Samayam Malayalam | Updated: 12 Aug 2023, 12:00 pm
ഷെയ്ഖ് ഖലീഫ ബിന്‍ സായിദ് സ്ട്രീറ്റിലെ അല്‍നൈമിയ ഏരിയയിലെ 15 നില കെട്ടിടത്തിലാണ് തീപ്പിടിത്തം. ആളപായമില്ലെങ്കിലും 16 ഫ്‌ലാറ്റുകളിലെ സാധനസാമഗ്രികള്‍ കത്തിനശിച്ചു. 13 കാറുകളിലേക്കും തീ പടര്‍ന്നു.
ഹൈലൈറ്റ്:
- അഗ്നിബാധയുണ്ടായത് 15 നില കെട്ടിടത്തില്‍
- സാധനസാമഗ്രികള്‍ പൂര്‍ണമായും കത്തിനശിച്ചു
- 13 കാറുകളിലേക്കും തീ പടര്‍ന്നു
ഷെയ്ഖ് ഖലീഫ ബിന്‍ സായിദ് സ്ട്രീറ്റിലെ അല്‍നൈമിയ ഏരിയയിലെ 15 നിലകളുള്ള റെസിഡന്‍ഷ്യല്‍ കെട്ടിടത്തില്‍ വെള്ളിയാഴ്ച ഉച്ചയോടെയാണ് തീ പടര്‍ന്നത്. ആളപായമില്ലെങ്കിലും 16 ഫഌറ്റുകളിലെ ഫര്‍ണിച്ചറുകള്‍ ഉള്‍പ്പെടെയുള്ള സാധനസാമഗ്രികള്‍ പൂര്‍ണമായും കത്തിനശിച്ചു. കെട്ടിടത്തില്‍ പാര്‍ക്ക് ചെയ്തിരുന്ന 13 കാറുകളിലേക്കും തീ പടര്‍ന്നു.
സ്ഥലംവാങ്ങാന്‍ പ്ലാനുണ്ടോ? ദുബായിലായിക്കോട്ടെ. പലതുണ്ട് നേട്ടങ്ങള്‍
സംഭവസ്ഥലത്ത് കുതിച്ചെത്തിയ സിവില്‍ ഡിഫന്‍സ് ഉദ്യോഗസ്ഥര്‍ താമസക്കാരെ പൂര്‍ണമായും ഒഴിപ്പിച്ച ശേഷം തീയണയ്ക്കുകയായിരുന്നു. കെട്ടിടത്തില്‍ കൂളിങ് പ്രക്രിയ നടത്തിവരുന്നതായും അഗ്‌നിബാധയുടെ കാരണം അന്വേഷിക്കുന്നതായും സിവില്‍ ഡിഫന്‍സ് ഓപറേഷന്‍സ് ഡയറക്ടര്‍ ജനറല്‍ മേജര്‍ അബ്ദുല്ല സെയ്ഫ് അല്‍ മത്രൂഷി ഫറഞ്ഞു.
ദുബായ് മഹ്‌സൂസ് നറുക്കെടുപ്പില്‍ ഇന്ത്യന്‍ ചുമട്ടുതൊഴിലാളി വെങ്കട്ടയ്ക്ക് 2.25 കോടി രൂപ സമ്മാനം
റെസിഡന്‍ഷ്യല്‍ കെട്ടിടങ്ങളില്‍ താമസിക്കുന്നവര്‍ തീപിടുത്തത്തിന് കാരണമാകുന്ന എല്ലാ കാര്യങ്ങളിലും ജാഗ്രത പാലിക്കണമെന്ന് മേജര്‍ അബ്ദുല്ല സെയ്ഫ് കെട്ടിട ഉടമകളോടും താമസക്കാരോടും അഭ്യര്‍ത്ഥിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
