അറസ്റ്റിന് പിന്നാലെ പശുക്കടത്ത് സംഘം വെടിയുതിർത്തു; പോലീസ് ഉദ്യോഗസ്ഥന് ദാരുണാന്ത്യം, മൂന്നുപേർ കസ്റ്റഡിയിൽ
Edited by ജിബിൻ ജോർജ് | Samayam Malayalam | Updated: 15 Aug 2023, 7:25 pm
ബിഹാറിൽ കന്നുകാലിക്കടത്ത് സംഘം നടത്തിയ വെടിവെപ്പിൽ പരിക്കേറ്റ പോലീസ് ഉദ്യോഗസ്ഥൻ മരിച്ചു. സംഭവത്തിൽ അന്വേഷണം തുടരുകയാണെന്നും കൂടുതൽ അറസ്റ്റ് ഉണ്ടാകുമെന്നും പോലീസ് അറിയിച്ചു
ഹൈലൈറ്റ്:
- കന്നുകാലിക്കടത്ത് സംഘം നടത്തിയ വെടിവെപ്പിൽ പരിക്കേറ്റ പോലീസ് ഉദ്യോഗസ്ഥൻ മരിച്ചു.
- ബിഹാറിലെ മോഹൻപുരിലാണ് സംഭവം.
- മൂന്ന് പേർ കസ്റ്റഡിയിലാണെന്ന് പോലീസ്.
15,000 കോടിയുടെ വിശ്വകർമ്മ യോജന പദ്ധതി; നേട്ടം ആർക്കൊക്കെ? പ്രഖ്യാപനവുമായി പ്രധാനമന്ത്രിചൊവ്വാഴ്ച ബിഹാറിലെ സമസ്തിപൂർ ജില്ലയിൽ വെച്ചാണ് യാദവിന് വെടിയേറ്റത്. ചികിത്സയിൽ കഴിയുന്നതിനിടെയാണ് മരണം സംഭവിച്ചത്. പശുക്കടത്തുകാരെന്ന് ആരോപിക്കപ്പെടുന്ന മൂന്ന് പേർ കസ്റ്റഡിയിലാണെന്നും ഇവർക്കൊപ്പമുണ്ടായിരുന്ന മറ്റുള്ളവർക്കായി അന്വേഷണം തുടരുകയാണെന്നും പോലീസ് പറഞ്ഞു.
mysterious death: യുവാവിനെ മരിച്ച നിലയിൽ കണ്ടെത്തിയ സംഭവം സഹോദരൻ അറസ്റ്റിൽ
രഹസ്യ വിവരത്തിന്റെ അടിസ്ഥാനത്തിൽ പശുക്കളുമായി എത്തിയ വാഹനങ്ങൾ പരിശോധിക്കുന്നതിനിടെയാണ് യാദവിന് വെടിയേറ്റത്. വാഹനങ്ങൾ പരിശോധിച്ച പോലീസ് ഉദ്യോഗസ്ഥർ സംഘത്തിലുണ്ടായിരുന്ന മൂന്ന് പേരെ അറസ്റ്റ് ചെയ്തു. ഇവരെ പോലീസ് സ്റ്റേഷനിലേക്ക് കൊണ്ടു പോകാൻ ശ്രമിക്കുന്നതിനിടെ ഇവർക്കൊപ്പമുണ്ടായിരുന്നവർ പോലീസിന് നേർക്ക് വെടിയുതിർക്കുകയായിരുന്നു. യാദവിൻ്റെ ഇടതുകണ്ണിന് സമീപമാണ് വെടിയേറ്റത്. ഉടൻ തന്നെ ഇയാളെ ആശുപത്രിയിൽ എത്തിച്ച് വിദഗ്ധ ചികിത്സ നൽകിയെങ്കിലും ജീവൻ രക്ഷിക്കാനായില്ല.
‘വിദേശമദ്യം ഇറക്കുമതി ചെയ്ത് പണമുണ്ടാക്കാം, പ്രമുഖർ അടുപ്പക്കാരാണ്’; തട്ടിയെടുത്തത് 65 ലക്ഷം, മലയാളി യുവാവും യുവതിയും അറസ്റ്റിൽ
അറസ്റ്റിന് പിന്നാലെ സ്ഥലത്തെത്തിയവരാണ് പോലീസിന് നേർക്ക് വെടിയുതിർത്തതെന്നാണ് റിപ്പോർട്ട്. പശുക്കടത്തുകാരെന്ന് ആരോപിക്കപ്പെടുന്ന മൂന്ന് പേർ കസ്റ്റഡിയിലാണെന്നും ഇവർക്കൊപ്പമുള്ള മറ്റുള്ളവരെ കണ്ടെത്താൻ അന്വേഷണം തുടരുകയാണെന്നും പോലീസ് അറിയിച്ചു. അറസ്റ്റിലായ പ്രതികളെ സ്റ്റേഷനിലേക്ക് മാറ്റുന്നതിനിടെയാണ് പോലീസിന് നേരെ വെടിവെപ്പ് ഉണ്ടായതെന്ന് സമസ്തിപൂർ പോലീസ് സൂപ്രണ്ട് വിനയ് തിവാരി പറഞ്ഞു.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
