പല തരം ചര്‍മങ്ങള്‍ക്ക്
പല തരം ചര്‍മങ്ങള്‍ക്ക് പലതരം പായ്ക്കാണ് ചേരുക. സാധാരണ ചര്‍മമെങ്കില്‍ തൈര് പുരട്ടി 20 മിനിട്ടിനു ശേഷം കഴുകി കളയണം. എണ്ണമയമുള്ള ചർമ്മക്കാർ നന്നായി പഴുത്ത പപ്പായ പുരട്ടി 15 മിനിട്ടിന് ശേഷം കഴുകുക. ഒലിവെണ്ണ ദിവസേന പുരട്ടുന്നത് ചർമ്മത്തിന്റെ മൊരിച്ചിൽ അകറ്റം. വരണ്ട ചർമ്മമുള്ളവർ സോപ്പിന് പകരം പയറുപൊടിയോ കടലമാവോ ഉപയോഗിക്കണം. ഓട്സ് തക്കാളിനീരും നാരങ്ങാനീരും ചേർത്ത് പുരട്ടുന്നത് നിറം വർദ്ധിക്കാനും ചർമ്മം മൃദുവാകാനും സഹായിക്കും. പച്ചമഞ്ഞളും കറിവേപ്പിലയും അരച്ച് പുരട്ടുന്നത് കറുത്തപാടുകൾ അകറ്റും.
മുടിയില്‍
മുടിയില്‍ ഓയില്‍ മസാജ് മുടിയ്ക്ക് ആരോഗ്യം നല്‍കുന്ന ഒന്നാണ്. തേങ്ങാപ്പാലും നാരങ്ങാനീരും യോജിപ്പിച്ച് പുരട്ടുന്നത് മുടികൊഴിച്ചിൽ അകറ്റും. മുട്ടയുടെ വെള്ളയും ചെറുനാരങ്ങാ നീരും യോജിപ്പിച്ച് പുരട്ടന്നതാരനകറ്റി മുടി സമൃദ്ധമായി വളരാൻ സഹായിക്കും. രണ്ടു ദിവസം കൂടുമ്പോൾ ചെമ്പരത്തി താളിയോ, പയറുപൊടിയോ, മൈൽഡ്ഷാമ്പുവോ ഉപയോഗിച്ച് മുടി വൃത്തിയാക്കുക.
കാല്‍പാദങ്ങള്‍
പലരുടേയും കാല്‍പാദങ്ങള്‍ വളരെ വൃത്തികേടായിരിയ്ക്കും.ഉറങ്ങുന്നതിന് മുൻപ് ദിവസവും പ്യമിക് സ്റ്റോൺ കൊണ്ട് വൃത്തിയാക്കിയ ശേഷം മോയ്സ്ചറൈസർ പുരട്ടി മസാജ് ചെയ്ത് സോക്സ് ധരിച്ച് കിടക്കുക. ഇത് പാദം മൃദുവാകാൻ സഹായിക്കും. തേനും ഗ്ലിസറിനും നാരങ്ങാനീരും യോജിപ്പിച്ച് ദിവസേന പുരട്ടുക. ചർമ്മം കട്ടിയായ ഭാഗങ്ങളിൽ നാരങ്ങാത്തോണ്ടിൽ പഞ്ചസാര വിതറി ഉരസുന്നത് ചർമ്മം മൃദുവാകാൻ സഹായിക്കും. വിണ്ടു കീറിയ കാല്‍പാദങ്ങളില്‍ വെളിച്ചെണ്ണയോ നെയ്യോ പുരട്ടാം. ഇതല്ലെങ്കില്‍ ആ ഭാഗത്ത് പുരട്ടാവുന്ന ഓയിന്റ്‌മെന്റുകള്‍ വാങ്ങി ഉപയോഗിയ്ക്കാം.
ചുളിവുകളും മടക്കുകളും
ചുളിവുകളും മടക്കുകളും ആദ്യം പ്രത്യക്ഷപ്പെട്ട് പ്രായം പെട്ടെന്ന് അറിയാനാകുന്നത് കഴുത്തിലാണ്. പലരുടേയും മുഖത്തു നോക്കിയാല്‍ പ്രായം തോന്നില്ലെങ്കിലും കഴുത്തില്‍ ചുളിവുകളും മടക്കുകളും വീണ് അഭംഗി തോന്നുന്നത് സാധാരണയാണ്. മുഖത്തിന് നൽകുന്ന പരിചരണമെല്ലാം കഴുത്തിനും നൽകാൻ പ്രത്യേകം ശ്രദ്ധിക്കണം. ദിവസേന മോയ്സ്ചറൈസർ പുരട്ടി മസാജ് ചെയ്യുന്നത് ചുളിവുകളെ തടയും.മുഖത്തു പുരട്ടുന്ന ലേപനങ്ങള്‍ കഴുത്തിലും പുരട്ടാം.
സ്ഥിരമായി വ്യായാമം ചെയ്യുന്നതും കഴുത്തിന് ഉപയോഗപ്രദമാണ്.
നഖത്തിന്റെ ഭംഗി
നഖത്തിന്റെ ഭംഗി പ്രധാനം തന്നെയാണ്. പലരുടേയും നഖം വല്ലാതെ അഴുക്കു പിടിച്ചും വിണ്ടു കീറിയും എല്ലാം ഇരിയ്ക്കുന്നത് പതിവാണ്. നഖം പൊട്ടിപ്പോകുന്നതായിരിയ്ക്കും ചിലരുടെ പ്രശ്‌നം. നാരങ്ങാത്തൊണ്ട് നഖത്തില്‍ മസാജ് ചെയ്യുന്നത് നല്ലതാണ്. തേനും ബദാം എണ്ണയും ചേർന്ന മിശ്രിതത്തിൽ കൈകൾ മുക്കി വയ്ക്കുന്നത് നഖങ്ങൾ ആരോഗ്യത്തോടെയിരിക്കാൻ സഹായിക്കും. വെളിച്ചെണ്ണ കൊണ്ട് നഖങ്ങള്‍ മസാജ് ചെയ്യാം. സ്ഥിരമായി നെയിൽ പോളിഷ്, റിമൂവർ എന്നിവ ഉപയോഗിക്കരുത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : basic tips for overall beauty
Malayalam News from malayalam.samayam.com, TIL Network
