Edited by ആൽബിൻ കുര്യൻ | Samayam Malayalam | Updated: 12 Aug 2023, 6:39 pm
ആകാശപാതയ്ക്ക്ആവശ്യമായ മൊത്തം തൂണുകളിൽ പത്തിലൊന്നിൻ്റെയും പൈലിങ് നടപടികൾ ഇതിനോടകം പൂർത്തിയായി. എരമല്ലൂരിൽ പുതിയ ടോൾ പ്ലാസ
ഹൈലൈറ്റ്:
- പൈലിങ് നടത്താനായി പ്രവർത്തിക്കുന്നത് 10 യന്ത്രങ്ങൾ
- നിർമാണം അതിവേഗം
- 250ഓളം പൈലുകൾ പൂർത്തിയായി
മഹാരാഷ്ട്ര ആസ്ഥാനമായി പ്രവർത്തിക്കുന്ന അശോക ബിൽഡ്കോൺ എന്ന കമ്പനിക്കാണ് നിർമാണച്ചുമതല. മീഡിയനിൽ നിർമിക്കുന്ന ഒറ്റത്തൂണുകൾക്കു മുകളിൽ ആറുവരിപ്പാതയാണ് നിർമിക്കുക. ഫ്ലൈഓവറിനായി മൊത്തം 373 തൂണുകളാണ് വേണ്ടത്. ഭൂമി തുരന്ന് കമ്പിയും കോൺക്രീറ്റും ഉപയോഗിച്ചു നിർമിക്കുന്ന പൈൽ ഫൗണ്ടേഷനുകൾക്കു മുകളിലാണ് ഓരോ തൂണും നി‍മിക്കുക. ഒന്നേകാൽ മീറ്റർ അകലത്തിൽ നിർമിക്കുന്ന എട്ട് പൈലുകൾ ചേർത്തിണക്കി തയ്യാറാക്കുന്ന പൈൽ ക്യാപ്പിനു മുകളിലാണ് തൂണുകൾ വാർക്കുന്നത്. ഇത്തരത്തിൽ 35 തൂണുകൾ നിർമിക്കുന്നതിനുള്ള പൈലുകൾ തയ്യാറായി. ഇതിൽ അഞ്ച് തൂണുകൾ കോൺക്രീറ്റ് ചെയ്യുന്ന ഘട്ടത്തിലും എത്തിയിട്ടുണ്ട്.
Puthupally Election: പ്രചാരണ പ്രവർത്തനങ്ങൾ സജീവമാക്കി കോൺഗ്രസ്
മണ്ണിൻ്റെ ഘടനയും ഫ്ലൈഓവറിൻ്റെ ശേഷിയും അനുസരിച്ച് 55 മുതൽ 65 മീറ്റർ വരെ ആഴത്തിലാണ് പൈലിങ്ങിനായി കുഴിയെടുക്കുന്നത്. ഇതിനായി പത്ത് യന്ത്രങ്ങൾ മേഖലയിൽ പ്രവർത്തിക്കുന്നുണ്ട്. ഫ്ലൈഓവറിനുള്ള തൂണുകളിൽ മിക്കതിനും 9.5 മീറ്ററാണ് ഉയരം. ഇവയ്ക്കു മുകളിലാണ് ഗർഡറുകൾ സ്ഥാപിക്കുക. തൂണുകൾക്കു മുകളിലുള്ള ആകാശപാതയ്ക്ക് 24 മീറ്റർ വീതിയുണ്ടാകും. 1668.5 കോടി ചെലവു വരുന്ന പദ്ധതി മൂന്നുവ‍ർഷത്തിനുള്ളിൽ പൂർത്തിയാക്കാനാണ് നിർദേശം.
