Edited by ജിബിൻ ജോർജ് | Samayam Malayalam | Updated: 15 Aug 2023, 5:21 pm
രാജ്യത്തെ പതിനായിരക്കണക്കിന് പരമ്പരാഗത തൊഴിലാളികളെ സഹായിക്കാനുള്ള പദ്ധതികളുമായി കേന്ദ്ര സർക്കാർ. വിശ്വകർമ്മ യോജന പദ്ധതി വൈകാതെ ആരംഭിക്കുമെന്ന് പ്രധാനമന്ത്രി പറഞ്ഞു
ഹൈലൈറ്റ്:
- വിശ്വകർമ്മ യോജന പദ്ധതിയുമായി പ്രധാന മന്ത്രി നരേന്ദ്ര മോദി.
- 13,000 കോടി രൂപയുടെ പദ്ധതിയാണ് കേന്ദ്ര സർക്കാർ നടപ്പാക്കുന്നത്.
- സെപ്റ്റംബർ പതിനേഴിന് വിശ്വകർമ ജയന്തി ദിനത്തിൽ പദ്ധതി ആരംഭിക്കുക.
‘വിദേശമദ്യം ഇറക്കുമതി ചെയ്ത് പണമുണ്ടാക്കാം, പ്രമുഖർ അടുപ്പക്കാരാണ്’; തട്ടിയെടുത്തത് 65 ലക്ഷം, മലയാളി യുവാവും യുവതിയും അറസ്റ്റിൽരാജ്യത്ത് ഏറ്റവുമധികം പേർ ജോലി ചെയ്യുന്നത് പരമ്പരാഗത മേഖലയിലാണ്. രാജ്യപുരോഗതിക്ക് പരമ്പരാഗത മേഖലയെ പ്രയോജനപ്പെടുന്ന രീതിയിലാകും പദ്ധതികൾ നടപ്പാക്കുക. സ്വർണ പണിക്കാർ, ഇരുമ്പ് പണിക്കാർ, അലക്കുകാർ, ബാർബർമാർ, കൽപ്പണിക്കാർ എന്നിവരെ ലക്ഷ്യമാക്കിയാണ് പ്രധാനമായും വിശ്വകർമ യോജന ആരംഭിക്കുന്നത്. ഇവരുടെ ഉന്നമനത്തിന് സഹായമാകുന്ന പദ്ധതികളാകും നടപ്പാക്കുകയെന്നും പ്രധാനമന്ത്രി പറഞ്ഞു.
Stone Age: നൂറ്റാണ്ടുകൾ പഴക്കമുള്ള പുരാവസ്തു ശേഖരവും ഗുഹയും കണ്ടെത്തി
സ്ത്രീകളടക്കമുള്ള പരമ്പാരാഗത തൊഴിലാളികൾക്ക് രാജ്യത്തിൻ്റെ പുരോഗതിയിൽ നിർണായക പങ്ക് വഹിക്കാനാകും. കരകൗശല മേഖലയിൽ തൊഴിൽ ചെയ്യുന്നവരുടെ ഉൽപ്പന്നങ്ങളുടെ ഗുണനിലവാരം ഉയർത്തി സേവനങ്ങൾ മെച്ചപ്പെടുത്തുന്നതിനും അവർക്ക് കൂടുതൽ വിപണി ലഭിക്കുന്നതിനും പദ്ധതി ലക്ഷ്യമിടുന്നുണ്ട്. ഉത്പന്നങ്ങൾക്ക് മികച്ച മൂല്യം ഉറപ്പാക്കുകയെന്നത് വിശ്വകർമ യോജനയുടെ പ്രധാന ലക്ഷ്യങ്ങളിലൊന്നാണെന്ന് പ്രധാനമന്ത്രി പറഞ്ഞു.
രാജ്യം മണിപ്പൂരിലെ ജനങ്ങൾക്കൊപ്പം, സമാധാനം പുലരണം; സ്വാതന്ത്ര്യദിന പ്രസംഗത്തിൽ മോദി
ജൻ ഔഷധി സ്റ്റോറുകൾ 10,000ൽ നിന്ന് 25,000 ആക്കി ഉയർത്താൻ സർക്കാർ ശ്രമിക്കുകയാണെന്നും പ്രധാനമന്ത്രി പറഞ്ഞു. കഴിഞ്ഞ അഞ്ച് വർഷത്തിനിടെ13.5 കോടിയിലധികം ആളുകൾ ദാരിദ്ര്യത്തിൽ നിന്ന് കരകയറുകയും മധ്യവർഗത്തിന്റെ ഭാഗമായി തീരുകയും ചെയ്തു. അടുത്ത അഞ്ച് വർഷത്തിനുള്ളിൽ ഇന്ത്യ മൂന്നാമത്തെ വലിയ ആഗോള സമ്പത്തിക ശക്തിയായി മാറുമെന്ന് ഉറപ്പാണെന്നും 77മത് സ്വാതന്ത്ര്യദിന ആഘോഷത്തിൻ്റെ ഭാഗമായി ചെങ്കോട്ടയിൽ നടത്തിയ പ്രസംഗത്തിൽ പ്രധാനമന്ത്രി കൂട്ടിച്ചേർത്തു.
ഇറക്കുമതികൾക്കൊപ്പം വിലക്കയറ്റവും ഇറക്കുമതി ചെയ്തു; ഇന്ത്യ 2047ൽ വികസിത രാഷ്ട്രമാകും; മണിപ്പൂരിൽ സമാധാനത്തിന്റെ മാർഗ്ഗം: പ്രധാനമന്ത്രിയുടെ സ്വാതന്ത്ര്യദിന പ്രസംഗത്തിലെ പ്രസക്തഭാഗങ്ങൾ
2014ൽ ബിജെപി സർക്കാർ കേന്ദ്രത്തിൽ അധികാരത്തിലെത്തുമ്പോൾ ആഗോള സാമ്പത്തിക ശക്തികളുടെ പട്ടികയിൽ ഇന്ത്യ പത്താം സ്ഥാനത്തായിരുന്നു. രാജ്യത്തെ 40 കോടി ഇന്ത്യക്കാരുടെ പ്രയത്നത്തിൻ്റെ ഫലമായി ഇന്ന് നമ്മൾ അഞ്ചാം സ്ഥാനത്താണ്. രാജ്യത്തെ അഴിമതികൾ അവസാനിപ്പിച്ചതോടെ ശക്തമായ സമ്പദ്‌വ്യവസ്ഥ സൃഷ്ടിക്കാനായെന്ന് പ്രധാനമന്ത്രി അവകാശപ്പെട്ടു. ലക്ഷ്യങ്ങൾ നിറവേറ്റുന്നതിനായി തൻ്റെ സർക്കാർ അതിവേഗത്തിലാണ് നീങ്ങുന്നതെന്ന് മോദി പറഞ്ഞു.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
