തൃണമൂലിന്റേത് ചോരക്കളിയെന്ന് മോദി; നിങ്ങൾ എങ്ങനെയാണ് രാജ്യം ഭരിക്കുന്നതെന്ന് മമത: വാ‌ക്പോര്

ബംഗാളിൽ ക്ഷേത്രീയ പഞ്ചായത്തി രാജ് പരിഷത്തിന്റെ ഭാഗമായി ഓൺലൈനായി ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു പ്രധാനമന്ത്രി. ‘ടിഎംസി രക്തം കൊണ്ട് കളിച്ചിരിക്കുകയാണ്’ എന്നായിരുന്നു അദ്ദേഹത്തിന്റെ പ്രതികരണം.

ബംഗാളിൽ, ആക്രമണങ്ങൾകൊണ്ട് പ്രതിപക്ഷത്തെ ഭീഷണിപ്പെടുത്താനാണ് ശ്രമിക്കുന്നത്. ഇതൊക്കെയാണെങ്കിലും, ബംഗാളിലെ ജനങ്ങളുടെ സ്നേഹം ജനങ്ങളുടെ വിജയത്തിലേക്ക് നയിച്ചു. എന്നാൽ, ഞങ്ങളുടെ സ്ഥാനാർത്ഥികൾ വിജയിച്ചാൽ അവർക്ക് ജാഥ നടത്താൻ അനുവാദമില്ല. ചിലർ ജാഥ നടത്തിയാൽ ആക്രമിക്കപ്പെടുന്നു. ഇതാണ് ടിഎംസിയുടെ രാഷ്ട്രീയം. മോദി പറഞ്ഞു.

ബിജെപി പ്രവർത്തകരെ നാമനിർദ്ദേശം ചെയ്യിപ്പിക്കാൻ പോലും അവർ അനുവദിച്ചില്ല. സ്ഥാനാർത്ഥികളായ ആളുകളെ പ്രചാരണം നടത്താനും അനുവദിച്ചില്ല. തെരഞ്ഞെടുപ്പ് ദിവസങ്ങളിലും പിന്നീട് വോട്ടെണ്ണാൻ സമയത്തും ബൂത്ത് പിടിക്കാൻ തൃണമൂൽ ഗുണ്ടകളെ ഏർപ്പെടുത്തിയെന്നും പ്രധാനമന്ത്രി മോദി ആരോപിച്ചു.

പ്രധാനമന്ത്രി നരേന്ദ്ര മോദിയുടെ പ്രസ്താവനയ്‌ക്കെതിരെ രൂക്ഷമായ ഭാഷയിലുള്ള പ്രതികരണമാണ് പശ്ചിമ ബംഗാൾ മുഖ്യമന്ത്രി മമത ബാനർജി നടത്തിയിരിക്കുന്നത്. സംസ്ഥാനത്തെ ഓരോ ഘട്ടത്തിലും പ്രധാനമന്ത്രി അപകീർത്തിപ്പെടുത്തുകയാണെന്നും, വിഭജന രാഷ്ട്രീയത്തിന് ബംഗാളിലെ ജനങ്ങൾ ഒരിക്കലും കീഴടങ്ങിയിട്ടില്ലെന്നും മമത ആരോപിച്ചു.

തെരഞ്ഞെടുപ്പിനിടെ 20 തൃണമൂൽ കോൺഗ്രസ് പ്രവർത്തകരെ ബിജെപി കൊലപ്പെടുത്തിയെന്നും പ്രതിപക്ഷ മുന്നണിയായ ഇന്ത്യ തെരഞ്ഞെടുപ്പിൽ അധികാരം പിടിച്ചെടുക്കുമെന്നും ബിജെപിയുടെ അന്ത്യം അടുത്തുവെന്നും മമത പറഞ്ഞു.

“മനുഷ്യത്വത്തിന്റെ സന്ദേശം ജനങ്ങൾക്ക് നൽകുന്നതിനുപകരം, ഇന്നത്തെ ഒരു ചെറിയ പരിപാടിയിൽ പ്രധാനമന്ത്രി പശ്ചിമ ബംഗാളിനെ അപകീർത്തിപ്പെടുത്താൻ തെരഞ്ഞെടുത്തു. ബംഗാളിനെ ഓർമ്മിപ്പിച്ചതിന് പ്രധാനമന്ത്രിയുടെ കസേരയ്ക്കാണ് ഞാൻ നന്ദി പറയുന്നത്. ഇവിടെയുള്ള ബിജെപി നേതാക്കളെ തൃപ്തിപ്പെടുത്താൻ മാത്രമാണ് അദ്ദേഹം ബംഗാളിനെ അപമാനിച്ചത്. 100 ദിവസത്തെ തൊഴിൽ (MGNREGA) പദ്ധതിക്ക് കീഴിലുള്ള പാവപ്പെട്ടവരുടെ വേതനം അദ്ദേഹം തടഞ്ഞു. ഈ പദ്ധതിക്കായി തുടർച്ചയായി അഞ്ച് തവണ ഏറ്റവും മികച്ച സംസ്ഥാനമെന്ന നിലയിൽ ഇന്ത്യാ ഗവൺമെന്റ് ഞങ്ങൾക്ക് പ്രതിഫലം നൽകി,” ബാനർജി ആരോപിച്ചു.

Also Read : വിമാനത്തിലിരുന്ന് പ്രായപൂർത്തിയാകാത്ത കുട്ടിക്ക് മുന്നിൽ സ്വയംഭോഗം; ഇന്ത്യൻ വംശജനായ ഡോക്ടർ അറസ്റ്റിൽ

കഴിഞ്ഞ 100 ദിവസമായി മണിപ്പൂർ കത്തുകയാണ്, മണിപ്പൂർ പോലുള്ള ഒരു ചെറിയ സംസ്ഥാനത്ത് ക്രമസമാധാനം നിയന്ത്രിക്കാൻ പ്രധാനമന്ത്രിക്ക് കഴിയുന്നില്ലെങ്കിൽ, അദ്ദേഹത്തിന് എങ്ങനെ രാജ്യം മുഴുവൻ നയിക്കാനാകും… ബംഗാളിനെ അപകീർത്തിപ്പെടുത്തുകയും ഭീഷണിപ്പെടുത്തുകയും ചെയ്താൽ അദ്ദേഹത്തിന് എങ്ങനെ രാജ്യം നയിക്കാനാകും. ഓരോ ഘട്ടത്തിലും ബംഗാളിലെ ജനങ്ങൾ ഭിന്നിപ്പിന്റെയും കലാപത്തിന്റെയും രാഷ്ട്രീയത്തിന് ഒരിക്കലും കീഴടങ്ങിയിട്ടില്ലെന്നും അവസാന വാക്ക് ജനങ്ങൾക്കായിരിക്കുമെന്നും അവർ ഓർക്കണം. അവർ പ്രതികരിച്ചു.

Read Latest National News and Malayalam News