Also Read : കാനഡയിൽ ഹിന്ദു ക്ഷേത്രം തകർത്ത് ഖലിസ്താനി ഭീകരന്റെ പോസ്റ്റർ പതിപ്പിച്ചു; ഭീകരവാദം നേരിടാൻ ബ്രിട്ടൻ ധനസഹായം പ്രഖ്യാപിച്ചതിന് പിന്നാലെ
ഈ പദ്ധതി പ്രകാരം യാത്രക്കാർക്ക് വേണ്ടിയുള്ള അവശ്യവസ്തുക്കളായി ജൻഔഷധിയെ കണക്കാക്കിയിട്ടുണ്ട്. ആദ്യഘട്ടത്തിൽ രാജ്യത്തെ പ്രമുഖ റെയിൽവേ സ്റ്റേഷനുകൾ അടക്കം തെരഞ്ഞെടുക്കപ്പെട്ട 50 സ്റ്റേഷനുകളാണ് ഔട്ട്ലെറ്റുകൾ തുടങ്ങുക. തിരക്കുളള റെയിൽവേ സ്റ്റേഷനുകളിൽ വാണിജ്യ ലൈസൻസുള്ളവർക്ക് ഔട്ട്ലെറ്റുകൾ നൽകാനാണ് തീരുമാനം.
Paloor Kotta Waterfall: പാലൂർ കോട്ട വെളളച്ചാട്ടത്തിലേക്ക് സഞ്ചാരികളുടെ തിരക്ക്
ട്രെയിൻ യാത്രക്കാർ പ്രധാനമായും എത്തുന്ന പ്രദേശങ്ങളായ പ്ലാറ്റ്ഫോമുകളിലും കോൺകോഴ്സുകളിലുമായിരിക്കും കടകൾ ഒരുക്കുന്നത്. ഓൺലൈൻ ലേലത്തിലൂടെ ലൈസൻസികൾക്ക് തങ്ങൾക്ക് ആവശ്യമായ വാണിജ്യ ലൈനുകൾ തെരഞ്ഞെടുക്കാൻ സാധിക്കും. ദീർഘദൂര യാത്രക്കാർക്ക് അടക്കം ഈ തീരുമാനം ഉപകരിക്കുമെന്നാണ് കേന്ദ്ര സർക്കാർ പ്രതീക്ഷിക്കുന്നത്.
സ്റ്റേഷനുകളിലെ ഔട്ട്ലെറ്റുകൾക്ക് ഏകീകൃത ഡിസൈൻ ആയിരിക്കും ഉണ്ടായിരിക്കുക. അഹമ്മദാബാദിലെ നാഷണൽ ഇൻസ്റ്റിറ്റ്യൂട്ട് ഓഫ് ഡിസൈൻ ആയിരിക്കും ഇത് തെരഞ്ഞെടുക്കുന്നത്. ഔട്ട്ലെറ്റുകൾ നിർമിക്കുന്നതിനുള്ള സ്ഥലം റെയിൽവേ ഡിവിഷനായിരിക്കും കണ്ടെത്തുക. അതിന് പുറമെ, ഇന്ത്യൻ റെയിൽവേയുടെ ഇ-പ്രൊക്യുർമെന്റ് സിസ്റ്റം വഴി ലേലത്തിൽ വിജയിക്കുന്നവർക്ക് മാത്രമായിരിക്കും സ്റ്റാളുകൾ അനുവദിക്കുക എന്നും അധികൃതർ അറിയിച്ചിട്ടുണ്ട്.
ലേലം പിടിക്കുന്ന വ്യക്തിക്ക് ഫാർമസിയുടെ പ്രവർത്തനത്തിന് ആവശ്യമായ അനുമതികളും ലൈസൻസുകളും നേടേണ്ടതുണ്ട്. മരുന്നുകളുടെ സംഭരണവും വിതരണവും സംബന്ധിച്ച എല്ലാ നിയമപരമായ ചട്ടങ്ങളും പാലിക്കേണ്ടതുണ്ടെന്നും അധികൃതർ അറിയിച്ചു. അതേസമയം, കേരളത്തിൽ ഔട്ട്ലെറ്റുകൾ ഉണ്ടോ എന്നത് സംബന്ധിച്ച് വിവരങ്ങൾ പുറത്തുവരുന്നതേയൊള്ളു.
Read Latest National News and Malayalam News
