കശ്മീർ താഴ്‌വരയിലേക്ക് വന്ദേ ഭാരത്; എത്തുക പുഷ് പുൾ ട്രെയിനുകൾ, തണുപ്പകറ്റാൻ ചൂടുവെള്ളം
Edited by ജിബിൻ ജോർജ് | Samayam Malayalam | Updated: 16 Aug 2023, 9:00 am
ജമ്മു കശ്മീരിലെ വിവിധ റെയിൽവേ സ്റ്റേഷനുകളിലേക്കും വൈകാതെ വന്ദേ ഭാരത് ട്രെയിനുകൾ എത്തിയേക്കും. പ്രദേശത്തിൻ്റെ പ്രത്യേകതകൾ കണക്കിലെടുത്ത് പുഷ് – പുൾ സംവിധാനമുള്ള ട്രെയിനുകളാകും എത്തുക.
ഹൈലൈറ്റ്:
- ജമ്മു കശ്മീരിലെ വിവിധ സ്റ്റേഷനുകളിലേക്കും വന്ദേ ഭാരത്.
- പുഷ് – പുൾ ട്രെയിനുകളാകും താഴ്‌വരയിലേക്ക് ഒരുക്കുക.
- തണുപ്പകറ്റാൻ കമ്പാർട്ടുമെന്റുകളിൽ ഹീറ്റിംഗ് സൗകര്യങ്ങൾ ഉണ്ടായിരിക്കും.
കണ്ണടച്ച് തുറക്കും മുൻപ് എത്തും, 8 മണിക്കൂറിൽ 618 കിലോമീറ്റർ; കാച്ചെഗുഡ – ബെംഗളൂരു റൂട്ടിൽ വന്ദേ ഭാരത് എത്തുംയാത്രക്കാർക്ക് സുഖപ്രദമായ യാത്രാനുഭവം നൽകുന്ന ട്രെയിനുകളാകും പുറത്തിറക്കുക. കശ്മീരിൻ്റെ ഭൂമിശാസ്ത്രപരമായ പ്രത്യേകതകൾ കണക്കിലെടുത്ത് എൽഎച്ച്ബി കോച്ചുകളുള്ള പുഷ് – പുൾ ട്രെയിനുകളാകും ഒരുക്കുക. മറ്റ് വന്ദേ ഭാരത് ട്രെയിനുകൾക്ക് സമാനമായ സൗകര്യങ്ങളും ഈ ട്രെയിനുകളിൽ ഉണ്ടാകുമെന്ന് മല്യ കൂട്ടിച്ചേർത്തു.
MVD Department: ജന്മനാ കൈകാലുകൾ തളർന്ന അനൂപിന്റെ ആഗ്രഹം നിറവേറ്റി മോട്ടോർ വാഹന വകുപ്പ് ഉദ്യോഗസ്ഥർ
ചൊവ്വാഴ്ച നടന്ന സ്വാതന്ത്ര്യ ദിനാഘോഷ ചടങ്ങിൽ ദേശീയ പതാക ഉയർത്തിയ ശേഷം സംസാരിക്കുന്നതിനിടെയാണ് കശ്മീർ താഴ്‌വരയിലേക്കും വന്ദേ ഭാരത് എത്തുമെന്ന് ബി ജി മല്യ സൂചന നൽകിയത്. താഴ്‌വരയിലെ പ്രത്യേകതകൾ കണക്കിലെടുത്ത് കമ്പാർട്ടുമെന്റുകളുടെ നിർമ്മാണത്തിൽ മാറ്റങ്ങളുണ്ടാകും. തണുപ്പകറ്റാൻ കമ്പാർട്ടുമെന്റുകളിൽ ഹീറ്റിംഗ് സൗകര്യങ്ങൾ ഉണ്ടായിരിക്കും. ചൂടുവെള്ളം ഉൾപ്പെടെയുള്ള സൗകര്യങ്ങളും ഒരുക്കുമെന്ന് ബി ജി മല്യ പറഞ്ഞു.
താഴ്‌വരയിലൂടെയുള്ള യാത്ര സുഗമമാക്കാൻ പുഷ് – പുൾ മാതൃകയിൽ രണ്ട് എഞ്ചിനുകളാകും ട്രെയിനിന് ഉണ്ടാകുക. ഈ വർഷം ഇത്തരത്തിലുള്ള രണ്ട് ട്രെയിനുകൾ പുറത്തിറക്കും. 30 വേരിയന്റുകളിലായി 3,241 കോച്ചുകൾ നിർമിക്കാനാണ് ഐസിഎഫ് പദ്ധതിയിടുന്നത്.
തമിഴ്നാട്ടിലെത്തിയ അരിക്കൊമ്പൻ ഇപ്പോൾ അരുമൈ മകൻ; പഴയ ശീലം ഉപേക്ഷിക്കാതെ ആന, ആരോഗ്യം വീണ്ടെടുത്തെന്ന് തമിഴ്നാട് വനംവകുപ്പ്
സാധാരണ വന്ദേ ഭാരത് ട്രെയിനുകളിൽ ഉള്ളത് പോലെ തന്നെയുള്ള മെച്ചപ്പെട്ട ഇന്റീരിയറുകളും സൗകര്യങ്ങളും താഴ്‌വരയിലേക്കുള്ള ട്രെയിനുകൾക്കും ഉണ്ടായിരിക്കും. ലോക്കോമോട്ടീവ് ട്രെയിനുകളെ ബന്ധിപ്പിച്ച് കൂടുതൽ വേഗത്തിൽ സർവീസ് നടത്താൻ കഴിയുന്നത് പോലെയായിരിക്കും നിർമാണെന്ന് ബി ജി മല്യ പറഞ്ഞു. നിരവധി വെല്ലുവിളികൾക്കിടയിലും വന്ദേ ഭാരത് ട്രെയിനുകൾ തയ്യാറാക്കാൻ ഐസിഎഫിന് സാധിച്ചു. ഇതുവരെ 30 ട്രെയിനുകൾ പുറത്തിറക്കി രാജ്യത്തെ വിവിധ നഗരങ്ങളെ ബന്ധിപ്പിക്കാനായി. മെച്ചപ്പെട്ട സൗകര്യങ്ങളുള്ള 2,261 എൽഎച്ച്ബി കോച്ചുകളുമുള്ള 12 ആധുനിക വന്ദേ ഭാരത് ട്രെയിനുകൾ ഉൾപ്പെടെ 2,702 കോച്ചുകൾ പുറത്തിറക്കാൻ ഫാക്ടറിക്ക് സാധിച്ചുവെന്ന് അധികൃതർ പറഞ്ഞു.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
