ഇറാനും സൗദി അറേബ്യയും തമ്മിലുള്ള ബന്ധം പടിപടിയായി പുരോഗമിക്കുകയാണെന്ന് നാസര്‍ കനാനി പറഞ്ഞു. ഉഭയകക്ഷിബന്ധത്തിലെ ഏറ്റവും പുതിയ സംഭവവികാസങ്ങളെക്കുറിച്ച് തിങ്കളാഴ്ച തലസ്ഥാനമായ തെഹ്‌റാനില്‍ നടത്തിയ പ്രതിവാര വാര്‍ത്താസമ്മേളനത്തിലാണ് കനാനി ഇക്കാര്യം വ്യക്തമാക്കിയതെന്ന് സിന്‍ഹുവ വാര്‍ത്താ ഏജന്‍സി റിപ്പോര്‍ട്ട് ചെയ്തു.
Accident: നിർത്തിയിട്ടിരുന്ന കാറിനു മുകളിലേക്ക് പാറ വീണ് സ്ത്രീ മരിച്ചു
ജൂണില്‍ സൗദി വിദേശകാര്യ മന്ത്രി ഫൈസല്‍ ബിന്‍ ഫര്‍ഹാന്‍ അല്‍ സൗദ് ഇറാന്‍ സന്ദര്‍ശിച്ചതിന്റെ തുടര്‍ച്ചയായുള്ള പരസ്പര സന്ദര്‍ശനമാണിതെന്നും കനാനി പറഞ്ഞു. സന്ദര്‍ശന വേളയില്‍ പ്രാദേശിക, അന്തര്‍ദേശീയ വിഷയങ്ങളും ഉഭയകക്ഷി സാമ്പത്തിക സഹകരണം വിപുലീകരിക്കുന്നതും ചര്‍ച്ച ചെയ്യുമെന്ന് അദ്ദേഹം ചൂണ്ടിക്കാട്ടി.
ഷിയാ പുരോഹിതന്‍ നിമര്‍ അല്‍ നിമറിനെ റിയാദ് വധിച്ചതിനെതിരായ പ്രതിഷേധത്തിനിടെ ഇറാനിലെ സൗദി നയതന്ത്ര കാര്യാലയങ്ങള്‍ ആക്രമിക്കപ്പെട്ടതിനെത്തുടര്‍ന്ന് 2016ലാണ് ഇരുരാജ്യങ്ങളും ബന്ധം വിച്ഛേദിച്ചത്. ഏഴ് വര്‍ഷത്തിന് ശേഷം ഇറാനും സൗദിയും കഴിഞ്ഞ ഏപ്രിലില്‍ നയതന്ത്രബന്ധം പുനരാരംഭിക്കുമെന്ന് പ്രഖ്യാപിച്ചു. തുടര്‍ന്ന് ജൂണ്‍ ആദ്യത്തില്‍ റിയാദിലെ എംബസിയും ജിദ്ദയിലെ ഓര്‍ഗനൈസേഷന്‍ ഓഫ് ഇസ്ലാമിക് കോ-ഓപറേഷന്റെ കോണ്‍സുലേറ്റ് ജനറല്‍ പ്രതിനിധി ഓഫീസും ഇറാന്‍ വീണ്ടും തുറന്നു.
സ്ഥലംവാങ്ങാന്‍ പ്ലാനുണ്ടോ? ദുബായിലായിക്കോട്ടെ. പലതുണ്ട് നേട്ടങ്ങള്‍
അടുത്തിടെ തെഹ്‌റാനിലെ സൗദി എംബസിയും വടക്കുകിഴക്കന്‍ നഗരമായ മഷാദിലെ കോണ്‍സുലേറ്റും ഇരു രാജ്യങ്ങളും തമ്മിലുള്ള കരാറിന്റെ അടിസ്ഥാനത്തില്‍ പ്രവര്‍ത്തനം പുനരാരംഭിച്ചിരുന്നു. കഴിഞ്ഞ മാര്‍ച്ചില്‍ പ്രഖ്യാപിച്ച ചൈനയുടെ മധ്യസ്ഥതയിലുള്ള കരാറിനെത്തുടര്‍ന്നാണ് ഇറാനും സൗദി അറേബ്യയും നയതന്ത്രബന്ധം പുനരാരംഭിക്കാനും അതത് എംബസികള്‍ വീണ്ടും തുറക്കാനും സമ്മതിച്ചത്.
