ആരോഗ്യമേഖലയിലെ സ്വദേശിവത്കരണം; വ്യാപിപ്പിക്കാൻ തീരുമാനവുമായി കുവെെറ്റ്
Sumayya P | Samayam Malayalam | Updated: 15 Aug 2023, 5:07 pm
നിലവിലെ സ്ഥിതിവിവരക്കണക്കുകൾ പ്രകാരം ആരോഗ്യ മന്ത്രാലയത്തിലെ മൊത്തം ജീവനക്കാരില്‍ പകുതിയിലേറെയും വിദേശികളാണ്.
ഹൈലൈറ്റ്:
- ആരോഗ്യമന്ത്രാലയത്തിലെ മൊത്തം ജീവനക്കാരില്‍ പകുതിയിലേറെയും വിദേശികളാണ്.
- വേണ്ടത്ര സ്വദേശികളെ ലഭ്യമല്ലാത്തതു കാരണം തീരുമാനം മരവിപ്പിച്ചു
സര്‍ക്കാര്‍ ആശുപത്രികളിലും ക്ലിനിക്കുകളിലുമായി ആറായിരം ഡോക്ടർമാർ ആണ് ജോലി ചെയ്യുന്നത്. നാലായിരം വരുന്ന കുവെെറ്റികളാണ് ജോലി ചെയ്യുന്നത്. സ്വകാര്യ ആരോഗ്യ മേഖലയിൽ 3500 പ്രവാസി ഡോക്ടർമാരും 500 കുവെെറ്റി ഡോക്ടർമാരും ആണ് ജോലി ചെയ്യുന്നത്. സ്വദേശികളില്‍ നിന്ന് യോഗ്യരായ ഉദ്യോഗാർഥികളെ ലഭിക്കാത്തത് സ്വദേശിവത്കരണതോത് ആദ്യ ഘട്ടത്തിൽ കുറയാൻ കാരണമായി. വേണ്ടത്ര സ്വദേശികളെ കിട്ടാത്തതിനാൽ ഇത് ചെറിയ തോതൽ മരവിപ്പിച്ചിരുന്നു. എന്നാൽ ഇപ്പോൾ സ്വദേശികളെ പരിശീലിപ്പിച്ച് വളർത്തിയെടുക്കാനുള്ള ശ്രമത്തിലാണ് മന്ത്രാലയം.
Human Traffick : തൊഴിൽ വാഗ്‌ദാനം ചെയ്ത് യുവതികളെ കടത്തുന്ന സംഘം പിടിയിൽ
Also Read: സൂര്യപ്രകാശത്തിൽ നിന്ന് 1800 മെഗാവാട്ട് വൈദ്യുതി; സൗരോർജ പാടം സ്ഥാപിക്കാൻ ദുബായ് ഒരുങ്ങുന്നു
ആരോഗ്യമേഖലയിൽ കൂടുതല്‍ വിദേശികളെ നിയമിക്കുമെന്ന് ആരോഗ്യമന്ത്രി ഡോ അഹമ്മദ് അൽ അവാദി ഈ വർഷം ആദ്യത്തിൽ വ്യക്തമാക്കിയിരുന്നു. പാകിസ്ഥാനുമായി കുവെെറ്റ് കരാറിൽ എത്തിയിരുന്നു. ഇതിന്റെ ഭാഗമായി പാകിസ്ഥാനിൽ നിന്നും ഡോക്ടർമാരും നഴ്സുമാരും അടങ്ങുന്ന 200 ഓളം പേർ കുവെെറ്റിൽ എത്തിയിരുന്നു. ഇറാൻ ഉൾപ്പെടെയുള്ള രാജ്യങ്ങളില്‍ നിന്ന് ആരോഗ്യപ്രവർത്തകരെ കൊണ്ടുവരുമെന്നും ആദ്യഘട്ടത്തില്‍ 200 പേര്‍ അടങ്ങുന്ന സംഘത്തെ എത്തിക്കുമെന്നുള്ള റിപ്പോർട്ടുകൾ ഉണ്ടായിരുന്നു. ഇതിന്റെ ഇടയിൽ ആണ് സ്വദേശിവത്കരണം ശക്തിപ്പെടുത്താൻ തീരുമാനവുമായി കുവെെറ്റ് അധികൃതർ എത്തിയിരിക്കുന്നത്.
അതേസമയം, സ്വയംതൊഴിൽ ചെയ്യുന്ന രാജ്യത്തെ ചെറുകിട സംരംഭകർക്കും പ്രത്യേക സ്വഭാവമുള്ള പ്രവർത്തനങ്ങൾക്കും തൊഴിൽ പിന്തുണയുടെ ഭാഗമായി അലവൻസ് നൽകാൻ തീരുമാനം ആയി. കഴിഞ്ഞ ദിവസം ചേർന്ന മന്ത്രിസഭ യോഗം ആണ് ഇതിന് അംഗീകാരം നൽകിയത്. ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് തലാൽ ഖാലിദ് അൽ അഹമ്മദ് അസ്സബാഹിന്റെ നിർദേശങ്ങളുടെ അടിസ്ഥാനത്തിലാണ് പുതിയ തീരുമാനം കുവെെറ്റിൽ എത്തിയിരിക്കുന്നത്.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
