വൈദ്യുതി നിരക്ക് വർധിപ്പിക്കുമോ? അണക്കെട്ടിൽ വെള്ളമില്ലെന്ന് മന്ത്രി, നാളെ നിർണായക യോഗം
Edited by ജിബിൻ ജോർജ് | Samayam Malayalam | Updated: 15 Aug 2023, 2:53 pm
സംസ്ഥാനത്ത് വൈദ്യുതി നിരക്ക് വർധനയ്ക്ക് സാധ്യതയെന്ന സൂചന നൽകി മന്ത്രി കെ കൃഷ്ണൻകുട്ടി. അണക്കെട്ടുകളിൽ വെള്ളമില്ലാത്ത സ്ഥിതിയാണുള്ളതെന്ന് മന്ത്രി പറഞ്ഞു
ഹൈലൈറ്റ്:
- വൈദ്യുതി നിരക്ക് കൂട്ടേണ്ടിവരുമെന്ന് മന്ത്രി കെ കൃഷ്ണൻകുട്ടി.
- അണക്കെട്ടുകളിൽ വെള്ളമില്ലാത്ത സ്ഥിതിയാണ്.
- നാളെ ചേരുന്ന യോഗത്തിന് ശേഷം തീരുമാനമുണ്ടാകും.
‘ഓണത്തിന് ജവാനെ പ്രത്യേകം പരിഗണിക്കണം’; ഒരു ബ്രാൻഡിനും കുറവുണ്ടാകരുത്, ജീവനക്കാർക്ക് നിർദേശങ്ങളുമായി ബെവ്കോഎത്ര രൂപയ്ക്ക് വൈദ്യുതി വാങ്ങണമെന്ന കാര്യം ഈ യോഗത്തിൽ തീരുമാനിക്കും. മഴ പെയ്യുകയും അണക്കെട്ടുകളിൽ വെള്ളം എത്തുകയും ചെയ്താൽ നിരക്ക് കൂട്ടേണ്ടതില്ല. മഴ ദിവസം പത്തുകോടി രൂപയുടെ അധിക വൈദ്യുതി വാങ്ങേണ്ടിവരുന്ന അവസ്ഥയാണ് നിലവിലുള്ളത്. എത്ര രൂപയ്ക്ക് വൈദ്യുതി വാങ്ങുന്നു എന്നതിനെ ആശ്രയിച്ചായിരിക്കും വർധനയുണ്ടാകുക. ഇക്കാര്യത്തിൽ റെഗുലേറ്ററി ബോർഡ് ആണ് തീരുമാനമെടുക്കുകയെന്ന് മന്ത്രി പറഞ്ഞു.
Puthupally Voters Opinion: ജെയ്‌ക്കോ ഉമ്മനോ? വിജയം ആർക്കൊപ്പം
ഉപഭോക്താവിനെ കഴിയുന്നത്ര വിധത്തിൽ വിഷമിപ്പിക്കാതിരിക്കാനുള്ള നടപടിയാണ് സ്വീകരിക്കുകയെന്നും മന്ത്രി വ്യക്തമാക്കി.
സാഹചര്യം വിലയിരുത്തി വൈദ്യുതി റഗുലേറ്ററി കമ്മിഷൻ്റെയടക്കം തീരുമാനത്തിൻ്റെ അടിസ്ഥാനത്തിലായിരിക്കും വൈദ്യുതി നിരക്ക് കൂട്ടണോ എന്ന കാര്യത്തിൽ തീരുമാനമെടുക്കുകയെന്ന് മന്ത്രി കെ കൃഷ്ണൻകുട്ടി വ്യക്തമാക്കി.
കഴിഞ്ഞ ഫെബ്രുവരിയിൽ സംസ്ഥാനത്ത് വൈദ്യുതി നിരക്ക് വർധിപ്പിച്ചിരുന്നു. നാല് മാസത്തേക്ക് യൂണിറ്റിന് 9 പൈസയുടെ വർധനയാണ് വരുത്തിയത്. കഴിഞ്ഞ വർഷം പുറത്തുനിന്ന് വൈദ്യുതി വാങ്ങിയതിൽ ബോർഡിനുണ്ടായ അധിക ബാധ്യത നികത്താനായിരുന്നു ഈ വർധന.
കർണാടകയ്ക്കും തമിഴ്നാടിനും പിന്നാലെ മഹാരാഷ്ട്ര; എഐ ക്യാമറയിൽ കേരളത്തെ മാതൃകയാക്കാൻ മഹാരാഷ്ട്രയും
സംസ്ഥാനത്ത് ആവശ്യസാധങ്ങളുടെ വില ഉയർന്ന തോതിൽ തുടരുന്നതിനിടെയാണ് വൈദ്യുതി നിരക്ക് കൂട്ടേണ്ട സാഹചര്യമൊരുങ്ങുന്നത്. നിരക്ക് വർധനയുണ്ടായാൽ വ്യാപക എതിർപ്പിന് കാരണമാകുമെന്നാണ് വിലയിരുത്തൽ. കൂടുതൽ മഴ ലഭിക്കുന്ന ജൂൺ, ജൂലൈ മാസങ്ങളിൽ സംസ്ഥാനത്ത് മഴ വിട്ടുനിൽക്കുന്നതാണ് അണക്കെട്ടുകളിൽ ജലത്തിൻ്റെ തോത് കുറയാൻ കാരണം. വരും ദിവസങ്ങളിലും മഴ കുറഞ്ഞ് നിൽക്കാനാണ് സാധ്യത.
Read Latest Kerala News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
