ അല്‍പം അരിയും ഉരുളക്കിഴങ്ങും ചേര്‍ത്ത് വേവിയ്ക്കുക. ഇതല്ലെങ്കില്‍ ചോറ് തയ്യാറാക്കിയതും വേവിച്ച ഉരുളക്കിഴങ്ങും ചേര്‍ത്തെടുക്കുക. ഇവ ഒരുമിച്ച് വേവിയ്ക്കുന്നതാണ് സത്ത് തീരെ പോകാതെ ലഭിയ്ക്കാന്‍ നല്ലത്. ഇവ തണുക്കുമ്പോള്‍ അരച്ചെടുക്കുക. അല്‍പം കോണ്‍ഫ്‌ളോര്‍ ഇതിലേയ്ക്ക് ചേര്‍ക്കാം. 4 ടേബില്‍ സ്പൂണ്‍ മിശ്രിതത്തിന് 1 ടേബിള്‍ സ്പൂണ്‍ കോണ്‍ഫ്‌ളോര്‍ മതിയാകും. ഇത് നല്ലത് പോലെ ഇളക്കിച്ചേര്‍ക്കണം. ഇതിലേയ്ക്ക് അല്‍പം പാല്‍പ്പൊടി കൂടി ചേര്‍ത്തിളക്കുക. പിന്നീട് അല്‍പം നല്ല ശുദ്ധമായ വെളിച്ചെണ്ണയും ചേര്‍ത്തിളക്കാം. ഇവയെല്ലാം ചേര്‍ത്തിളക്കിയ മിശ്രിതം മുഖത്ത് പുരട്ടാം 20 മിനിറ്റ് കഴിയുമ്പോള്‍ കഴുകാം.