ഷിയാ പുരോഹിതന്‍ നിമര്‍ അല്‍ നിമറിനെ റിയാദ് വധിച്ചതിനെതിരായ പ്രതിഷേധത്തിനിടെ ഇറാനിലെ സൗദി നയതന്ത്ര കാര്യാലയങ്ങള്‍ ആക്രമിക്കപ്പെട്ടതിനെത്തുടര്‍ന്ന് 2016ലാണ് ഇരുരാജ്യങ്ങളും ബന്ധം വിച്ഛേദിച്ചത്. സൗദി അറേബ്യയുടെ ടെഹ്‌റാന്‍ എംബസിയുടെ പ്രവര്‍ത്തനം പുനരാരംഭിച്ചതായി ഇറാനിലെ സ്റ്റേറ്റ് മീഡിയ കഴിഞ്ഞ ദിവസം റിപ്പോര്‍ട്ട് ചെയ്തു.
കട്ടപ്പനയിൽ ഭീതി പടർത്തിയത് പൂച്ചപ്പുലി!
മാര്‍ച്ചില്‍ പ്രഖ്യാപിച്ച ചൈനയുടെ മധ്യസ്ഥതയിലുള്ള കരാറിനെത്തുടര്‍ന്നാണ് ഇറാനും സൗദി അറേബ്യയും നയതന്ത്രബന്ധം പുനരാരംഭിക്കാനും അതത് എംബസികള്‍ വീണ്ടും തുറക്കാനും സമ്മതിച്ചത്.
കഴിഞ്ഞ ഞായറാഴ്ച മുതല്‍ ഇറാനിലെ സൗദി അറേബ്യയുടെ എംബസി ഔദ്യോഗികമായി പ്രവര്‍ത്തനങ്ങള്‍ ആരംഭിച്ചതായി ഇറാന്‍ വിദേശകാര്യ മന്ത്രാലയത്തിലെ ഉദ്യോഗസ്ഥരെ ഉദ്ധരിച്ച് ഔദ്യോഗിക വാര്‍ത്താ ഏജന്‍സി ഇര്‍ന (ഐആര്‍എന്‍എ) റിപ്പോര്‍ട്ട് ചെയ്തു. എന്നാല്‍ ഇതുസംബന്ധിച്ച് റിയാദില്‍ നിന്ന് ഔദ്യോഗിക സ്ഥിരീകരണം ഉണ്ടായിട്ടില്ല.
ഇന്ത്യക്കാരുടെ പാസ്‌പോര്‍ട്ട്, അറ്റസ്റ്റേഷന്‍ സേവനങ്ങള്‍ക്കായി യുഎഇയിലുടനീളം ഓഫിസുകള്‍ തുറക്കുന്നു; വീട്ടിലെത്തിയും സേവനം
കഴിഞ്ഞ ജൂണില്‍ റിയാദിലെ ഇറാന്റെ എംബസി വീണ്ടും തുറന്നിരുന്നു. 2016ലെ പ്രതിഷേധത്തിനിടെ തെഹ്‌റാനിലെ സൗദി എംബസി കെട്ടിടം തകര്‍ന്നത് കാരണമാണ് വീണ്ടും തുറക്കാന്‍ വൈകുന്നതിന് കാരണമെന്ന് ഇറാനിയന്‍ മാധ്യമങ്ങള്‍ നേരത്തേ വെളിപ്പെടുത്തിയിരുന്നു. നവീകരണ ജോലികള്‍ പൂര്‍ത്തിയാകുന്നതുവരെ സൗദി നയതന്ത്ര ഉദ്യോഗസ്ഥര്‍ ഇറാന്റെ തലസ്ഥാനത്തെ ഒരു ആഡംബര ഹോട്ടലില്‍ നിന്ന് ജോലി ചെയ്യുമെന്ന് റിപ്പോര്‍ട്ടുകളുണ്ടായിരുന്നു.
