കളിപ്പാട്ടം എടുക്കാനെത്തിയ ഏഴുവയസ്സുകാരിയെ ബലാത്സംഗം ചെയ്തു; റിട്ട. എസ്ഐ അറസ്റ്റിൽ
Edited by ജിബിൻ ജോർജ് | Samayam Malayalam | Updated: 15 Aug 2023, 6:22 pm
പ്രായപൂർത്തിയാകാത്ത കുട്ടിയെ ബലാത്സംഗം ചെയ്യുകയും പിതാവിനെ മർദിക്കുമെന്ന് ഭീഷണിപ്പെടുത്തുകയും ചെയ്ത സംഭവത്തിൽ റിട്ട. സബ് ഇൻസ്പെക്ടർ അറസ്റ്റിൽ. പ്രതിക്കെതിരെ പോക്സോ അടക്കമുള്ള വകുപ്പൾ ചുമത്തി
ഹൈലൈറ്റ്:
- ഏഴുവയസ്സുകാരിയെ ബലാത്സംഗം ചെയ്തു.
- റിട്ട. എസ്ഐ ബെംഗളൂരുവിൽ അറസ്റ്റിൽ.
- പോലീസുകാരനായ പ്രതിയുടെ മകനെതിരെയും കേസ്.
15,000 കോടിയുടെ വിശ്വകർമ്മ യോജന പദ്ധതി; നേട്ടം ആർക്കൊക്കെ? പ്രഖ്യാപനവുമായി പ്രധാനമന്ത്രിപ്രതിയുടെ വീടിൻ്റെ മുകളിലെ നിലയിൽ താമസിച്ചിരുന്ന കുട്ടിയാണ് പീഡനത്തിനിരയായത്. തിങ്കളാഴ്ച രാത്രി എട്ടരയോടെ താഴത്തെ നിലയിൽ വീണ കളിപ്പാട്ടം എടുക്കാൻ മകൾ താഴേക്ക് എത്തുകയായിരുന്നു. ഏറെനേരം കഴിഞ്ഞിട്ടും കുട്ടി മടങ്ങിവന്നില്ല. അന്വേഷണം തുടരുന്നതിനിടെ കുട്ടി കരഞ്ഞുകൊണ്ട് വീട്ടിലെത്തുകയായിരുന്നുവെന്ന് അമ്മ പറഞ്ഞു. കുട്ടിയുമായി സംസാരിച്ചപ്പോഴാണ് പീഡനവിവരം വ്യക്തമായത്.
Independence Day Celebration: പ്രഭാതഭേരിയോടെ ഇത്തവണയും മലപ്പുറത്ത് സ്വാതന്ത്ര്യ ദിനാഘോഷം
കുട്ടിയുടെ ചുണ്ടുകൾ മുറിവേറ്റ് തടിച്ചിരുന്നു. ഭപ്പെട്ട അവസ്ഥയിലായിരുന്നു മകളെന്നും അമ്മ കൂട്ടിച്ചേർത്തു. വിവരമറിഞ്ഞ് കുട്ടിയുടെ പിതാവ് പ്രതിയുടെ വീട്ടിലെത്തി ബഹളം വെച്ചെങ്കിലും ഇയാളുടെ മകൻ ഭീഷണിപ്പെടുത്തുകയും ഗുണ്ടകളെ ഉപയോഗിച്ച് മർദിക്കുമെന്ന് ഭീഷണിപ്പെടുത്തുകയും ചെയ്തു. ഇയാളും പോലീസ് ഉദ്യോഗസ്ഥനാണ്. താൻ പോലീസിലാണ് ജോലി ചെയ്യുന്നതെന്നും നിരവധി ഗുണ്ടകളെ പരിചയമുണ്ടെന്നും ഇവരെ ഉപയോഗിച്ച് മർദ്ദിക്കുമെന്നും മകൻ കുട്ടിയുടെ പിതാവിനെ ഭീഷണിപ്പെടുത്തി.
കുട്ടി പീഡനത്തിനിരയായ വിവരം പുറത്തറിയാൻ പാടില്ലെന്നും പണം നൽകാമെന്നും പ്രതിയുടെ മകനായ പോലീസ് ഉദ്യോഗസ്ഥൻ കുടുംബത്തെ അറിയിച്ചു. പണം വാങ്ങി വീട് ഒഴിയണമെന്നായിരുന്നു ആവശ്യമെന്ന് കുട്ടിയുടെ പിതാവ് ആരോപിച്ചു. ഭീഷണി അവഗണിച്ച കുട്ടിയുടെ പിതാവ് പോലീസിൽ പരാതി നൽകി. കേസ് രജിസ്റ്റർ ചെയ്ത പോലീസ് പോക്സോ ഉൾപ്പെടെയുള്ള വകുപ്പുകൾ പ്രകാരം പ്രതിയെ അറസ്റ്റ് ചെയ്തു.
ഇന്‍സ്റ്റഗ്രാമിൽ ഫോളോവേഴ്‌സ് കൂടി, തന്നെ ബ്ലോക്കുമാക്കി; മക്കളുടെ കണ്മുന്നിലിട്ട് യുവാവ് ഭാര്യയെ കൊന്നു
പെൺകുട്ടിയേയും പ്രതിയേയും വൈദ്യപരിശോധനയ്ക്ക് വിധേയമാക്കി. പീഡനവിവരം മറച്ചുവെക്കാൻ പെൺകുട്ടിയുടെ പിതാവിനെ ഭീഷണിപ്പെടുത്തുകയും പണം വാഗ്ദാനം ചെയ്യുകയും ചെയ്ത പ്രതിയുടെ മകനെതിരെയും കേസെടുത്തു. സംഭവത്തിൽ വിശദമായ അന്വേഷണം തുടരുകയാണെന്ന് പോലീസ് വ്യക്തമാക്കി. എട്ട് ദിവസം മുൻപാണ് പെൺകുട്ടിയും കുടുംബവും പ്രതി താമസിക്കുന്ന വീടിൻ്റെ മുകൾ നിലയിൽ താമസിക്കാൻ എത്തിയത്.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
