അഭിഭാഷകന്റെ പ്രൊഫഷന്റെ നൈതികതയ്ക്ക് നിരക്കാത്തതും പെരുമാറ്റം സംബന്ധിച്ച മാര്‍ഗനിര്‍ദേശങ്ങള്‍ നഗ്‌നമായി ലംഘിക്കുന്നതുമായ പ്രവര്‍ത്തിയാണെന്ന് കണ്ടെത്തിയതിനെ തുടര്‍ന്നാണ് നടപടി. അഭിഭാഷകവൃത്തിയുമായി ബന്ധപ്പെട്ട് സമൂഹത്തോടുള്ള ഉത്തരവാദിത്തം നിറവേറ്റുന്നതിലും ധാര്‍മ്മിക, സാംസ്‌കാരിക മാനദണ്ഡങ്ങള്‍ പാലിക്കുന്നതിലും ഗുരുതര വീഴ്ചയുണ്ടായി. സല്‍പ്പേര് ഉള്ളയാള്‍ ആയിരിക്കണമെന്ന് അഭിഭാഷകനായി പ്രാക്റ്റീസ് ചെയ്യുന്നതിനുള്ള മാനദണ്ഡങ്ങളില്‍ കൃത്യമായി നിര്‍വചിക്കുന്നുണ്ട്.
Tribes In Wayanad: ആദിവാസികളെ കാണാതാകുന്നു, സമഗ്ര അന്വേഷണം ആവശ്യപ്പെട്ട് എപിസിആര്‍
ഇതു കൂടാതെ, ലോയേഴ്‌സ് ഡിസിപ്ലിനറി കൗണ്‍സിലിന്റെ ശിക്ഷാ നടപടികളിലേക്ക് നയിച്ച ആരോപണങ്ങള്‍ ക്രിമിനല്‍ വിധിന്യായത്തിനും വിധേയമാക്കിയിരുന്നു. തന്റെ ഡ്യൂട്ടിക്കിടെ ഒരു ജീവനക്കാരനെ ശാരീരികമായി ആക്രമിക്കുകയും വാക്കാല്‍ അധിക്ഷേപിക്കുകയും ഭീഷണിപ്പെടുത്തുകയും ചെയ്തുവെന്നാണ് കണ്ടെത്തിയിരുന്നത്. പരാതിയും പ്രതിഭാഗത്തിന്റെ മൊഴിയും ഉള്‍പ്പെടെ ബന്ധപ്പെട്ട രേഖകള്‍ പരിശോധിച്ചതില്‍ നിന്ന് ഇദ്ദേഹം കുറ്റക്കാരനാണെന്ന് തെളിഞ്ഞതിന്റെ അടിസ്ഥാനത്തിലാണ് ശിക്ഷിക്കപ്പെട്ടതെന്നും ലോയേഴ്‌സ് ഡിസിപ്ലിനറി കൗണ്‍സില്‍ കണ്ടെത്തി.
സ്ഥലംവാങ്ങാന്‍ പ്ലാനുണ്ടോ? ദുബായിലായിക്കോട്ടെ. പലതുണ്ട് നേട്ടങ്ങള്‍
ഇത് അഭിഭാഷകന്റെ പെരുമാറ്റച്ചട്ടത്തിന്റെയും പ്രൊഫഷണല്‍ നൈതികതയുടെയും ലംഘനമാണ്. 2022 ലെ യുഎഇ ഫെഡറല്‍ ഉത്തരവ് നമ്പര്‍ (34)ലെ ‘അഡ്വക്കസി, ലീഗല്‍ കണ്‍സള്‍ട്ടന്‍സി പ്രൊഫഷന്‍ എന്നിവയുടെ നിയന്ത്രണം’ സംബന്ധിച്ച ആര്‍ട്ടിക്കിള്‍ നമ്പര്‍ (4 & 5) പ്രകാരം അഭിഭാഷകരുടെ പട്ടികയില്‍ രജിസ്‌ട്രേഷന്‍ ലഭിക്കുന്നതിനും അത് തുടര്‍ന്നു കൊണ്ടുപോകുന്നതിനും സല്‍പ്പേര് ഉണ്ടാവണമെന്നത് നിര്‍ബന്ധ വ്യവസ്ഥയാണ്. വക്കീല്‍ തൊഴില്‍ ഒരു സ്വതന്ത്ര തൊഴിലാണെങ്കിലും നീതിയുടെ ദൗത്യം കൈവരിക്കാനും നിയമവാഴ്ച ഉറപ്പാക്കാനും ജുഡീഷ്യറിയെ സഹായിക്കുന്ന ഉത്തരവാദപ്പെട്ട ജോലിയാണെന്നും ഈ നിയമത്തില്‍ പറയുന്നു. പ്രൊഫഷണല്‍ ജീവിതത്തിലും വ്യക്തി ജീവിതത്തിലും ധാര്‍മിക തത്വങ്ങളും മൂല്യങ്ങളും പാലിക്കാന്‍ ബാധ്യതയുണ്ട്. അച്ചടക്ക ലംഘനം ഉള്‍പ്പെട്ട കുറ്റത്തിന് കോടതി ശിക്ഷിച്ച വ്യക്തിയായിരിക്കരുതെന്നും നിയമത്തില്‍ വ്യവസ്ഥയുണ്ട്.