മകന്റെ മുന്നിലിട്ട് അമ്മയെ വെട്ടിക്കൊന്നു, നൊമ്പരം മാറും മുമ്പേ വീട് ജപ്തി ഭീഷണിയിൽ, എന്തു ചെയ്യണമെന്നറിയാതെ രണ്ടുമക്കളും വൃദ്ധ മാതാവും
കാസർകോട് മുതൽ കന്യാകുമാരി വരെ നിലവിൽ ദേശീയപാത ആറുവരിയായി വീതി കൂട്ടുന്ന നിർമാണപ്രവൃത്തികൾ നടക്കുന്നുണ്ട്. റോഡിനിരുവശവും സ്വകാര്യഭൂമി ഏറ്റെടുത്ത് 45 മീറ്ററിലാണ് നിർമാണം. എന്നാൽ, നിലവിൽ നാലുവരി വീതിയുള്ള അരൂർ – തുറവൂർ ഭാഗത്ത് ഭൂമിയേറ്റെടുപ്പ് എളുപ്പമായിരുന്നില്ല. കൊച്ചി നഗരത്തോടു ചേ‍ർന്നുള്ള ഈ മേഖലയിലെ ഉയർന്ന ഭൂമിവിലയും കെട്ടിടങ്ങളുടെ ബാഹുല്യവും കണക്കിലെടുത്താണ് ആകാശപാത നിർമിക്കാൻ ദേശീയപാത അതോരിറ്റി തീരുമാനിച്ചത്. മുകളിൽ ആറുവരി പ്രധാന റോഡ് തയ്യാറാകുന്നതോടെ നിലവിലെ നാലുവരിപ്പാത സർവീസ് റോഡായി മാറും. പ്രദേശവാസികൾക്ക് ചെറുയാത്രകൾക്കായി താഴത്തെ പാത ഉപയോഗിക്കാം.
കേരളത്തിൽ വന്ദേ ഭാരതിനു വേഗം കൂടും; അതിവേഗ ട്രെയിനുകൾക്കുള്ള പാളങ്ങൾ വരുന്നു; വളവുകളും നിവർത്താൻ റെയിൽവേ
അരൂർ പള്ളിക്കു സമീപത്തുനിന്നു തുടങ്ങുന്ന ഫ്ലൈഓവർ തുറവൂർ തെക്കു വരെ നീളും. ഇടയ്ക്ക് ചന്തിരൂർ, കുത്തിയതോട് എന്നിവിടങ്ങളിൽ താഴേക്ക് ഇറങ്ങാൻ റാംപുകളുണ്ടാകും. അരൂരിൽ തോപ്പുംപടി ഭാഗത്തേക്ക് ഇറങ്ങാനും സൗകര്യമുണ്ടാകും. ഫ്ലൈഓവറിലെ യാത്രക്കാർക്കായി എരമല്ലൂരിൽ ടോൾ പ്ലാസയും നിർമിക്കുന്നുണ്ട്. അതേസമയം, ഇതിൻ്റെ തുടർച്ചയായി അരൂർ മുതൽ ഇടപ്പള്ളി വരെയും ഫ്ലൈഓവർ നിർമിക്കാനുള്ള ആലോചനയുണ്ട്. ഇതിൻ്റെ പഠനം തുടരുകയാണ്.
ആൽബിൻ കുര്യൻ നെ കുറിച്ച്
ആൽബിൻ കുര്യൻ സീനിയർ ഡിജിറ്റൽ കണ്ടൻ്റ് പ്രൊഡ്യൂസർ
സമയം മലയാളം വാർത്താ പോർട്ടലിൽ ഡിജിറ്റൽ കണ്ടൻ്റ് പ്രൊഡ്യൂസറാണ് ആൽബിൻ കുര്യൻ. ആറു വർഷമായി സമയം മലയാളം വാർത്താവിഭാഗത്തിൻ്റെ ഭാഗമായ ആൽബിൻ രാഷ്ട്രീയ, സാമൂഹ്യവിഷയങ്ങളിലും മറ്റു പൊതുവിഷയങ്ങളിലും ലേഖനങ്ങൾ എഴുതുന്നു. കേരള പ്രസ് അക്കാദമിയിൽ നിന്ന് ജേണലിസം ബിരുദാന്തര ഡിപ്ലോമ നേടി. പത്ത് വർഷമായി മാധ്യമരംഗത്ത് പ്രവർത്തിക്കുന്ന ആൽബിൻ മുൻപ് പബ്ലിക് റിലേഷൻസ് മേഖലയിലും പ്രവർത്തിച്ചിട്ടുണ്ട്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
