പ്രതിയുടെ അക്കൗണ്ട് നേരത്തേ തന്നെ കണ്ടെത്തുകയും മരവിപ്പിക്കുകയും ചെയ്തിരുന്നു. തട്ടിപ്പുകാരന്‍ ആദ്യം ഒന്നിലധികം ബാങ്കുകളിലേക്ക് പണം ട്രാന്‍സ്ഫര്‍ ചെയ്യുകയും പിന്നീട് മഹാരാഷ്ട്രയിലെ ഒരു സ്വകാര്യ ബാങ്കിലെ അക്കൗണ്ടിലേക്ക് മാറ്റുകയും ചെയ്തതായി തെളിഞ്ഞതിനെ തുടര്‍ന്നായിരുന്നു നടപടി. ഒളിവില്‍ കഴിയുന്ന പ്രതിയെ കണ്ടെത്താന്‍ ഗുജറാത്തിനു പുറത്തേക്കും അന്വേഷണം വ്യാപിപ്പിച്ചിട്ടുണ്ട്. മഹാരാഷ്ട്ര, ഗോവ എന്നിവിടങ്ങളിലാണ് അന്വേഷിക്കുന്നത്. ഇയാള്‍ ഇവിടെയൊക്ക സന്ദര്‍ശനം നടത്തിയതായി കണ്ടെത്തിയിട്ടുണ്ട്.
Tribes In Wayanad: ആദിവാസികളെ കാണാതാകുന്നു, സമഗ്ര അന്വേഷണം ആവശ്യപ്പെട്ട് എപിസിആര്‍
മുന്‍ അസിസ്റ്റന്റ് പബ്ലിക് പ്രോസിക്യൂട്ടറുടെ മകനാണ് പ്രതി. ബികോം ബിരുദധാരിയായ പ്രതി ഓണ്‍ലൈന്‍ ചൂതാട്ടത്തിന് അടിമയാണ്. ഓപണ്‍ മാര്‍ക്കറ്റില്‍ സൗജന്യമായി ലഭ്യമായ ടൂളുകളും സാങ്കേതികവിദ്യകളുമാണ് പ്രതി ഉപയോഗിച്ചതെന്നും കണ്ടെത്തി. പ്രതി ഇരയെ കണ്ടെത്താനും ഇരയുടെ വിശദാംശങ്ങള്‍ അറിയാനും ഏറെ സമയം ചെലവഴിച്ചിരുന്നു. വ്യാജ സിം ഉപയോഗിച്ചാണ് വാട്‌സ്ആപ് കോള്‍ ചെയ്തതെന്നും കണ്ടെത്തി.
ആര്‍ട്ടിഫിഷ്യല്‍ ഇന്റലിജന്‍സും മെഷീന്‍ ലേണിംഗ് അല്‍ഗോരിതങ്ങളും ഉപയോഗപ്പെടുത്തി ആളുകളുടെ ഇമേജുകള്‍, ഓഡിയോ, റെക്കോര്‍ഡിംഗുകള്‍ എന്നിവ ഉപയോഗിച്ച് അവരുടെ പേരില്‍ വ്യാജ വീഡിയോ, ഓഡിയോ സന്ദേശങ്ങള്‍ സൃഷ്ടിക്കുന്നതാണ് ഡീപ്‌ഫേക്ക്. ഇന്ത്യയില്‍ നിന്ന് വിരമിച്ച കോഴിക്കോട് പാലാഴി സ്വദേശി പിഎസ് രാധാകൃഷ്ണന്‍ ആണ് തട്ടിപ്പിന് ഇരയായത്.
