മുഖത്തെ ചുളിവ് മാറ്റാനും ചെറുപ്പത്തിനും ഐസ് റോളര്‍ പ്രയോഗം
Authored by സരിത പിവി | Samayam Malayalam | Updated: 12 Aug 2023, 4:03 pm
പുതിയ സൗന്ദര്യ ടെക്‌നിക്കുകളില്‍ ഒന്നാണ് ഐസ് റോളര്‍ എന്നത്. ഇത് പല സൗന്ദര്യ പ്രശ്‌നങ്ങള്‍ക്കും നല്ലൊരു മരുന്ന് കൂടിയാണ്.
മുഖത്ത് മസാജ്
ഇത് മുഖത്ത് മസാജ് ചെയ്യുകയാണ് ചെയ്യുക. ഇതിനാല്‍ ബ്ലഡ് സര്‍കുലേഷന്‍ വര്‍ദ്ധിയ്ക്കുന്നു. ഇത് ചര്‍മത്തിന് ഏറെ ഗുണങ്ങള്‍ നല്‍കുന്നു. ചുളിവുകളും വരകളുമെല്ലാം പോകാന്‍ ഇത് നല്ലതാണ്. ചര്‍മത്തിന് ഇറുക്കം നല്‍കാന്‍ സഹായിക്കുന്ന ഒന്നാണ് ഐസ് റോളര്‍ ഉപയോഗം. ചുരുക്കിപ്പറഞ്ഞാല്‍ ചര്‍മത്തിന് ചെറുപ്പം നല്‍കാന്‍ ഇത് സഹായിക്കുന്നു.
മൃദുവായ ചർമ്മത്തിന് അരിപ്പൊടി-തക്കാളി സ്‌ക്രബ്
മൃദുവായ ചർമ്മത്തിന് അരിപ്പൊടി-തക്കാളി സ്‌ക്രബ്
കണ്‍തടത്തിലെ വീര്‍പ്പ്
മുഖത്തും കണ്ണിനടിയിലുമുള്ള വീര്‍മത കുറയ്ക്കാന്‍ ഇതേറെ നല്ലതാണ്. പ്രത്യേകിച്ചും കണ്‍തടത്തിലെ വീര്‍പ്പ്. കോള്‍ഡ് തെറാപ്പി ഇത്തരം വീക്കം കുറയ്ക്കാന്‍ ഏറെ നല്ലതാണ്. ഇത് ചര്‍മത്തിലെ ചുവപ്പും മറ്റും കുറയ്ക്കാനും ഏറെ നല്ലതാണ്. ലിംഫാറ്റിക് ഡ്രെയിനേജ് ആക്ഷനിലൂടെയാണ് ഐസ് റോളര്‍ ഈ ഗുണം നല്‍കുന്നത്. മുഖത്തെ ക്ഷീണം പെട്ടെന്ന് മാറ്റാനുളള വഴി കൂടിയാണിത്. പ്രത്യേകിച്ചും യാത്രകള്‍ക്കിടയിലും രാവിലെ ഉണര്‍ന്നെഴുന്നേല്‍ക്കുമ്പോഴുമെല്ലാം. മുഖത്തെ ഉറക്കച്ചടവ് മാറാനുള്ള നല്ല വഴിയാണിത്.
മറ്റ് സൗന്ദര്യ വര്‍ദ്ധക വസ്തുക്കള്‍
ചര്‍മത്തില്‍ പ്രയോഗിയ്ക്കുന്ന മറ്റ് സൗന്ദര്യ വര്‍ദ്ധക വസ്തുക്കള്‍ പെട്ടെന്ന് ചര്‍മം വലിച്ചെടുക്കാന്‍ സഹായിക്കുന്ന ഒന്ന് കൂടിയാണ് ഐസ് റോളര്‍ പ്രയോഗമെന്നത്. ഇത് ചര്‍മ സുഷിരങ്ങളുടെ വലിപ്പം കുറയ്ക്കുന്നു. ഇതിലൂടെ അഴുക്കും എണ്ണമയവും സുഷിരങ്ങളില്‍ അടിഞ്ഞു കൂടി മുഖക്കുരുവും ബ്ലാക്‌ഹെഡ്‌സ് പോലുള്ള പ്രശ്‌നങ്ങളും വരുന്നതും തടയുന്നു. പിഗ്മന്റേഷനും ഇത് നല്ല പരിഹാരമാണ്. ഇതല്ലാതെ തലവേദന പോലുള്ള അവസ്ഥകള്‍ക്കും ഇത് നല്ലതാണ്.
ഉപയോഗിയ്ക്കാനും
ഐസ് റോളര്‍ ഉപയോഗിയ്ക്കാനും എളുപ്പമാണ്. ഇത് ഫ്രീസറില്‍ വച്ച് അര മണിക്കൂറോളം തണുപ്പിയ്ക്കുക. പുറത്തെടുത്ത ഉടന്‍ മുഖത്ത് വയ്ക്കരുത്. ചിലപ്പോള്‍ ചര്‍മത്തിന് അസ്വസ്ഥതയുണ്ടാകും. ഐസ് ബേണ്‍ എന്ന അവസ്ഥയുണ്ടാകും. ചര്‍മത്തിന് താങ്ങാന്‍ കഴിയുന്ന തണുപ്പാകുമ്പോള്‍ മുഖത്തും കഴുത്തിലുമെല്ലാം മസാജ് ചെയ്യാം. താഴെ നിന്നും മുകളിലേയ്ക്ക് മസാജ് ചെയ്യാം. നെറ്റിയിലും കവിളിലും ഇരു വശങ്ങളിലേയ്ക്കും ചെയ്യാം. സാധാരണ മസാജ് ചെയ്യുന്ന രീതിയില്‍ തന്നെ.
സരിത പിവി നെ കുറിച്ച്
സരിത പിവി കൺസൾട്ടൻറ് കണ്ടൻറ് റൈറ്റർ
ജേര്‍ണലിസം രംഗത്ത് 17 വര്‍ഷങ്ങളിലേറെ പരിചയ സമ്പത്ത്. പ്രിന്റ് മീഡിയായില്‍ തുടങ്ങി ഡിജിറ്റല്‍ മീഡിയയില്‍ സജീവം. വാര്‍ത്താ, ലൈഫ്‌സ്റ്റൈല്‍ മേഖലകളില്‍ കൂടുതല്‍ പരിചയം. വായനക്കാര്‍ക്ക് താല്‍പര്യമുള്ള മേഖലകള്‍ കണ്ടെത്തി ലളിതമായ രീതിയില്‍ അവതരിപ്പിയ്ക്കാന്‍ വൈദഗ്ധ്യം.വായനയും എഴുത്തും താല്‍പര്യം.സമകാലീന വിഷയങ്ങള്‍ അടിസ്്ഥാനമാക്കി ലേഖനങ്ങള്‍ എഴുതുന്നതില്‍ പ്രത്യേക ശ്രദ്ധ. എഴുത്തിന് പുറമേ വായന, മ്യൂസിക് എന്നിവയോട് കൂടുതല്‍ താല്‍പര്യം.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