കഴിഞ്ഞ മാര്‍ച്ചില്‍ ചൈനയുടെ മധ്യസ്ഥതയിലുണ്ടാക്കിയ കരാറിനു പിന്നാലെ സൗദി അറേബ്യ ഇറാന്റെ സഖ്യകക്ഷിയായ സിറിയയുമായുള്ള ബന്ധം പുനഃസ്ഥാപിച്ചിരുന്നു. യെമനില്‍ സമാധാനത്തിനുള്ള ശ്രമങ്ങള്‍ വര്‍ധിപ്പിക്കുകയും ചെയ്തു. യെമനില്‍ ഇറാന്‍ പിന്തുണയുള്ള ഹൂതി സേനയ്‌ക്കെതിരെ വര്‍ഷങ്ങളായി സൗദിയുടെ നേതൃത്വത്തിലുള്ള സൈനിക സഖ്യം ആക്രമണങ്ങള്‍ക്ക് നേതൃത്വം നല്‍കുകയുണ്ടായി,
സൗദിയില്‍ ടാക്‌സി യാത്രയ്ക്കിടെ ഭക്ഷണം കഴിച്ചാല്‍ 200 റിയാല്‍ പിഴശിക്ഷ
പശ്ചിമേഷ്യയില്‍ വര്‍ഷങ്ങളായി ഇറാനും സൗദി അറേബ്യയും രാഷ്ട്രീയ സംഘര്‍ഷ മേഖലകളില്‍ വിരുദ്ധചേരിയില്‍ നിലയുറപ്പിക്കുകയും എതിര്‍കക്ഷികളെ പിന്തുണയ്ക്കുകയും ചെയ്യുകയാണ്. സമുദ്രാതിര്‍ത്തിയിലെ അല്‍ ദുര്‍റ വാതകപ്പാടത്തിന്റെ ഉടമസ്ഥാവകാശത്തെച്ചൊല്ലി ഇറാന്‍ സൗദി അറേബ്യയുമായും കുവൈത്തുമായും ഭിന്നത തുടരുന്നതിനിടെയാണ് നയതന്ത്ര കാര്യാലയങ്ങള്‍ വീണ്ടും പ്രവര്‍ത്തനസജ്ജമാവുന്നത്.
ഇറാന്റെ പുതിയ അംബാസഡര്‍ കഴിഞ്ഞയാഴ്ച കുവൈറ്റില്‍ ചുമതലയേറ്റിരുന്നു. പുതിയ അംബാസഡര്‍ മുഹമ്മദ് ടോട്ടോഞ്ചിയെ കുവൈറ്റ് വിദേശകാര്യ മന്ത്രി ഷെയ്ഖ് സാലിം അബ്ദുല്ല അല്‍ സബാഹ് സ്വീകരിക്കുകയും കൂടിക്കാഴ്ച നടത്തുകയും ചെയ്തു. അല്‍ ദുര്‍റ വാതകപ്പാടം സംബന്ധിച്ച് ചര്‍ച്ചകള്‍ നടത്തുന്നതിന് കുവൈറ്റ് വിദേശകാര്യ മന്ത്രിയെ അംബാസഡര്‍ തെഹ്‌റാനിലേക്ക് ക്ഷണിക്കുകയും ചെയ്തിരുന്നു. കടല്‍ത്തീരത്തുള്ള ഗ്യാസ് ഫീല്‍ഡിനെ ചൊല്ലിയുള്ള തര്‍ക്കം സൗദി അറേബ്യ, കുവൈറ്റ്, ഇറാന്‍ എന്നീ രാജ്യങ്ങള്‍ തമ്മിലുള്ള പ്രകോപന പ്രസ്താവനകള്‍ക്ക് ഹേതുവായിരുന്നു. സൗദിക്കും കുവൈറ്റിനും മാത്രം അവകാശപ്പെട്ടതാണ് ഈ പാടമെന്ന് ഇരു രാജ്യങ്ങളും പറയുമ്പോള്‍ ഇറാന്‍ ഉടമസ്ഥാവകാശം ഉന്നയിക്കുന്നത് തുടരുകയാണ്.