ഇറാനിലെ സൗദി എംബസി ഔദ്യോഗികമായി പ്രവര്‍ത്തനങ്ങള്‍ ആരംഭിച്ചതായി ഇറാന്‍ വിദേശകാര്യ മന്ത്രാലയത്തിലെ ഉദ്യോഗസ്ഥരെ ഉദ്ധരിച്ച് ഔദ്യോഗിക വാര്‍ത്താ ഏജന്‍സി ഇര്‍ന (ഐആര്‍എന്‍എ) റിപ്പോര്‍ട്ട് ചെയ്തിരുന്നു. 2016ലെ പ്രതിഷേധത്തിനിടെ തെഹ്‌റാനിലെ സൗദി എംബസി കെട്ടിടം തകര്‍ന്നത് കാരണമാണ് വീണ്ടും തുറക്കാന്‍ വൈകുന്നതിന് കാരണമെന്ന് ഇറാനിയന്‍ മാധ്യമങ്ങള്‍ നേരത്തേ വെളിപ്പെടുത്തിയിരുന്നു. നവീകരണ ജോലികള്‍ പൂര്‍ത്തിയാകുന്നതുവരെ സൗദി നയതന്ത്ര ഉദ്യോഗസ്ഥര്‍ ഇറാന്റെ തലസ്ഥാനത്തെ ഒരു ആഡംബര ഹോട്ടലില്‍ നിന്ന് ജോലി ചെയ്യുമെന്ന് റിപ്പോര്‍ട്ടുകളുണ്ടായിരുന്നു.
ദുബായ് മഹ്‌സൂസ് നറുക്കെടുപ്പില്‍ ഇന്ത്യന്‍ ചുമട്ടുതൊഴിലാളി വെങ്കട്ടയ്ക്ക് 2.25 കോടി രൂപ സമ്മാനം
കഴിഞ്ഞ മാര്‍ച്ചില്‍ ചൈനയുടെ മധ്യസ്ഥതയിലുണ്ടാക്കിയ കരാറിനു പിന്നാലെ സൗദി അറേബ്യ ഇറാന്റെ സഖ്യകക്ഷിയായ സിറിയയുമായുള്ള ബന്ധം പുനഃസ്ഥാപിച്ചിരുന്നു. യെമനില്‍ സമാധാനത്തിനുള്ള ശ്രമങ്ങള്‍ വര്‍ധിപ്പിക്കുകയും ചെയ്തു. പശ്ചിമേഷ്യയില്‍ വര്‍ഷങ്ങളായി ഇറാനും സൗദി അറേബ്യയും രാഷ്ട്രീയ സംഘര്‍ഷ മേഖലകളില്‍ വിരുദ്ധചേരിയില്‍ നിലയുറപ്പിക്കുകയും എതിര്‍കക്ഷികളെ പിന്തുണയ്ക്കുകയും ചെയ്യുകയാണ്. സമുദ്രാതിര്‍ത്തിയിലെ അല്‍ ദുര്‍റ വാതകപ്പാടത്തിന്റെ ഉടമസ്ഥാവകാശത്തെച്ചൊല്ലി ഇറാന്‍ സൗദി അറേബ്യയുമായും കുവൈത്തുമായും ഭിന്നത തുടരുന്നതിനിടെയാണ് നയതന്ത്ര കാര്യാലയങ്ങള്‍ വീണ്ടും പ്രവര്‍ത്തനസജ്ജമാവുന്നത്.
