​പനി വന്നാല്‍ നിര്‍ബന്ധമായും ചെയ്യേണ്ടത്​

Authored by അഞ്ജലി എംസി | Samayam Malayalam | Updated: 14 Aug 2023, 6:35 pm

ഇന്ത്യയില്‍ പകര്‍ച്ചപ്പനി വളരെയധികം കൂടിക്കൊണ്ടിരിക്കുകയാണ്. ഇത്തരത്തില്‍ പനി കൂടുന്ന സാഹചര്യത്തില്‍ പനി വന്നാല്‍ എന്തെല്ലാം കാര്യങ്ങള്‍ ചെയ്യണം എന്ന് നോക്കാം.

• 

  ​പനിയുടെ ലക്ഷണം​

  അമിതമായി വിയര്‍പ്പ്, ശരീരവേദന, കുളിര് കയറല്‍, പേശികള്‍ക്ക് നല്ല വേദന, അമിതമായിട്ടുള്ള ക്ഷീണം, അതുപോലെ, ഡീഹൈഡ്രേഷന്‍, മനംപുരട്ടല്‍ എന്നിങ്ങനെയുള്ള ലക്ഷണങ്ങള്‍ കാണാം. പനി വന്നാല്‍ നിങ്ങള്‍ നിര്‍ബന്ധമായും ചെയ്യേണ്ട ചില കാര്യങ്ങളുണ്ട്. അവ ഏതെല്ലാമെന്ന് നോക്കാം.

• 

  ​വിശ്രമം​

  ശരീരത്തിന് കൃത്യമായ വിശ്രമം നല്‍കേണ്ടത് അനിവാര്യമായിട്ടുള്ള കാര്യമാണ്. കൃത്യമായി വിശ്രമം നല്‍കിയില്ലെങ്കില്‍ അസുഖം വേഗത്തില്‍ ഭേദമാവുകയില്ല.

• 

  ​ആഹാരം​

  വളരെ ലൈറ്റ് ആയിട്ടുള്ളതും വേഗത്തില്‍ ദഹിക്കുന്നതുമായ ആഹാരങ്ങള്‍ കഴിക്കാന്‍ ശ്രദ്ധിക്കണം. ഹെവി ഫുഡ് കഴിക്കുന്നത് ആരോഗ്യത്തിന് നല്ലതല്ല. ഇത് ബുദ്ധിമുട്ടുകള്‍ കൂട്ടും.

• 

  ​വെള്ളം​

  പനി ഉള്ളപ്പോള്‍ നല്ലപോലെ വെള്ളം കുടിക്കേണ്ടത് അനിവാര്യമാണ്. ശരീരത്തെ ഹൈഡ്രേറ്റ് ചെയ്ത് നിലനിര്‍ത്താനും രക്തത്തിന്റെ കൗണ്ട് കുറയാതിരിക്കാനും ഇത് സഹായിക്കും.

• 

  ​വൃത്തി​

  നല്ല രീതിയില്‍ വൃത്തി സൂക്ഷിക്കാനും മറക്കരുത്. നല്ല ചൂടുള്ള ആഹാരം കഴിക്കാം. അതുപോലെ, കൈകള്‍ ഇടയ്ക്കിടയ്ക്ക് കഴുകി വൃത്തിയാക്കാം. എന്നിങ്ങനെ നല്ല വൃത്തി കാത്ത് സൂക്ഷിക്കുക.

• 

  ​ആരോഗ്യകരമായ ഭക്ഷണം​

  പനി പിടിച്ചിരിക്കുമ്പോള്‍ നല്ല ആരോഗ്യകരമായ ആഹാരങ്ങള്‍ കഴിക്കാന്‍ നിങ്ങള്‍ മടി കാണിക്കരുത്. നല്ലപോലെ പഴം പച്ചക്കറികള്‍ എന്നിവ കഴിക്കുക. അതുപോലെ, തൈര്, വാഴപ്പഴം എന്നിവ ഒഴിവാക്കുന്നത് നല്ലതാണ്.

• 

  ​അകലം​

  മറ്റുള്ളവരില്‍ നിന്നും അകലം പാലിക്കുന്നത് രോഗം പടരാതിരിക്കാന്‍ സഹായിക്കുന്നതാണ്. അതിനാല്‍ രോഗി ഒരു മുറിയില്‍ അകലം പാലിച്ച് വിശ്രമിക്കുന്നത് നല്ലതായിരിക്കും.