ഹോസ്റ്റലിലെ സഹവാസികളായ പെൺകുട്ടികളുടെ ഒളിക്യാമറാ ദൃശ്യങ്ങൾ പകർത്തി സീനിയറിന് നൽകി; പിന്നീട് ചിത്രങ്ങൾ കാണിച്ച് ഭീഷണി

കോളേജിലെ ഒന്നാം വർഷ വിദ്യാർത്ഥിനിയായ മന്ദാഷ കസ്മിയാണ് ഇത്തരത്തിൽ ഒരു കാര്യം ചെയ്തിരിക്കുന്നത്. തന്റെ ഹോസ്റ്റൽ സഹവാസികളുടെ വീഡിയോ രഹസ്യമായി ചിത്രീകരിക്കുകയും അത് കോളേജ് സീനിയർ മുഹമ്മദ് ആമിറിന് അയച്ചുകൊടുക്കുകയും ചെയ്തു. പിന്നീട്, ഫോട്ടോകളും വീഡിയോകളും ഉപയോഗിച്ച് വിദ്യാർത്ഥികളെ ബ്ലാക്ക് മെയിൽ ചെയ്തതായി റിപ്പോർട്ടുണ്ട്.

ഓഗസ്റ്റ് 7ന് ഒരു വിദ്യാർഥിനി കോളേജ് അധികൃതർക്കും പോലീസിലും പരാതിയുമായി എത്തിയതോടെയാണ് സംഭവം പുറംലോകം അറിയുന്നത്. കൂടുതൽ വിദ്യാർഥികൾ പിന്നാലെ പരാതിയുമായി എത്തിയതോടെ കോളേജ് അധികൃതർ അന്വേഷണം നടത്തുകയായിരുന്നു.

പരാതിയുടെ അടിസ്ഥാനത്തിൽ പ്രതികളായ വിദ്യാർഥികൾക്കെതിരെ കോളേജ് അച്ചടക്ക നടപടി സ്വീകരിക്കുകയും ചെയ്തു. അതാത് വർഷങ്ങളിൽ ബിഎച്ച്എംഎസ് വിദ്യാർത്ഥികളായിരുന്ന മന്താഷ കാസ്മി, മുഹമ്മദ് അമീർ എന്നിവരെ ആറ് മാസത്തേക്ക് സസ്പെൻഡ് ചെയ്തു. ഇക്കാര്യം വ്യക്തമാക്കി കോളേജിലെ ആക്ടിംഗ് പ്രിൻസിപ്പൽ ഡോ ബി എൻ സാഹ്‌നി കേസിന്റെ വിശദാംശങ്ങൾ വെളിപ്പെടുത്തി രംഗത്തുവന്നു.

കുറ്റാരോപിതരായ വിദ്യാർഥികളുടെ ഫോണിൽ നിന്ന് ആക്ഷേപകരമായ എല്ലാ ഫോട്ടോകളും വീഡിയോകളും ഡിലീറ്റാക്കിയതായും സാഹ്നി പറഞ്ഞു.

അതേസമയം, ഇത്തരത്തിൽ ഒരു പരാതി ലഭിച്ചതായി ഗാസിപൂരിലെ പോലീസ് സൂപ്രണ്ട് ഓംവീർ സിംഗ് സ്ഥിരീകരിച്ചു. തങ്ങൾ വിഷയം ഗൗരവമായി കാണുകയാണെന്നും നിലവിൽ സമഗ്രമായ അന്വേഷണം നടത്തിവരികയാണെന്നും മാധ്യമങ്ങളോട് പറഞ്ഞു.

Also Read : തൃണമൂലിന്റേത് ചോരക്കളിയെന്ന് മോദി; നിങ്ങൾ എങ്ങനെയാണ് രാജ്യം ഭരിക്കുന്നതെന്ന് മമത: വാ‌ക്പോര്

അതേസമയം, വിദ്യാർഥികളുടെ മൊബൈൽ ഫോണുകളിൽ നിന്ന് അശ്ലീല ഫോട്ടോകളോ വീഡിയോകളോ കണ്ടെടുത്തിട്ടില്ലെന്നും, മൊബൈൽ ഫോണുകൾ ഫോർമാറ്റ് ചെയ്തതാകാമെന്നും അദ്ദേഹം കൂട്ടിച്ചേർത്തു. ഫോറൻസിക് പരിശോധന നടത്തുമെന്നും അറിയിച്ചിട്ടുണ്ട്.

Read Latest National News and Malayalam News