​മുടി നരയ്ക്കാതിരിക്കാന്‍ ഈ പോഷകങ്ങള്‍ ശരീരത്തില്‍ വേണം

മുടി നരയ്ക്കുന്നതിന് പിന്നില്‍ പല കാരണങ്ങളുണ്ട്. അമിതമായി സൂര്യ പ്രകാശം ഏല്‍ക്കുന്നത് മുതല്‍ നമ്മളുടെ ആഹാരശീലങ്ങള്‍ വരെ മുടി വേഗത്തില്‍ നരയ്ക്കുന്നതിന് കാരണമാണ്.

മുടിയ്ക്ക് നല്ല നിറം വേണമെങ്കില്‍ ശരീരത്തില്‍ മെലാനിന്‍ ഉണടായിരിക്കണം. ഇതിന് നല്ല പോഷകങ്ങള്‍ അടങ്ങിയ ആഹാരങ്ങള്‍ കഴിക്കുക തന്നെ വേണം. ഇത്തരം പോഷകങ്ങള്‍ ഏതെല്ലാമെന്ന് നോക്കാം.

മുടി നരയക്കാതിരിക്കാന്‍ ഫോളിക് ആസിഡ് അടങ്ങിയ ആഹാരങ്ങള്‍ കഴിക്കാവുന്നതാണ്. ഇതിനായി ചീര, ഉലുവ, കടുക്, ബീന്‍സ്, ബദാം, കപ്പലണ്ടി, ഓറഞ്ച്, മുന്തിരി, നാരങ്ങ എന്നിവ നിങ്ങളുടെ ഡയറ്റില്‍ ഉള്‍പ്പെടുത്താവുന്നതാണ്.

ഇത് മെലാനിന്‍ വര്‍ദ്ധിപ്പിക്കാന്‍ സഹായിക്കുന്നതാണ്. ഇത് മുടിയുടെ നിറം നിലനിര്‍ത്താന്‍ സഹായിക്കുന്നു. ഇതിനായി മുട്ടയുടെ മഞ്ഞ, കൂണ്‍ എന്നിവ അടങ്ങിയ ആഹാരങ്ങള്‍ കഴിക്കാവുന്നതാണ്.

നല്ലപോലെ കോപ്പര്‍ അടങ്ങിയ ആഹാരങ്ങള്‍ കഴിക്കുന്നത് നല്ലതാണ്. ഇതും മുടിയ്ക്ക് നല്ല നിറം നല്‍കാന്‍ സഹായിക്കും. ഇതിനായി എള്ള്, കശുവണ്ടി, ബദാം, റെഡ് മീറ്റ്, കായല്‍ മത്സ്യങ്ങള്‍ എന്നിവ കഴിക്കാവുന്നതാണ്.

തലയോട്ടി നല്ല ഹെല്‍ത്തിയായി നിലനിര്‍ത്തുന്നതിനും അതുപോലെ തന്നെ മുടിയുടെ നിറവ്യത്യാസം തടയുന്നതിനും സിങ്ക് സഹായിക്കുന്നുണ്ട്. ഇതിനായി നിങ്ങള്‍ക്ക് സിങ്ക് അടങ്ങിയ മത്തങ്ങയുടെ വിത്ത്, സണ്‍ഫ്‌ലവര്‍ സീഡ്‌സ്, തണ്ണിമത്തന്റെ കുരു, എള്ള്, പിസ്ത എന്നിവയെല്ലാം നിങ്ങളുടെ ഡയറ്റില്‍ ചേര്‍ക്കാവുന്നവയാണ്.