പല കാരണങ്ങളാലും
ഇതല്ലാതെയും പല കാരണങ്ങളാലും മുടി കൊഴിയാറുണ്ട്. വെള്ളത്തിന്റെ പ്രശ്‌നങ്ങള്‍, മുടിയില്‍ ചെയ്യുന്ന ചില പരീക്ഷണങ്ങള്‍, കെമിക്കലുകള്‍ എന്നിവയെല്ലാം തന്നെ മുടി കൊഴിയാന്‍ ഇടയാക്കുന്ന കാരണങ്ങള്‍ തന്നെയാണ്. ഇതല്ലാതെ നാം ഉപയോഗിയ്ക്കുന്ന തലയിണ, താരന്‍ പോലുള്ളവ, മുടി കെട്ടുന്ന രീതി തുടങ്ങി മുടി കൊഴിയാന്‍ കാരണങ്ങള്‍ പലതാണ്. മുടി കൊഴിയുന്നത് രോഗങ്ങള്‍ മൂലമല്ലെങ്കില്‍ ഇത് തടയാന്‍ ചില വഴികളുമുണ്ട. ഇത്തരത്തിലെ ഒരു മരുന്നിനെ കുറിച്ചറിയാം.
മുടി കൊഴിച്ചിലിന് കാരണങ്ങൾ പലതാണ്, തടയാൻ ശ്രദ്ധിക്കേണ്ടത്
മുടി കൊഴിച്ചിലിന് കാരണങ്ങൾ പലതാണ്, തടയാൻ ശ്രദ്ധിക്കേണ്ടത്
കഞ്ഞിവെള്ളം
ഇതിനായി വേണ്ടത് രണ്ടേ രണ്ട് ചേരുവകള്‍ മാത്രമാണ്. കഞ്ഞിവെള്ളം, ഉലുവ എന്നിവയാണ് ഇത്. മുടിയുടെ സംരക്ഷണത്തിനായി കഞ്ഞിവെള്ളം ഉപയോഗിച്ചാല്‍ നിരവധി ഗുണങ്ങളാണ് ലഭിക്കുന്നത്. മുടിയുടെ ഒട്ടുമിക്ക പ്രശ്‌നങ്ങളും ഇതിലൂടെ മാറ്റാം കഞ്ഞിവെള്ളത്തില്‍ മുടിയെ ബലപ്പെടുത്താന്‍ സഹായിക്കുന്ന ഐനോസിറ്റോള്‍ അടങ്ങിയിരിക്കുന്നു. മുടിക്ക് നല്ല തിളക്കവും കറുപ്പ് നിറവും ലഭിക്കാന്‍ സഹായിക്കും. അതുപോലെ, നല്ല ഉള്ളോടെ കട്ടിയില്‍ മുടി വളരുകയും മുടി കൊഴിച്ചില്‍ മാറുകയും പുതിയ മുടി വളരാന്‍ സഹായിക്കുകയും ചെയ്യുന്നു.
ഉലുവ
മുടിയുടെ ആരോഗ്യത്തിന് ഉത്തമമാണ് ഉലുവ. ഇത് ഈസ്ട്രജന്‍ സമ്പുഷ്ടമായതിനാല്‍ തന്നെ മുടി വളരാന്‍ സഹായിക്കുന്ന ഒന്നാണ്. മുടിയ്ക്ക് തിളക്കവും മിനുസവും നല്‍കുന്ന ഒന്നാണ് ഉലുവ. ഷാംപൂ, കണ്ടീഷനിംഗ് ഇഫക്ട് മുടിയ്ക്ക് ഒരുപോലെ നല്‍കുന്ന ഒന്ന്. ഇത് മുടിയില്‍ നിന്നും എണ്ണ കളയാനുളള സ്വാഭാവിക വഴിയാണ്. അതേ സമയം ഷാംപൂ പോലെ മുടിയുടെ സ്വാഭാവിക എണ്ണമയം നഷ്ടപ്പെടുത്തുകയുമില്ല.
തേച്ച് പിടിപ്പിയ്ക്കാം
ഇത് തയ്യാറാക്കാന്‍ ഏറെ എളുപ്പവുമാണ്. തലേന്ന് കഞ്ഞിവെള്ളത്തില്‍ രണ്ട് മൂന്ന് സ്പൂണ്‍ ഉലുവ ഇട്ട് കുതിര്‍ത്തുക. പിറ്റേന്ന് ഈ കഞ്ഞിവെളളം ഉലുവ നീക്കി ഊറ്റിയെടുക്കാം. ഈ കഞ്ഞിവെള്ളം മുടിയില്‍, ശിരോചര്‍മത്തില്‍ അടക്കം തേച്ച് പിടിപ്പിയ്ക്കാം. പത്ത് പതിനഞ്ച് മിനിറ്റ് കഴിഞ്ഞ് കഴുകാം. ഇത് ആഴ്ചയില്‍ മൂന്ന് നാല് ദിവസം തലയില്‍ ഇത് പുരട്ടുന്നത് ഗുണം നല്‍കും. താരന്‍ പ്രശ്‌നങ്ങള്‍ ഉള്ളവരെങ്കില്‍ ഇതില്‍ ഇട്ടിരിയ്ക്കുന്ന ഉലുവ കൂടി ചേര്‍ത്തരച്ച് തലയില്‍ പുരട്ടുന്നത് നല്ലതാണ്.
സരിത പിവി നെ കുറിച്ച്
സരിത പിവി കൺസൾട്ടൻറ് കണ്ടൻറ് റൈറ്റർ
ജേര്‍ണലിസം രംഗത്ത് 17 വര്‍ഷങ്ങളിലേറെ പരിചയ സമ്പത്ത്. പ്രിന്റ് മീഡിയായില്‍ തുടങ്ങി ഡിജിറ്റല്‍ മീഡിയയില്‍ സജീവം. വാര്‍ത്താ, ലൈഫ്‌സ്റ്റൈല്‍ മേഖലകളില്‍ കൂടുതല്‍ പരിചയം. വായനക്കാര്‍ക്ക് താല്‍പര്യമുള്ള മേഖലകള്‍ കണ്ടെത്തി ലളിതമായ രീതിയില്‍ അവതരിപ്പിയ്ക്കാന്‍ വൈദഗ്ധ്യം.വായനയും എഴുത്തും താല്‍പര്യം.സമകാലീന വിഷയങ്ങള്‍ അടിസ്്ഥാനമാക്കി ലേഖനങ്ങള്‍ എഴുതുന്നതില്‍ പ്രത്യേക ശ്രദ്ധ. എഴുത്തിന് പുറമേ വായന, മ്യൂസിക് എന്നിവയോട് കൂടുതല്‍ താല്‍പര്യം.Read More
