സ്വാതന്ത്ര്യദിനമാഘോഷിക്കുന്ന ഇന്ത്യക്കാര്‍ക്ക് ഗള്‍ഫ് ഭരണാധികാരികളും ആശംസകള്‍ നേര്‍ന്നു. യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്‌യാന്‍ ഇന്ത്യന്‍ രാഷ്ട്രപതിക്കും പ്രധാനമന്ത്രിക്കും അഭിനന്ദന സന്ദേശം അയച്ചു. ഇന്ത്യയുമായി ചേര്‍ന്ന് സമൃദ്ധിയുടെയും വളര്‍ച്ചയുടെയും ഭാവി കെട്ടിപ്പടുക്കാന്‍ യുഎഇ പ്രതിജ്ഞാബദ്ധമാണെന്ന് അദ്ദേഹം ട്വിറ്ററില്‍ കുറിച്ചു. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം, വൈസ് പ്രസിഡന്റും ഉപപ്രധാനമന്ത്രിയുമായ ഷെയ്ഖ് മന്‍സൂര്‍ ബിന്‍ സായിദ് അല്‍ നഹ്‌യാനും രാഷ്ട്രപതിക്ക് ആശംസ കൈമാറി.
Football while kayakking: കയാക്കിങ്ങിനിടയിൽ ഫുട്ബോൾ കൊണ്ട് അഭ്യാസപ്രകടനം ശ്രദ്ധേയമായി യുവാവ്
സൗദി ഭരണാധികാരി സല്‍മാന്‍ രാജാവും കിരീടാകാശി മുഹമ്മദ് ബിന്‍ സല്‍മാനും ഇന്ത്യക്ക് ആശംസകള്‍ നേര്‍ന്നു. ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍താനിയും ഡെപ്യൂട്ടി അമീര്‍ ഷെയ്ഖ് അബ്ദുല്ല ബിന്‍ ഹമദ് അല്‍താനിയും മറ്റു ഗള്‍ഫ് ഭരണകര്‍ത്താക്കളും ഇന്ത്യന്‍ രാഷ്ട്രപതിക്കും പ്രധാനമന്ത്രിക്കും ആശംസാ സന്ദേശമയച്ചു.
യുഎഇയുടെ ബഹിരാകാശ യാത്രികന്‍ സുല്‍ത്താന്‍ അല്‍ നെയാദി അന്താരാഷ്ട്ര ബഹിരാകാശ കേന്ദ്രത്തില്‍ നിന്ന് ഇന്ത്യക്ക് ആശംസകള്‍ നേരുകയും അവിടെ നിന്ന് പകര്‍ത്തിയ ന്യൂഡല്‍ഹിയുടെ ചിത്രം പങ്കിടുകയും ചെയ്തത് ശ്രദ്ധേയമായി. മലയാളത്തിലും ഹിന്ദി, ഉറുദു, കന്നഡ, തമിഴ്, ബംഗാളി തുടങ്ങിയ ഭാഷകളിലും നമസ്‌കാരം എന്നെഴുതിയാണ് അദ്ദേഹം ഇംഗ്ലീഷിലുള്ള ആശംസകളോടൊപ്പം ചിത്രം സമൂഹമാധ്യമത്തില്‍ പോസ്റ്റ് ചെയ്തത്.
സ്ഥലംവാങ്ങാന്‍ പ്ലാനുണ്ടോ? ദുബായിലായിക്കോട്ടെ. പലതുണ്ട് നേട്ടങ്ങള്‍
നൂറുകണക്കിന് പ്രവാസികള്‍ എംബസികളുടെയും കോണ്‍സുലേറ്റുകളുടെയും നേതൃത്വത്തില്‍ സംഘടിപ്പിച്ച് ആഘോഷ പരിപാടികളില്‍ സംബന്ധിച്ചു. റിയാദിലെ ഇന്ത്യന്‍ എംബസി അങ്കണത്തില്‍ അംബാസഡര്‍ ഡോ. സുഹൈല്‍ അജാസ് ഖാനും ജിദ്ദ ഇന്ത്യന്‍ കോണ്‍സുലേറ്റില്‍ ആക്റ്റിങ് കോണ്‍സല്‍ ജനറല്‍ മുഹമ്മദ് അബ്ദുല്‍ ജലീലും ദേശീയ പതാക ഉയര്‍ത്തി. തുടര്‍ന്ന് സാംസ്‌കാരിക പരിപാടിയും വിഭജന അനുസ്മരണ ദിനത്തിന്റെ ഫോട്ടോ പ്രദര്‍ശനവും നടന്നു. ഇന്ത്യന്‍ എംബസി അടുത്തിടെ നടത്തിയ ഓണ്‍ലൈന്‍ ഫ്രീഡം ക്വിസ് വിജയികളെ ചടങ്ങില്‍ അനുമോദിച്ചു.
മരുന്ന് ക്ഷാമം; കുവൈറ്റിലെ പ്രവാസികള്‍ക്ക് ആരോഗ്യ സേവനങ്ങള്‍ക്ക് ഉയര്‍ന്ന തുക നല്‍കേണ്ടി വരും
ഖത്തറില്‍ ഇന്ത്യന്‍ എംബസിക്കു കീഴില്‍ നടന്ന ആഘോഷങ്ങള്‍ക്ക് അബൂഹമൂറിലെ ഐസിസി അങ്കണത്തില്‍ അംബാസഡര്‍ വിപുല്‍ ദേശീയ പതാക ഉയര്‍ത്തിയതോടെയാണ് തുടക്കമായത്. 2021 മാര്‍ച്ച് 12ന് ആരംഭിച്ച ഇന്ത്യയുടെ സ്വാതന്ത്ര്യത്തിന്റെ 75ാം വാര്‍ഷികത്തെ അനുസ്മരിക്കുന്ന ‘ആസാദി കാ അമൃത് മഹോത്സവ്’ ആഘോഷങ്ങളുടെ സമാപനം കൂടിയായിരുന്നു ഇക്കൊല്ലത്തെ സ്വാതന്ത്ര്യദിനാഘോഷം.
