നൃത്തത്തിന് പിന്നാലെ ദേശീയ പതാക സദസ്സിന് നേരെ വലിച്ചെറിഞ്ഞു; യുക്രൈൻ ഗായികയ്ക്കെതിരെ കേസ്

അറസ്റ്റിന് പിന്നാലെ പശുക്കടത്ത് സംഘം വെടിയുതിർത്തു; പോലീസ് ഉദ്യോഗസ്ഥന് ദാരുണാന്ത്യം, മൂന്നുപേർ കസ്റ്റഡിയിൽ
യുക്രൈൻ ബാൻഡായ ശാന്തി പീപ്പിളിലെ ഗായികയായ ഉമാ ശാന്തിക്കും പരിപാടിയുടെ സംഘാടകൻ കാർത്തിക് മോറിനുമെതിരെയാണ് കേസ്. ഹവൽദാർ താനാജി ദേശ്മുഖ് കൊറേഗാവ് പാർക്ക് പോലീസാണ് കേസെടുത്തത്. ക്ലബ്ബിൽ നടന്ന പ്രകടനത്തിനിടെ ഉമാ ശാന്തി ഇന്ത്യൻ ദേശീയ പതാക ഇരുകൈകളിലും പിടിച്ച് നൃത്തം ചെയ്യുകയും പിന്നീട് സദസ്സിനു നേരെ പതാകകൾ വലിച്ചെറിയുകയും ചെയ്തുവെന്നാണ് എഫ്‌ഐആറിൽ പറയുന്നത്. പരിപാടിയിൽ നൂറുകണക്കിനാളുകൾ പങ്കെടുത്തു.

സംഭവത്തിൽ ശാന്തിക്കും സംഘാടകൻ കാർത്തിക് മോറിനുമെതിരെ കേസെടുത്തതായി സീനിയർ പോലീസ് ഇൻസ്‌പെക്ടർ വിഷ്ണു തംഹാനെ പറഞ്ഞു. ശാന്തി പതാകയുമായി നൃത്തം ചെയ്യുന്നതിൻ്റെയും തുടർന്ന് വലിച്ചെറിയുന്നതിൻ്റെയും ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നിരുന്നു. ഗായികയുടെ നടപടി ഇന്ത്യൻ ദേശീയ പതാകയെ അപമാനിക്കുന്നതാണെന്നും നടപടി വേണമെന്നുമാണ് പരാതിയിൽ പറയുന്നത്.

‘വിദേശമദ്യം ഇറക്കുമതി ചെയ്ത് പണമുണ്ടാക്കാം, പ്രമുഖർ അടുപ്പക്കാരാണ്’; തട്ടിയെടുത്തത് 65 ലക്ഷം, മലയാളി യുവാവും യുവതിയും അറസ്റ്റിൽ
പരാതി ഗൗരവമുള്ളതാണെന്ന് മുൻധ്വ പോലീസ് ഇൻസ്‌പെക്ടർ വിഷ്ണു തംഹാനെ പറഞ്ഞു. പരാതി സ്വീകരിച്ചതായും അന്വേഷണവുമായി മുന്നോട്ട് പോകുമെന്നും വിഷ്ണു തംഹാനെ പറഞ്ഞു. യുക്രൈൻ ബാൻഡായ ശാന്തി പീപ്പിളിലെ പ്രധാന ഗായികയാണ് ഉമാ ശന്തി. ഇന്ത്യൻ പര്യടനത്തിനിടെ ശാന്തി പീപ്പിൾ ബാൻഡ് ദിവസങ്ങൾക്ക് മുൻപ് ബെംഗളൂരുവിലും ഭോപ്പാലിലും പരിപാടികൾ സംഘടിപ്പിച്ചിരുന്നു. 2022 ഒക്ടോബർ ഒന്നിന് ശേഷം ഇത് രണ്ടാം തവണയാണ് ഉമാ ശാന്തി പൂനെയിൽ പരിപാടി അവതരിപ്പിച്ചത്.

Read Latest National News and Malayalam News