സ്ഥലംവാങ്ങാന്‍ പ്ലാനുണ്ടോ? ദുബായിലായിക്കോട്ടെ. പലതുണ്ട് നേട്ടങ്ങള്‍
മുമ്പ് കൂടെ ജോലി ചെയ്തിരുന്ന, 40 വര്‍ഷത്തിലേറെയായി അറിയാവുന്ന രാധാകൃഷ്ണന്റെ സുഹൃത്താണെന്ന വ്യാജേനെയാണ് തട്ടിപ്പ് നടത്തിയത്. രാധാകൃഷ്ണന്റെ സുഹൃത്തിന്റെ രൂപത്തില്‍ വാട്‌സ്ആപ് ഓഡിയോ, വീഡിയോ കോളുകള്‍ ചെയ്യുകയായിരുന്നു. ദുബായ് വിമാനത്താവളത്തില്‍ നിന്നാണ് വിളിക്കുന്നതെന്നും ഗുരുതരാവസ്ഥയിലുള്ള ഇന്ത്യയിലെ സഹോദരിയുടെ അടിയന്തര ചികില്‍സയ്ക്ക് പണം വേണമെന്നും ആവശ്യപ്പെട്ടു. സുഹൃത്തിന്റെ മുഖംകാണുകയും വിശേഷങ്ങള്‍ പങ്കുവയ്ക്കുകയും ചെയ്തതിനാല്‍ സംശയിക്കാതെ പണം നല്‍കുകയായിരുന്നു. ‘ഡിജിറ്റല്‍ കോപ്പി’യോടാണ് സംസാരിച്ചതെന്ന് അറിയാതെ ഗൂഗ്ള്‍ പേ വഴി 40,000 രൂപയാണ് നല്‍കിയത്.
ദുബായ് മഹ്‌സൂസ് നറുക്കെടുപ്പില്‍ ഇന്ത്യന്‍ ചുമട്ടുതൊഴിലാളി വെങ്കട്ടയ്ക്ക് 2.25 കോടി രൂപ സമ്മാനം
ഇത് കിട്ടിയ ഉടന്‍ വീണ്ടും പണം ചോദിച്ച് സുഹൃത്തിന്റെ വ്യാജ ചിത്രം ഉപയോഗിച്ച് തട്ടിപ്പുകാരന്‍ വീണ്ടും രംഗത്തെത്തിയതോടെ സംശയംതോന്നി തിരിച്ചുവിളിച്ചപ്പോഴാണ് കബളിപ്പിക്കപ്പെട്ടതായി വ്യക്തമായത്. ഫോണിന്റെ സ്‌ക്രീനില്‍ സുഹൃത്തിന്റെ മുഖം കാണുക പോലും ചെയ്തതായി 73 കാരന്‍ പറയുന്നു.
കോഴിക്കോട്ടെ റിട്ടയേര്‍ഡ് ജീവിതം എങ്ങനെയാണെന്നും ഹരിയാനയിലെ ഗുഡ്ഗാവില്‍ നിന്ന് അടുത്തിടെ സിംഗപ്പൂരിലേക്ക് മാറിയ മകളുടെ വിശേഷം വരെ ചോദിച്ചെന്നും അദ്ദേഹം വെളിപ്പെടുത്തി. ഇപ്പോള്‍ ഇന്ത്യയുടെ വിവിധ ഭാഗങ്ങളില്‍ സ്ഥിരതാമസമാക്കിയ കോള്‍ ഇന്ത്യയിലെയും മറ്റും ഞങ്ങളുടെ എല്ലാ സുഹൃത്തുക്കളെക്കുറിച്ചും തട്ടിപ്പുകാരന്‍ ദീര്‍ഘമായി സംസാരിച്ചെന്നും അദ്ദേഹം പരാതിയില്‍ ചൂണ്ടിക്കാട്ടിയിരുന്നു. രണ്ടാമതും പണം ചോദിച്ചപ്പോഴുണ്ടായ സംശയം തീര്‍ക്കാന്‍ മുമ്പ് സേവ് ചെയ്്തുവച്ചിരുന്ന സുഹൃത്തിന്റെ നമ്പറില്‍ വിളിച്ചപ്പോഴാണ് തട്ടിപ്പിന്റെ ചുരുളഴിഞ്ഞത്.
