ഇഖാമ കാലാവധി കഴിഞ്ഞതിനാല്‍ നാട്ടിലേക്ക് മടങ്ങാനും സാധിച്ചിരുന്നില്ല. റിയാദ് ആസ്ഥാനമായ കമ്പനിക്ക് കീഴില്‍ ത്വാഇഫില്‍ മെയിന്റനന്‍സ് വിഭാഗത്തിലായിരുന്നു ജോലിചെയ്തിരുന്നത്. ഇപ്പോള്‍ പ്രവര്‍ത്തനം നിലച്ച ത്വാഇഫിലെ യു.എസ് മിലിട്ടറി ക്യാംപുമായി ബന്ധപ്പെട്ട് മെയിന്റനന്‍സ് മേഖലയിലായിരുന്നു കമ്പനിയുടെ ആദ്യകാല പ്രവര്‍ത്തനം.
കട്ടപ്പനയിൽ ഭീതി പടർത്തിയത് പൂച്ചപ്പുലി!
കമ്പനി ഉടമസ്ഥരായ സൗദി സഹോദരങ്ങള്‍ തമ്മിലുള്ള തര്‍ക്കം കാരണം സ്ഥാപനത്തിന്റെ രേഖകള്‍ ശരിയാക്കാത്തതിനാല്‍ സൗദി നിയമപ്രകാരം അഞ്ചു വര്‍ഷമായി ചുവപ്പ് കാറ്റഗറിയില്‍ പെട്ടതിനാലാണ് കറുപ്പയ്യക്ക് ഇഖാമ പുതുക്കാന്‍ സാധിക്കാതെ വന്നത്. എന്നാല്‍ കറുപ്പയ്യക്ക് കമ്പനിയില്‍ നിന്ന് വേതനം കൃത്യമായി ലഭിച്ചിരുന്നു.
ഒന്നര മാസമായി മൂത്രസഞ്ചിയിലെ കല്ല് കാരണം അവശതയിലായിരുന്നു. ത്വാഇഫിലെ കിങ് ഫൈസല്‍ ആശുപത്രിയില്‍ ഒരാഴ്ച അഡ്മിറ്റാവുകയും ചെയ്തു. ഇഖാമ ഇല്ലാത്തതിനാല്‍ തുടര്‍ ചികില്‍സ അസാധ്യമായി. ശരീരം ക്ഷീണിച്ച് ജോലി ചെയ്യാന്‍ പറ്റാതായതോടെ എമര്‍ജന്‍സി പാസ്‌പോര്‍ട്ടിന് അപേക്ഷിച്ചു.
ഇന്ത്യക്കാരുടെ പാസ്‌പോര്‍ട്ട്, അറ്റസ്റ്റേഷന്‍ സേവനങ്ങള്‍ക്കായി യുഎഇയിലുടനീളം ഓഫിസുകള്‍ തുറക്കുന്നു; വീട്ടിലെത്തിയും സേവനം
ഇദ്ദേഹത്തിന്റെ ജീവിതദുരിതങ്ങളെ കുറിച്ച് അറിഞ്ഞ സൗദിയിലെ ജീവകാരുണ്യ പ്രവര്‍ത്തകന്‍ ഐവ വെല്‍ഫെയര്‍ വിങ്, ന്യൂ ഏജ് ഇന്ത്യ ഫോറം അംഗവുമായ ലിയാഖത്ത് കോട്ടയാണ് വിഷയം ഇന്ത്യന്‍ എംബസിയുടെ ശ്രദ്ധയില്‍പെടുത്തി നാട്ടിലേക്ക് മടങ്ങുന്നതിന് ആവശ്യമായ സഹായങ്ങള്‍ നല്‍കിയത്. എംബസിയുടെ സഹായത്തോടെ സൗദി ലേബര്‍ ഓഫിസില്‍ നിന്നും നാട്ടിലേക്ക് മടങ്ങാന്‍ എന്‍.ഒ.സി ലഭിച്ചു. കമ്പനി ആസ്ഥാനം റിയാദില്‍ ആയതിനാലാണ് റിയാദ് എംബസിയെ സമീപിക്കേണ്ടി വന്നത്.
സൗദിയില്‍ ടാക്‌സി യാത്രയ്ക്കിടെ ഭക്ഷണം കഴിച്ചാല്‍ 200 റിയാല്‍ പിഴശിക്ഷ
തുടര്‍ന്ന് ജിദ്ദ കോണ്‍സുലേറ്റിന്റെ സഹായത്തോടെ ജവാസാത്തില്‍ നിന്ന് ഫൈനല്‍ എക്‌സിറ്റ് ഉള്‍പ്പെടെയുള്ള നടപടികള്‍ പൂര്‍ത്തിയാക്കുകയായിരുന്നു. ഇന്നലെ വൈകുന്നേരം മൂന്നു മണിക്ക് ത്വാഇഫില്‍ നിന്ന് ഷാര്‍ജ വഴി യാത്രതിരിച്ച കറുപ്പയ്യ ചെന്നൈയില്‍ വിമാനമിറങ്ങിയതായി ലിയാഖത്ത് കോട്ട സമയം മലയാളത്തോട് പറഞ്ഞു.
റിയാദ് എംബസിയുമായി ബന്ധപ്പെട്ട പ്രവര്‍ത്തനങ്ങള്‍ക്ക് ഇബ്രാഹീം കരീം, അബ്ബാസ് ചെങ്ങണി എന്നിവരും ജിദ്ദയില്‍ നിന്നുള്ള ഫൈനല്‍ എക്‌സിറ്റിനായി പന്തളം ഷാജി, വിജയന്‍ നെല്ലനാട്, ഷിബിന്‍ കെ സെബാസ്റ്റ്യന്‍ എന്നിവരും സഹായങ്ങള്‍ നല്‍കി. സഹായവുമായി കൂടെ നിന്ന അബ്ദുല്‍ ഖാദര്‍, ഡോവിസ്, അലി പട്ടാമ്പി, സലാഹ് കാരാടന്‍ എന്നിവര്‍ക്കും നന്ദിപറഞ്ഞാണ് കറുപ്പയ്യ വിമാനം കയറിയത്.