ദുബായ് മഹ്‌സൂസ് നറുക്കെടുപ്പില്‍ ഇന്ത്യന്‍ ചുമട്ടുതൊഴിലാളി വെങ്കട്ടയ്ക്ക് 2.25 കോടി രൂപ സമ്മാനം
തന്റെ കക്ഷി ജയിച്ചെന്ന് തെറ്റായി സ്ഥാപിക്കാന്‍ വീഡിയോ പങ്കിട്ട അഭിഭാഷകയ്‌ക്കെതിരെ യുഎഇ പബ്ലിക് പ്രോസിക്യൂഷന്‍ ഏതാനും ദിവസം മുമ്പ് നടപടി സ്വീകരിച്ചിരുന്നു. കേസ് നടപടികളുടെ വീഡിയോ പോസ്റ്റ് ചെയ്തതിന് അഭിഭാഷകയെ അബുദാബി പ്രോസിക്യൂഷന്‍ കോടതിയിലേക്ക് വിളിപ്പിക്കുകയും ചെയ്തു. കേസ് വിവരങ്ങള്‍ കെട്ടിച്ചമച്ചതിനും കിംവദന്തികള്‍ പ്രചരിപ്പിച്ചതിനുമാണ് നടപടി. പിതാവ് അപമാനിച്ചെന്ന് കാണിച്ച് മകന്‍ നല്‍കിയ പരാതിയില്‍ തന്റെ കക്ഷിക്കാരനായ മകന്‍ വിജയിച്ചുവെന്ന് സ്ഥാപിക്കാനാണ് അഭിഭാഷക വീഡിയോ പോസ്റ്റ് ചെയ്തത്. കേസില്‍ പിതാവിനെ കോടതി ശിക്ഷിച്ചതായി അവര്‍ അവകാശപ്പെട്ടിരുന്നു. എന്നാല്‍ വീഡിയോയില്‍ പറയുന്ന വിവരങ്ങള്‍ തെറ്റാണെന്ന് അധികൃതര്‍ വ്യക്തമാക്കി.
അബുദാബി ജുഡീഷ്യല്‍ ഡിപ്പാര്‍ട്ട്‌മെന്റിന്റെ (എഡിജെഡി) ലോയേഴ്‌സ് ഡിസിപ്ലിനറി ബോര്‍ഡ് കഴിഞ്ഞ മാസം ഒരു അഭിഭാഷകന്റെ ലൈസന്‍സ് ആറ് മാസത്തേക്ക് സസ്‌പെന്‍ഡ് ചെയ്തിരുന്നു. 500,000 ദിര്‍ഹത്തിന് മുകളിലുള്ള പണ ക്ലെയിം സംബന്ധിച്ച കേസില്‍ തന്റെ കക്ഷിയുടെ ഫണ്ടുകള്‍ക്ക് മതിയായ സംരക്ഷണം നല്‍കുന്നതില്‍ അഭിഭാഷക പരാജയപ്പെട്ടതിനെ തുടര്‍ന്നായിരുന്നു ഇത്. തന്റെ ഓഫീസ് നേരിട്ട് കൈകാര്യം ചെയ്യാന്‍ ബാധ്യസ്ഥനാണെന്നിരിക്കെ മറ്റുള്ളവര്‍ക്ക് വക്കാലത്ത് നല്‍കിയത് അഭിഭാഷകവൃത്തിയെ നിയന്ത്രിക്കുന്ന നിയമങ്ങള്‍ക്കും ചട്ടങ്ങള്‍ക്കും വിരുദ്ധമാണ്. ഇതിന്റെ പേരില്‍ അഭിഭാഷകയ്ക്ക് പിഴ ചുമത്തുകയും ചെയ്തു.
